السلام عليكم ورحمه الله وبركاته

اخواني انا اشتغل بمحل ذهب والحين الذهب سوقه مرررررة نزل خاصه اليوم وربي نزل مرررة وانصح اللي عنده راس مال يشتري بنسوي حسبه بسيطه

مثلا بتحط 20 الف ومبلغ قليل لكن انا قلت مجرد حسبه

تشتري بناجر نوعها سعودي ارخص شيء قيمتها 157 للجرام الواحد

طيب نظام المحل نبيع البناجر الجرام 157 ونشتري الذهب عيار 21 يعني بناجر الخ بسعر 147

يعني فرق 10 ريال للجرام

وقبل اسبوعين كان سعر الجرام 178 للجرام الواحد للبناجر وطبعا الفرق 10 يعني نشتري 168


نجي للحسبه

اولا


20000 ÷ 157 = 127

انا قسمت عشان نطلع كم جرام بنشتري بقيمه 20 الف
وطبعا جات زيادة على 127 وشي بسيط انا خليتها صافي

المهم

لما تنتظر لين يرتفع الذهب واحتمال كبير انه بيطلع

لو يوصل سعر البناجر نبيع مثلا اقل احتمال 170 للبناجر

طبعا بنكون نشتري 160

وانا حسبتها اقل شيء

والذهب بيوم ينزل 8 ريال ويرتفع 10 يعني البورصه شغاله 24 ساعه مرة يجلس ثابت اسبوع ويجي يوم يلعب بالسعر فوق او ينزل

طيب نحسب

127 جرام × 160 ريال سعر الشراء = 20320

مكسبك 320 ريال

يمكن تقولو مكسب قليل بس كل مازاد راس المال زاد الربح والذهب مافيه خسارة لو تخليه سنه يعني سعرة فيه


انا حبيت افيدكم لاني اعتبركم مثل اخواني والله

ربي يجزاكم بالجنه

ادعولي بالوظيفه ربي يرزقكم بما تتمنون

اخوكم محمد

الذهب يااخواني نزل زياده والحين السعر 154 اااه لو عندي راس مال

واحتمال ينزل اكثر

اللي عنده راس مال ويبي يتواصل معي انا من مكه

وبتابع اسعار الذهب بهالموضوع اذا شفت تفاعل منكم اذا ماشفت شيء بتوكل على الله هههه

والذهب في نزوووول

انا اتفق معك اخوي 100%
الذهب الحين يمر بأسوء حالاته وانا قبل ساعات كنت اتوقع "فنيا" ان الذهب بينزل اكثر ولكن بعد التفجيرات اللي صارت اليوم ببوسطن بامريكا اتوقع ان الدولار راح يتغير تغير ملحوظ،،
ومثل ماهو معروف العلاقه بين الدولار والذهب هي علاقه طرديه ،، فبعد احداث اليوم انا اقول تابعوا سعر الدولار اذا نزل فالذهب يصبح ذهب والعكس صحيح وبرضو لاتنسون ان الدولار قاعد يرتفع "كامعدل نمو" والصاحي يلعبهاََ!!

بالتوفييق للجميع

صح كلامك اخوي اذا ارتفع سعر الدولار قل سعر الذهب بس فرصه ماتتعوض للي براسه يتاجر ويكون عنده الصبر اهم شيء يعني يبغالك صبر لحد مايرتفع

الله يوفقنا واياكم

يب يالغالي بس انا ماعندي راس مال ف حبيت اساعد الناس وحتكون تجارتهم شراء وتخزين يعني لحد مايرتفع مايدخلون كمضاربين لانه صعب عالواحد يتعلم بسرعه

شاكر ردك يالغالي

وياليت تعطينا نبذه بسيطه عن تجربتك لمضارب يومي ونستفيد منك يالغالي

ربي يوفقك

شف اول شي ماكان ودي ارد عشان بووشا <<قال يعرف يشوت قال

سوق الذهب كاي سوق متاجره اسمها "المتاجره بالهامش" وهذي تشمل اسواق كثيره منها الذهب والنفط والمعادن والعملات وغيره وغيره وممكن الاسهم او السلعات طبعا النقاش يطول فيها،،، ولكن اللي اقدر اقولك انه خذ مثال،، انت ناوي تشتري سياره قيمتها ٦٠ الف ريال وبتبيعها بقيمة ٧٠ الف حلو.. طيب ممكن الطلب على هالسياره يقل وتضطر انك تبيعها ممكن ب٥٥ الف او ممكن ٥٠ الف ،،اما اذا زاد الطلب عليها فاممكن انك تبيعها ب٧٠ او ممكن انك تبيعها ٧٥ الف ،، طيب لو قلنا انا انت ماعندك ٦٠ الف عشان تشتري السياره من الاساس وبرضو انك مؤمن انه بعد شهر مثلا راح يوصل سعر السياره ٧٠ الف علي اقل تقدير "وهذا اللي حاصل معك بخصوص الذهب" وهنا تجي فكرة المتاجره بالهامش ،،،المتاجره بالهامش وهي انه تجي شركه وتقول لك عطني مثلا ٦٠٠٠ ريال وانا اضاعف المبلغ عشان يصير ٦٠ الف -يعني عن كل ١٠٠٠ تحطه برصيدك يمديك تتجار ١٠ الاف - ومثلا حطيت برصيدك ٦ الاف ريال والشركه ضاعفت لك المبلغ "عن طريق الرافعه الماليه" ووصل "رصيد المتاجره" حقك ٦٠ الف،، وبعدها وصل السعر ٧٠ الف تبيع وتاخذ العشر الاف كاربح ويرجع لك راس المال اللي هو ٦ الاف ريال،،،ولكن تقولك الشركه اذا نزل سعر السياره ولحد اقصى ٥٤ الف ريال "يعني الخساره ٦ الاف فاحنا راح نوقف حسابك "لانه تصفر" وراح ناخذ الـ٦ الاف حقتك عشان نكمل الـ٥٤ الف ونرجع الـ٦٠ الف اللي اخذتها <<< طبعا الشغله اعقد من كذا وممكن شرحي مو واضح ولكن اللي ابي اوصل له انه عن طريق المتاجره بالهامش ممكن تتاجر بمبالغ اضاعف راس مالك وممكن توصل ل١٠٠ ضعف وممكن اكثروالخساره طبعا عليك!!!
ان شاء الله اني افدتك ولو ١٪ ولكن اعذرني انا اكثب على عجاله!!

بالتوفيق للجميع

ياخوي اسمحلي ولا حق التعب الموضوع ينفع لرؤس الاموال الكبيرة جدا

طيب اذا كان في 20000 الف ريال مكسبك 320 ريال اعتقد ما هو مشجع ابداااااااا لانك بتحط سيولتك وراس مالك ممسوك في ذهب وبعد كذا في الاخير ربحه بسيط جداااا الشي الثاني المحير متى نشتري يعني ننتظر للمزيد من النزول او نشتري من الان لانه لن ينزل اكثر من كذا ويرجع يرتفع هنا الكلااااااااااااااااااااااام وتحياتي للجميع