24-04-2013, 06:21 PM
|
عضو متواصل
|
|
تاريخ التسجيل: Sep 2012
المشاركات: 72
معدل تقييم المستوى: 83372
|
|
اقتباس:
المشاركة الأصلية كتبت بواسطة صاحب البساط السر
بسم الله الرحمن الرحيم
السلام عليكم ورحمة الله وبركاته
انا سعودي الجنسيه عملت في شركه اجنبيه بوظيفه مأمور سنترال راتبي 3000 ريال الشركه يستخدموني معقب وموظف استقبال كل يوم اروح اعقب للشركه في الدوائر الحكوميه واذا خلصت من التعقيب مايخلوني اروح للبيت لا ارجع لوظيفه مأمور سنترال استمريت على الحال هذا مايقارب سنه
الآن وظيفتك مأمور سنترال .. ليش يخلونك تعمل معقب برضو؟؟!! كيف راضي الله يصلحك
والراتب نفس الراتب وكل مااقدم استقاله المدير يرفضها يمكن ستة استقالات رفضها المدير ومااعطوني تامين صحي ولا تامين اجتماعي
ليه من الأساس تقبل تعمل وظيفتين بمسى وظيفي واحد وتآخذ راتب واحد ؟؟ اتفقوا معك على البدلات الاجتماعي والصحي ؟؟
واخر شي قلت ابي اشتري سياره على حساب الشركه واقسطها من راتبي قال المدير طيب شرينا السياره وسرت اقسطها من راتبي المدير يخليني استخدم السياره وعلى حسابي الخاص اروح انهي مايخص الشركه في الدوائر الحكوميه
مثل ماقالوا الأخوان فواتيرك إثباتاتك معك ..
لقيت لي وظيفه براتب اعلى قالي ازودك واعطاني 4000 ريال اخر شي خلاني اوقع على مشروع قيمته 3 مليون ريال ومده المشروع ستة اشهر المدير سار يهتم فيني لما خلص المشروع بدا يتلاعب طلبت الاجازه السنويه
اسمممح لي مديرك بجيح ومايستحق يكون مدير الله يسلط من هو أقوى منه استغفرالله ..
الشيء الثاااااني لا توووقع على أي شيء حتى لو قالوا الشركة وبينا اتفاق ..دائما أقرأ وش تووووقع عليه ؟؟ تخيلي موقع أنك تدفع مبلغ وقدره ..الحمدلله جت على كذا ..
قالي نظاميا الاجازه السنويه 15 يوم من مكتب العمل ومااخذتها كل يوم وانا رايح لمكتب العمل جاي من هيئه الاستثمار ارجع للشركه واخر شي حاطيني في مكتب العمل مفوض وانا ماادري عن شي
بكذا آخذذينك بمسمى 3 وظاااااائف وتعملها ومو موقعين معك الا مأمو سنتر المفروض تآخذ ضعفين للراتب يعني تآخذ 3 رواتب .. بمعنى : راتبك 3000 المفروض تآخذ على هالعمل 9000 غير البدلات والعمل من جيبك لصالحهم .. استغفرالله بس قهروووني والله
ولما قدمت له استقاله اني لقيت وظيفه ثانيه قالي سلم السياره وانا اقبل الاستقاله رفضت اسلم السياره راح واشتكاني الشرطه على ان السياره باسم الشركه واني اخذت السياره وهربت فيها وهي نصاب السياره انا اقسطها من راتبي الشرطه قالو رجع السياره لهم طبعا انا رحت التامينات وحذفت اسمي من التامينات ولقيت لي شغل ثاني والشركه الاوله الى الان يستخدمو اسمي في مكتب العمل على اني مفوض للشركه يدخلو على موقع مكتب العمل برقم بطاقتي رحت مكتب العمل سويت شكوه اعطوني موعد وجاء وقت الموعد الشركه جايبين مندوب وجاي معه المدير العام قالي وش طلبابك قلت له ابي هيئه تسويه الخلافات تشوف موضوعي وهما يقررو ايش لي وايشمو لي فانا ابي استفسار بيسط منكم ايش لي في الشركه وهل لهم الحق انهم يدخلو باسمي الى الحين في موقع مكتب العمل وبدل المواصلات لي الحق اني اطالب فيها وحق الاجازه ياليت يكون واحد يفيدني
وشكرا لكم |
طبعآ مالهم حق يدخلون باسمك على أي أساس !!! مو خلاص طلعت ..
مايحتاج تسأل أنت تعرف حقوقك ..
الشيء الثاني اللي بمكتب العمل اشتكيه للمسئول هناك قل لهم وش صار بينكم .
خل يعطونه لفت نظر ..
أنت ماعليك عشانك تآخذ وتعطي معهم وعرفوا أنك مو عارف وش لك فيحاولون يلعبون بذيلهم ..
المهم ادخل وأنت حازم رح نزل اسمك من مكتب العمل ؛ إذا مارضى قابل مديره وفهمه السالفة ,ولاتعصب خلك ريلاكس عشان مايصير ضدك أحد بكل هدوء خذ حقك ..
المهم فواتيرك لاتعطيها المدير خلها معك في حال استدعوك الشرطة عشان السيارة وريهم إثباتاتك ..
ودايم لما توقع عقد مع شركة خذ نسخة منه ..
عشان مايطالبونك بشيء ماوقعت عليه ,واعمل نفس الاتفاق لما يطلبون زيادة لاتسوووووي هالزيادة ..
والرزق على الله وأنا أختك ماشاءالله على صبرك الله يحفظك ويرزقك ,ويغنيك بفضله عمن سواه ,ويفتح عليك ..
أعانك الله ..
|
العرض العادي
