بسم الله الرحمن الرحيم


بعد حملة الجوازات السابقة انقسم بعض أصحاب مكاتب المقاولات إلى قسمين قسم مؤيد و قسم معارض .
وهذا الأمر طبيعي أن يحصل خلاف حول أي قرار

و من كان مستفيد منهم فهو ضد هذا القرار .

ومن كان يعمل بطريقة نظامية فهو مؤيد لهذا القرار لأنه يتحمل رواتب وسكن ورسوم( فقيه ) ...الخ , وفوق هذا يعاني من تمرد عمالته فكم من صاحب مؤسسة مقاولات يشتكي من تهرب عمالته و تمردهم على العمل معه هذا بخلاف من هربوا ولم يجد لهم أثر .

محور النقاش بعد هذه المقدمة :

كيف ترون سوق المقاولات في الفترة القادمة بعد بدء العمل بنظام وزارة العمل الجديد .
من ناحية إدارة مؤسستك و العمالة التي عندك من جميع النواحي كرواتب و سكن ... الخ .
هذا السؤال خاصة لمن يعمل بطريقة نظامية قبل الحملة

و المحور الأهم هل تنصحون بالدخول إلى سوق المقاولات بعد خروج من كانوا يسيطرون عليه بطرق غير نظامية ؟؟

و ياليت بعض الإخوان يضيف الأشياء التي لم أذكرها لتعم الفائد على الجميع .

لكم المايك

الموضوع مهم


للرفع


وبالتوفيق

شف ياخوي من وجهة نظر شخصية اشوف سوق المقاولات فيه ذهب لكن هناك عدة مشاكل ابي اختصارها في نقاط :
1- مكتب العمل مايساعدك في بدايتك بحيث تعمله مع الموؤسسات الكبيرة نفس الصغيرة .
2- مكتب العمل يجبرك ان توظف سعودي وبصراحة اي واحد بادي في مشروع معين يحاول يوفر قدر مايستطيع لين المشروع يوقف على حيله .
3- اي جهة حكومية ماراح تمسك مشروع معين لانك توك صغير بمعنى مافيه ثقة واثبات جدارتك لانهم يشككون في ذلك .
4- العمالة وما ادراك ما العمالة لان اللي توه بادي راح يتقروش من حركاتهم .
لك الحرية ياخوي اتمنى لك كل خير ولكل مسلم انت حسابها من كل النواحي والشور شورك والخيره فيما اختاره الله والله يوفقك ويسهل دربك ودرب كل مسلم

كلام وعدي وفاء ميه في الميه لاني فتحت موسسة مقاولات وصار معي مثل ماقال

السلام عليكم ورحمة الله وبركاته
بصراة الموضوع هذا جدا ممتاز
انا فتحت مؤسسة مقاولات من سنه والله اني ايش كثر تبهذلت وتنكدت بسبب العمالة السائبة
طبعا ان دخلت المقاولات واشتغلت في قسم التشطيبات فقط
لياسة وسيراميك وجبس فقط في ذي
بالنسبة للجبس فهو ماشي كويس معاي بحكم اللي معاي معلمين مغاربة ممتازين
نجي للياسة والسيراميك
بالنسب للياسة اول مااستقدمت عمال جوني في شهر 9 رمضان ةتعرفون شهر رمضان ماكان فيه هذاك الشغل وتركتهم يشتغلون مع اقاربهم الين بعد رمضان وجلست اعمل اعلانات واروح اسال من هنا وهناك كل ما اجي عند احد احصله يقول انا حجزت مع معلم لياسة وطفشت الين احصل احد الاقارب جاني وكلمني وقال عندي شقتين ابغاك تشتغلها وبصراحة انبسطت وقلت الحمد لله وفعلا اشتغلت فيها وخلصتها وتعرفت على مصريين مليسيين وكنت اجلس معهم ابغي احتك فيهم عشان ااذا في شغل يكلموني بس تعرف انت الاجانب ما يقولون لك يبغون يحتكرون السوق علما بان تاشيراتهم اللي استقدمو عليها سائق خاص او راعي وجلست من شهر 1 فاضي ماعندي اي شغل الين يومك هذا اللي كتبت فيه موضوعي
انت تعرف ان الاجانب والعمالة السائبة يشتغلون بسعر اقل من سعر السوق وعشان كذا الناس تروح لهم وهو مو خسران شي يجلس في العمارة يتسلى فيها هو وقرييبه يشتغلون فيها وانت يالمقاول اللي تبغي تمسك شغل عندك اقامات وسكن ورواتب وكمان حتا انك تشغلهم باليومية عشان تشيل عنك السكن والاكل والاقامة بعد كذا
انا اشوف ان قرار وزارة العمل الجديد حق ان العامل يعمل عند كفيله قرار جد ممتاز اول شي
العامل مايقدر يروح هنا ولا هنا ويشتغل بعيد عنك ومن غير ماتدري عنه ولازم يكون في عقد بينك وبين صاحب الشغل وبكذا تقدر تحفظ حقوقك وماتضيع وراح تحصل زباين كثيرين بعد كذا يبغونك بعد ما ينقلعون ذولي العمال السايبين
وان شالله ربنا يتمم على خير ويشيل فقيه كمان الرسوم 2400 ريال وصدقني راح تحصل شغل على كيفك
وشكرا

اصلا الوقت هذا الي يشتغل مغامر لاتنسى ان الاقامه بتكلف غلى العامل الواحد ثلاث الاف وسبعميه هذا غير السكن وايجار المحل والسياره ومكتب العمل مايعطي مؤسسه جديده الا ثلاث تاشيرات مادري وش بتسوي فيهم لاجل تستفيد


هذا غير الي عنده محلات او ورش وعنده ست الى سبع عمال بالورشه بيدفع في السنه لفقيه ٢٥٠٠٠ الف ريال بالسنه الوضع باختصار الوضع مزري وفقيه يريد التجاره له واشكاله وبيخلينا عمال عنده

الشاب الطموح الان بيلقى عقبات قدامه كثيره الافضل له يفتح مشروع مايقوم الا على عامل واحد بس لاجل مايشغله فقيه كل سنه الله لايوفقه

ان شاءله ان صفي العماله السائبه يرفع عنا ٢٥٠٠ لاجل نقدر نشتغل

بالنسبه للي من زمان في المقاولات وله عملائه بيستفيد اما الي بيدخل السوق جديد مانصحه ينتظر لبعد رمضان *

موضوع مهم ولي باك

للتوضيح بعض النقاط

ننتظرمعرفة المزيد من وجهات النظر خاصة بعد قيام حملة الجوزات

وهل اتضحت معالم االسوق حالبا ؟؟!!