السلام عليكم

ساعدوني الله يوفقكم
طبعا مشكلتي الحين تابعه لنفس المشكله السابقه يعني لازم تقرون مواضيعي السابقه ....والله اني استفدت منكم كثيرررر

الي هي ان زوجي مايبقى من راتبه الا 4 الاف من بعد القروض
طبعا الف يروح للايجار يبقى 3 الاف
قال بطلع قرض تكميلي من البنك 50 الف وباخذ كامري 80 الف بنظام كاش من واحد يعرفه ويقصد لها الباقي 30 الف كل شهر الف لين تخلص والف للايجار
يعني صار يبقى من راتبه الفين بس كيف بنقدر نعيش عليها آآآه بس والله الحياه صعبه وانا ع وشك اجيب اول مولود لنا
تهاوشنا عشاني قلتله لاتسوي كذا يقول هو الصح وانا الغلط قلتله حرام عليك تطلع كامري واحنا وضعنا كذا ع الاقل خذ كورلا من 50 الف يكون افضل والله تعبت مدري وش اسوي يقول اذا ماتبين عيشتي روحي عند اهلك هو طيب بس لانه متضايق من سيارته القديمه طفشته
وش السووووواة ارشدوني ابيه يقتنع
ولازم تقروووون مواضيعي عشان تعرفون تردون علي
والله يسهل درب كل من يساعدني

للاسف زوجكـ قــاعد يــدخل نفسه بدوامت ديـون وما بينتهي منها بسهولة
كــان يمديها يـاخذ مبلغ محدد من البنك يشتري فيه سيـارة
وفيه معـارض كثيرة تبيع سيارات مضمونه وممتازه واستخدامها قليل
بس اشوفه اخذ قرض وزاد الدين عليه ما استفـاد شي ابد
اخذ تمويل ب 80 الف وبياخذ كــامري ويبقى عليه مبلغ ويقسط فيه
يعني زاد الطين بله على قولتهم
لو ما انتبه
مـا راح يكــون فال خير عليه
بيجي وقت بيمر بأزمه مــالية اقوى وبتأثر عليه وعلى نفسيته وبيته اذا استمريتي بضغط عليه
لكـن نصيحه مني لك
دامـه ما اقتنع بالكلام اللي قلتيه وشــافه صح
خليكـ ساكته ولا تتدخلي بأموره خليه يدبر نفسه واذا جــاكـ قصور منه وطفح الكــيل
بلغي اهله واشتكيه لهم وهم يتفاهمون معه او روح بيت اهلك حتى يشوف حـل لشي اللي يحط نفسه فيه
اسئل الله العون لك والتوفيق

[align=center]
طريقة زوجك خطأ وانتي طريقتك صح بنصحه وارشادهـ
خاصه لما يكثر عليه الدين من بنك واقساط ثانيهـ

خليه يروح عند وكالة عبداللطيف جميل وكيل تويوتا
عندهم قسم سيارات مستخدمهـ
بقيمة الخمسين الف
يلقى سياره حلوه وموديلها بعد حلو
لو يبغى كامري راح يلقى طبعا موديل الفين وعشره
بالنسبه لموديل 2009 يلقى كامري حلوه ونظيفه بسعر 45 الف
حلوهـ يوفر خمس الالاف

الله يسعدكم وان شاء الله يقتنع زوجكـ بالفكرهـ

اتمنى افدتكـ
[/align]

اخوي الشعلان ~ عاشق اسبانيا
الله يجزاكم خير ويفتحها بوجيهكم
ماقصرتوووووو
والحمدلله زوجي بعد ماهدي اقتنع بكلامي وراح للمعرض يشوف الاسعار كم وحصل كورلا 2013 عادي سعرها 62
بس قد قريت بموقع تويوتا ان كورلا عادي سعرها 58 مدري مافهمت انا
حبيت اشاوركم لانكم رجال وتفهمو بالسيارات والاسعار
مدري هي المعارض تختلف بالاسعار
طيب وش افضل وكاله او معرض سيارات بالرياض
دعووووواتكم لنا ندبر باقي 12 الف على ال 50 الي معنا
من فرج كربة من كرب الدنيا فرج الله عنه من كرب الآخره

الله يفرجها عليكم و ييسر امركم
الحمد لله ان زوجك اقتنع هذا اولا
ثانيا خليه يروح لوكالة عبداللطيف جميل يسئلهم عن السيارات المستخدمه
هم راح يعطونه عنوان يتبع لشركة عبداللطيف
يروح لهم ويشوف السيارات موجوده جميع الانواع والموديلات
اهم شئ لا يستعجل بالشراء

ثاني شئ خليه يدخل على موقع اسمه حراج (بعد اذن الادارهـ)
فيه جميع انواع السيارت كامري وكرولا وانواع ثانيهـ بعد
الموقع هذا سوق للسيارات يشوف ويتفرج بالموقع والسيارت
ومنها يعرف اسعارهن

بالنسبه لاسعار سيارات كرولا والله مدري عنها
يروح لهم شخصيا للوكاله ويشوف ان ناسبه السعر
يتوكل على الله سبحانه ويشتري اذا سعرها حلو ومناسب
والاكيد ما بعد الوكاله والسياره الجديدهـ

بالتوفيق لكم
اتمنى افدتكـ اختي

الله يسهل امرررررررررررررررررررررررررررركم

اختي سعر كورلا خليه ياخذها من المعارض عليها عرووض في معارض تبيعها 56000طبعا جديده لسه مامشت لايروح الوكاله لانهم راح ياخذون اكثر والله يفتح عليكم باب رزقه يارب

ليش يدبس نفسه ويزنق نفسه بدين فوق اللي عليه
فيه سيارات فورد وكورلا وكامري اسعارها جداً حلوه خصوصاً المستورد منها

بحدود 40 إلى 45 ألف وجديده تعتبر
مو لازم الواحد يزبع ويشتري شي فوق طاقته ويدبس نفسه بديون

أسال الله ان يفرج همكم

50 الف تجيب له سياره بلا يزود 12 الف افضل لكم والله

السيارات المستعمله حق عبداللطيف

سيارات مامشت كثير ومسحوبه من اصحابها جديده الا شيء بسيط

وانتي الي تقولي عليها بـ 58 بالموقع قير عادي قزاز عادي .. الخ

والي بالمعرض تختلف اكيد وللعم سعر المعرض اقل من سعر الوكاله بحدود 3 الف

الى 4 ريال اقل شيء يعني خذ من المعرض ولاتاخذ من الوكاله

بس المستعمل تبع عبداللطيف ميزته ضمان ..... الخ

نصيحه كوكو بـ 50 والله يحصله ورده ويسنى يصلح فيها اقل شيء

3 سنوات تعرف منه زيت وبنزين وامور عاديه فحمات مافحمات

واذا هو كامري ملزم يحصل له بـ 50 بالراحه موديل 2008 او 2009

بس يبغاه يكون فاهم بالسيارات عشان لايتورط

والله يكتب لكم الخير يارب

ونصيحه اذا يبغى تبع عبداللطيف المستعمل في الرياض

فرع العليا او فرع طريق خريص [ فرع طريق خريص اذا هو ذيب يقدر ياخذ

شيء مضمون 100 % وبسعر حلاوة ] عن تجربه شخصيه ^_^

وذا ردي لك بموضوعك السابق

https://www.btalah.com/t495652-2.html