السلام عليكم ورحمة الله وبركاته


بعد تفكير طويل وتقليب وتدوير .. وطفش قررت ادخل دورات وادرس بدال هالفراغ

لكن باقي موضوع الدخل ولان ماعندي حاليا الدخل اللي ابدا فيه شغل

وحتى حافز مانزل ..

فكرت اني اكون مسوقة للي يرغبون بس بعيد عن مجال العطور ..

وابي اسوق لاحد عنده بضاعه ومو فاضي لتسويقها عن طريق وسائل التواصل


لكن معليش اشوف اولا البضائع واقرر اقدر اسوقها او لا .. لان فيه شغلات احس مكرره

وفيه شغلات ما عليها طلب مره لكن اللي عنده / هـا شيء واحس بتسويقي اقدر

ابيع لهم شيء انا حاضرة ..

وطريقتي اعرض لكم ولمى يجيني طلب ابلغكم وانتوا ترسلون لهم طلبهم ولي نسبه

ياتسلموني مبلغ كل شهر او تعطوني نسبة ع كل بيعه .. هذي النقطه راجعه لكم


الاهم اللي يبون اسوق لهم بضاعتكم خلوها عندكم وقت الطلب اخبركم وارسلوها لاصحابها ..

ع اساس انه انا صاحبتها او لو حابين بعد ما اجيب الزباين ترسلوها لي وانا اسلمها براحتكم

وافضل من اهل الرياض لاني من الرياض



<<< والله ادري الموضوع كاتبته وذهني مشتت وبالي مع الدرس لكن اتوقع مقصدي واضح

جانب التسويق كبير جداً ويحتاجه كل تاجر

وللاسف كثير من التجار اهملوه وتركوها للصدفه

قد نجتاجك في عمليه تسويق قادمه وليست لمنتج ولكن لاعمال صيانه وما شابهها

اممم صيانة ايش بالضبط

مؤسسه صيانه منازل ( كهرباء ، سباكه ، تكييف )

معقووووول ماتبووون اسووق لكم ..

يعني أنتي بتكون شغلتك بس تقولين ..
يا ( فلان ) رح ود لفلانة ؟؟!!
______

أختي أنتي حطيتي شي تعجيزي وهو أن لا يكون مكرر بالسوق !!
وش تقصدين وضحي لنا بالله ..

امممم مدري كيف اوضحها لك

لكن بس فيه بعض البضائع احسها مكررره بكل مكان
احس من كثر ماشفتها مليت منها او تكون بسعر مرتفع



شغلتي مسوقه بمعنى مختصر يعني اعطوني صور وانا اعرضها ولو حد طلب القطع يا صاحب القطع يرسلها

او يرسلها لي واسلمها للمشتري


المقصد مو تعطوني البضاعه وتقولوا صرفيها يمكن تجلس عندي لا انا اللي بعتها ولا صاحبها اللي باعها

اللي يسوق مايتشرط ولو السلعه تمشي عنده مو محتاج مسوقين ولو احتاج فهذا لأن الطلب كبير ولازم مسوقين
والاعضاء يبون يمشون سلعهم وانتي وشطارتك

المسوق هو من يمشي السلع اللي واقفه او ماعليها طلب بالغالب

وانتي تطلبين العكس

تشكراتي

موووووفقه بطلبك