يااخوان احد يفهمني كيف نظام جدارة مافهمت قصة مفاضلة وترشيح ومطابقة ووش الفرق بينهم .
انا متخرج هالسنة الترم الاول تخصصي حاسب غير تربوي ومعدلي 3.30 واختبرت كفايات المعلمين اخدت درجة تخصص 77 والدرجة الكلية 69 وقدمت على وظايف تعليمية وغير تعليمية يوم 25/3/1434 .
ومااعطوني رقم طلب ولاشي ولا ارسلوا رسالة . اللحين بعرف بعد التقديم وش يصير كيف اخد رقم طلب والمراحل اللي بعدها..اعدروني طولت بالكلام . بالتوفيق للجميع

ماشاءالله معدلك حلو (جيد مرتفع). ونجاحك في كفايات رائع.

الآن لو حصلت لك فرصة تسجل دبلوم تربوي من أي جامعة (سنة) عشان يصير مؤهلك تربوي وتتعين ملعم على المستوى الخامس أو إداري على المرتبة السابعة.

وحاليًا سجل بجدارة واحرص يكون تسجيلك (مكتمل) واختار رغبات مكانية للجميع (اختار الجميع) لو طلع لك تعيين في هالفترة معلم على المستوى الرابع (لو فعلا استحدثوا وظائف على المستوى الرابع لغير التربويين) أو إداري على المرتبة السادسة.

الإداري => تنسحب البيانات من جدارة لذلك ضروري طلبك يكون مكتمل.
التعليمي=> يكون فيه إعلان عن مفاضلة=> تدخل ملفك وتعدل الرغبات المكانية حسب مناطق الاحتياج.


تابع وزارة الخدمة (الأخبار) أو حساب الخنين على تويتر للإعلانات (رسمية وموثوقة)

https://twitter.com/newlive_


إعلانات الوظائف على وزارة الخدمة المدنية هي اللي تدعو للمطابقة (البيانات) وبعدها اللي بياناته صحيحة => ترشيح.


وإعلانات التعيين على وزارة التربية والتعليم

هذا حساب الدخيني متحدث باسم وزارة التربية والتعليم.

https://twitter.com/mdukhainy
بالتوفيق.

بخصوص رقم الطلب. البنات ماعندهم. الرجال ما اعرف.

لكن عمومًا التاريخ اللي حطيته هو تاريخ تسجيلك بجدارة؟ دخولك للمفضلات التعليمية تحسب وقت تحديثك لطلبك في نفس تاريخ الإعلان عن المفاضلة.


ابحث في موقع الخدمة المدنية عن سلم الرواتب فيه اختلاف بسيط بين التربوي والغير تربوي. وحاليا التعيينات للتعليمي للتربوي على المستوى الخامس.


دعواتك.

التعليمي يعلنوا العدد الشاعر ومناطق الاحتياج-> تسجل-> بعدها يسحبوا العدد المطلوب وينزلوا إعلان لمطابقة البيانات. (يعتبرون دفعة أولى)

اللي بياناته صحيحة -> ينلزون اسمه ضمن الإعلان عن الترشيح (ترشح من مرحلة المطابقة).

اللي بيانته غير صحيحة (يعني يسجل خطأ) ينزل اسمه من هالمفاضلة إلى مفاضلة أخرى، وحسب العدد اللي ماترشحوا يعني بيانات غير صحيحة ينزل إعلان عن (دفعة ثانية) للمطابقة وهكذا حتى يكتمل العدد مابين إعلان دعوة للمطابقة وإعلان ترشيح.


وممكن بعد فترة تتصل على الخدمة المدنية وتسألهم عن ترتيبك في الإداري ونقاطك.

مشكور اخوي الله يعطيك الف عافية ماقصرت ,, أنا فعلا مقدم على الجميع ....وحالة طلبي مكتمل وبياناتي متأكد منها وصحيحة ,,,يعني ضروري احدث البيانات مثل حافز او خلاص انتضر لين مايطلع اسمي في مفاضلة تعليمة او تعيين على اداري .
واللي كمان فهمته من كلامك او شي مفاضلة ثم مطابقة ثم ترشيح صح