شباب انا انقبلت بالدفاع المدني والاحوال المدنيه كلها عسكريه وش رايكم اروح اولا

انا دخلت ست دورات وفصلت منها تنصحوني اروح او اكمل دراسه كلية تقنيه والله محتار خايف اروح وافصل لاني انا نفسيتي تعبانه شوي واتعالج بالنفسية عندي اكتئاب على فكره عمري 24 سنه وكل خوياي يقولون يروح عمرك على الدراسه والله محتار وش اسوي تكفون علموني العلم الصحيح ولكم دعوه مني

اول شي ياخوك الله يشفيك يارب والمرض ماهو عيب فهناك احد كبار الشخصيات عندنا في السعوديه توفى الله يرحمه كان نفس حالتك ولاكنه كتب اسمه في التاريخ وترا المرض ماهو بعيب ياخوك والله يشفيك ويعافيك يارب وثاني شي اذ على كلامك ست دورات وفصلت منها والاحوال قبلت فيها توكل على الله وروح الاحوال الا اذ تبي تكمل دراسه بكيفك يا غالي بس والله الدارسه تعب ولك الحريه يا غالي واي استفسار انا تحت امرك اخوك فريق اوول

الدفاع المدني لا تفوتك .. انت خلص إجراءات الدفاع المدني و إذا قبلوك نهائي توكل على الله وأدخلها .. وإذا ماقبلوك نهائي كمل دراسة.

وإذا على النفسية
إذا دخلت الدورة لا تجلس لحالك وتكون إنطوائي وتفكر في اللي برّا وتقلب أحزان ..


لازم تتعرف على ناس وتسولف وتفرفش وتزحف شوية << زي الفيس ذا , هذا اللي بيخليك تكمل الدورة بإذن الله ..



وأهم شيء تقوي صلتك بالله وتقرأ قرآن لأن له مفعول عجيب على الحالة النفسية .. وإبتعد عن سماع الأغاني لأنها تعكر المزاج وتسبب الكئآبة ..

والله يوفقك ويسهل لك أمرك

انت طرحت موضوع قبل كذا بخصوص هالشي

اقولك ان شاء الله مافيك الا العافيه بس انت شيل من مخك سالفة المرض ذي !
وادخل الي تجيك الاول كلها راحه فكر بمستقبلك والعروسه والموتر والبيت
وخل فلة الشباب والطلعات السفريات ع جنب لان عمرها ماراح تفيدك لا صك عمرك 30
والدراسه زينه بس الافضل تكملها انتساب بعد الدوره لان قبل الدوره بتدرس وتتعب وبلاخير بيوصل عمرك 30
وانت ما توظفت والله يوفقك ويسهل امرك ي عسل

كمل الكلية التقنية ولو تخرجت انشالله على خير قدم يعطونك وكيل رقيب
افضل من انك تدخل جندي
يعني بشهادتك اختصر 14 سنه خدمه من جندي الى وكيل رقيب