السلام عليكم بسال عن شروط زواج سعودي من سورية مولودة ومقيمه هنا؟
وهل الموافقه تتاخر؟؟
اللي له خبرة او احد من اقاربه تزوج يخبرنا الله يوفقه,,,
والله يسامح اللي خلا الزواج تجارة ومطالبات خيالية ،،،

وعليكم السلام ورحمة الله

اذا هي مولوده بالسعوديه
منت محتاج موافقهـ اصلا
نزل نظام مسموح السعودي يتزوج من اي جنسيه شرط انها مولوده بالسعوديهـ
اما اذا هي مولوده في بلدها الامور معقدهـ
لازم تروح للامارة المنطقه اللي انت فيها
تقدم لهم خطاب وهم يردوا عليكـ بعد مدة سواء بالموافقه او الرفض

اتمنى افدتكـ اخوي
اتمنى لكـ التوفيق

ااها طيب وش الاجرءات ،،، وشلون

تكتب خطاب الى امارة منطقتك انك تطلب الزواج من الخارج
هم ياخذوا خطابك ويرفعوه الى الرياض والرد يجيك
من الداخليه سواء بالرفض او القبول

ما ادري ان فيه شروط بس احس هالشئ حظ ناس تاخذ وناس لا
ههههههه جرب حظك ان شاء الله يكون حلو

اخوي عاشق انا مو زواج من الخارج انا زواج مقيمه ومولودة هنا بالمدينة المنورة.... الخارج صعب ومعقد والداخليه ترفضه على طول،،، انا قصدي المقيمه هنا،،،،،

قدم طلب لوزراة الداخليه وهم يدرسون الحاله وبعد الموافقه او الرفض

نصيحه لوجه الله

يوجد بنات سعوديات يطلبن العفاف والستر والافضل تتزوج بنت بلدك

وفقك الله

والله لو تدور بتحصل البيوت مليانه لوتبي الستر لكن قول انك مع الموجه انصحك استخير ولا تستعجل ترا مارد ك لبنت بلدك وبتذكر كلامي بعدين

اعزم ياخي وتوكل علي الله واستخير واسئل عن اهل البنت في نفس الحي الى هي فيه وتسكنه واسئل امام المسجد عن ابوها او اخوها او اي احد يكون قريب منها هذا المهم فقط , وسيبك من الكلام الى لايودي ولا يجيب ,,, ترا الجنه مو مسجله باسم احد وانا اخوك ,ودام اهلها ميسرين عليك توكل على ربك وخذ رضا والديك اهم شى ,, بتوفيق يارب