السلام عليكم ورحمة الله وبركاته
خوي اليوم أتصلو عليه شركه المراعي وقالو له مقابله بعد أسبوعين على وظيفه أمين مستودع والمطلوب منكم توافونى ببعض؟
كيف بتكون المقابله ؟ وكم الراتب تتوقعون بيكون ؟ ووشهى طبيعه العمل ؟ وأخيرا بغيت نصايحكم الوظيفه

شاكر لكم مروركم

للرفع

أغلب المقابلات بالإنجليزي

وين و اي فرع جاتكم الرساله
بالنسبه للمقابله لاتشيل همها ترا دايم نسمع من الناس بيجيك وبيجيك والحمدلله ماشفنا شي من اللي قالوه
انت استسهل الامر واستعد له والله بيسهل كل الامور سبحانه بالنسبه للغه هم يفضلون اللي عنده انجليزي لان كل الموظفين هناك بكل الجنسيات يتكلمون انجليزي وبالنسبه للوظيفه شف شروطها اذا فيها مكتوب لازم انجليزي ضبط امورك واقرا عنها شوي بالنت ولاتخاف
والمقابله باذن الله عاديه الاسىله المتوقعه هي تحدث عن نفسك ووين كنت ويين رحت وليش قدمت علينا ومن هالقبيل بس اهم شي لا تتوتر ولاتفكر انها صعبه وحط في بالك اذا ماجات ذا الوظيفه بيجي اللي افضل منها والله ترتاح لو تفكر كذا

مع تحيات خبير تقاديم ومقابلات ووجع راس بشركه المراعي بالذات خخخخخ

بيض الله وجيهكم ماقصرتو ياشباب تتوقع نسبه القبول بتكون كبيره ياإيجابي والا مثل
اغلب الشركات مقابلات ووجع راس وبالأخير نعتذر ههههههه

في جازان وأتصلو من الرياض الإداره العامه

نقول ان نسبه القبول باذن الله عاليه اصلا هم معلنين ان اي سعودي يتقدم لهم يوظفونه بشرط الجديه فالعمل
دامهم اتصلو عليك اكيد فيه وظيفه بس يمكن في مكان ثاني بتقول وين .
هذا يعتمد على اللي كتبته في طلب التوظيف
انا قدمت عليهم شهر ١١ ميلادي اللي طاف وقبلوني قبل شهر او شهرين واللي مقدم عليه مركز توزيع في محافظه نائيه
ونسبه القبول فيه ١٠٪ بس الحمدلله قبلوني وتركتهم عشان الوظيفه ما اعجبتني مصصف ارفف بس رجعت وقدمت ثانيه وان شالله يقبلوني واي استفسار انا حاضر

بيض الله وجهك ماقصرت يالغالي الله ييسر الأمور

ووجهك ابيض وفالك الوظيفه باذن الله

من ناحية الادارة العامة بالرياض ,
اللي بيقابلك سعوديين ومافيها انجليزي الا قليل .. يمكن يقولك تكلم بالانجليزي عن نفسك , تعطيه الكلمتين عن نفسك ,
واهم شيء انك تبرز خبرتك او علمك في الحاسب الالي ومجال المستودعات من استلام وصرف وتسليم ومحافظة على المواد داخل المستودع وطرق ترتيبها وتصنيفها داخل المستودع والمحافظة على المواد والجرد والمستندات المستودعية

واقرأ قبل لا تروح عن المستودعات في قوقل , وقلها في المقابلة

بالتوفيق لك