السلام عليكم
يا اخوان انا ما نزلت الموضوع الا عشان ابغاكم تفيدوني
انا امس اتضاربت مع ناس كانوا يتمحرشون في اخو خوي
مالكم بالطويله الزبده انو احنا ضربناهم
لاكن في واحد من الي ضربناهم طلع معه سلاح وطلق طلقتين بس الحمد لله جات سلامات
رحنا مركز الشرطه الي جنبنا وشرحنا لهم الوضع
طبعا نزلت انا وواحد من البحث التحري لمكان طلاق النار حصلنا سياره واحد فاك العالي وخويه بالخط يدور الطلق الي رماه
وقفنا حولهم لاكن عرفونا وشردوا
لاكن عرفنا صاحب الموتر وطلع الادمي صاحب سوابق
رجعنا المركز ابو خوي قلي روح خلاص انت مالك شغل بالسالفه
قلت له كيف مالي شغل
قلي روح وقاعد بصايح علي روح لا تدمر مستقبلك
رحت وبعد ساعه رجعت لهم قلي انت ما تفهم
قلي لا يبصمونك وتتسجل سابقه وتضيع عمرك
وخلاني امشي
قابلت خوي بعد صلاه الجمعه قلت له وش صار قال ان النقيب المستلم يقول ابغا الي اتضاربوا كلهم يجون طبعا يقصدنا حنا من دون الي اتضاربنا معهم
الحين مدري متى بنروح له لاكن خوفي يبصمونا ويضيع عمري وانا توه عمري دخل قبل شهر 22
فما ادري شسالفه انا الحين لعبت في بصمات يدي وجرحتها احتياط اذا بصموني
لاكن الي عنده علم على الي بيصير ياريت يقلي والي عنده اي شي يفيدني فيه يقلي

اسمع فرضا لو طلبوك تجئ لا تروحلهم وإذا سالو أبوك يقولهم مؤ موجود وحاولت تتصل على اللي طلق برصاص

حاول احد يوصلو او شي وإذا جابو اللي طلق بالنار يقولهم ما سار شي لحد يورط نفسو يقولهم ما سار شي بس حبينا نشتكي عليكم لأنو الولد صاحب سوابق وأنا ورايه مستقبل وإذا سجل عليك بالمحضر انو انت قولت انو طلق قولو كان معاه مسدس لعبه بس فكرة صوتو زي الحقيقي سوي نفسك أهبل أوكي

وإذا حق البحث جاء وشاف ألرصاص بالأرض انت ما بيسرلك شي

بس حكيهم إنكم ما اتضابربتو قولهم خوي كان يمزح وطلق برصاص وإذا سار اي شي خلي أبوك وأبوه يجوء ويتفاهمو مع الضابط ويقولو ما سار شي ونحلهم وديه ولا دور واسطه

[align=center]^^^
((يا خوي وش قاعد تتكلم مع ووكيل مدرسة ))


والله ما يفكك الي الصراحه والصدق تسوي انك تلف وتدور ما تمشي على الظابط
لازم جميع الاطراف تكون متواجده عشان تنحل المشكله


وحكاية انك تقول لعبة في بصمات يدك تري البصمات بالعشره الاصابع


والله يكون في عونكك ...


[/align]

الي اعرفه السوابق الي ماتخليك تنقبل قضايا الشرف والامانه اما المضاربات ماتضرك

تطمن وآنا آخوك إذا ماحكمك الشيخ مافي سابقه لك لو يبصمونك 20 مره ,التبصيم ذا روتين بحث سوابق وليسى تسجيل سابقه اتمنى إني افدتك , ونصيحتي لك ابعد الناس المشبوهه ,,وبالتوفيق لك

لاتخاف ماله دخل

قبل 3 سنوات ايام الطيش صارت مثل هالمشكله وتوقفت وكانت ضرب باداه حاده على الراس

وبصمت عندهم وعادي ...

السوابق ,, السرقه و الخطف والمخدرات والامور المخله بالاداب والشروع في قتل نفس بريئه إلخ

ي أخوك عادي . المضاربه عادي انا قبل سنه تضاربنا مع عسكري مو موطن عسكري وانت عارف كيف عسكري . يعني مسجلينا مسجلينا

ما صار شي بس توقفنا توقيف . والضابط عرف ان العسكري هو الغلطان ما يحترم احد قال الغلط ركبم وركبه تنازلون عن بعض ي دار ما دخلك شر العسكري يعطوونه محاكمه عسكريه وانتم 6 شهور تنسجون فكرنا قلنا بالنسبه لنا متنازلين وجاب العسكري وتنازل ما كتب علينا لا محضر ولا شي ضابط محترم مشاء الله عليه . الله يوفقه ويسير امورهـ

بالنسبه لسالفتك لا تخاف نص الشعب بصمو ع المضاربات وخرطي هذا هم متوظفين عادي اهم شي مهي مخدرات ولا شرف ولا ارهاب .
هم قصدهم كذا بالعسكريه .

الشباب افادوك