السلام عليكم
يا اخوان انا ما نزلت الموضوع الا عشان ابغاكم تفيدوني
انا امس اتضاربت مع ناس كانوا يتمحرشون في اخو خوي
مالكم بالطويله الزبده انو احنا ضربناهم
لاكن في واحد من الي ضربناهم طلع معه سلاح وطلق طلقتين بس الحمد لله جات سلامات
رحنا مركز الشرطه الي جنبنا وشرحنا لهم الوضع
طبعا نزلت انا وواحد من البحث التحري لمكان طلاق النار حصلنا سياره واحد فاك العالي وخويه بالخط يدور الطلق الي رماه
وقفنا حولهم لاكن عرفونا وشردوا
لاكن عرفنا صاحب الموتر وطلع الادمي صاحب سوابق
رجعنا المركز ابو خوي قلي روح خلاص انت مالك شغل بالسالفه
قلت له كيف مالي شغل
قلي روح وقاعد بصايح علي روح لا تدمر مستقبلك
رحت وبعد ساعه رجعت لهم قلي انت ما تفهم
قلي لا يبصمونك وتتسجل سابقه وتضيع عمرك
وخلاني امشي
قابلت خوي بعد صلاه الجمعه قلت له وش صار قال ان النقيب المستلم يقول ابغا الي اتضاربوا كلهم يجون طبعا يقصدنا حنا من دون الي اتضاربنا معهم
الحين مدري متى بنروح له لاكن خوفي يبصمونا ويضيع عمري وانا توه عمري دخل قبل شهر 22
فما ادري شسالفه انا الحين لعبت في بصمات يدي وجرحتها احتياط اذا بصموني
لاكن الي عنده علم على الي بيصير ياريت يقلي والي عنده اي شي يفيدني فيه يقلي