انا عمري 25 وماعندي سياره ولا اعرف اسوق بحرفيه مثل باقي الشباب
والسبب ابوي الله يسامحه ماكان يعلمني ومجرد ماافتح موضوع السواقه يتنرفز ويأجل
والحين يلومني يقول ( هذا كبرك وماتعرف تسوق ) !!!!!!!!؟

اخذت سيارته دون علمه 4 او 5 مرات ومجرد ماابدا احرك السياره يبدا الارتباك والعرق يتصبب ومااركز
قسم بالله هالموضوع مسبب لي قلق افكر فيه الليل مع النهار
ابيكم تنصحوني وش اسوي وابي تجاربكم وهل مريتوا باللي انا امر امر فيه ؟

يابو الشباب الله يعطيك العافيه
موضوعك بسيط ان شاء الله
انت توكل على الله وتعلم سواء على سيارة صاحبك او من تعز عليه
او اختصرها واستاأجر سياره وتعلم فرفره بالشوارع لين تتيسر معك

وان كان تبيني اعلمك السواقه ابشر طال عمرك .. لكن سيارتي تماتيك

والله مشكلتي مثلك انا بشتري سيارة تماتيك لانها اسهل من العادي بشتري وانا السواقة لك عليها

اذا تبيني اساعدك انا مستعد اعلمك

ينقل للواحه

الحل انك تعود نفسك على قيادة السياره يتصبب العرق من الخوف
لإنك ماتعودت على المشوره بالسياره وتخاف تصدم وتسوي حادث
اللي اشوفه انك تدرب نفسك وتعودها رح لأي مكان قريب من بيتكم او محل
كم مره حتى تحس بالثقه بنفسك وعقبها بتصيرالسواقه مثل شرب الماء عندك
واستعين بصديق اوقريب يعلمك في بركم مره هذا يساعدك وتتعود ع السياره

__________________
"لله دُر أمي إذا ابتسمت
تهادت جروح قلبي والتئمت"

الله يعينك لا تتوتر ابد خليك هادي

الله يكون بعونك يا صاحبي انت خذ سياره وصاحبه يدري عنك او معك وان شاء الله ما تخاف ولا شي والله يكون بعونك يارررب

السلام عليكم


المشكلتك هي أبوك


توكل على الله وأشتريلك سياره رخيصه وتكون مثل ماذكر الأخوان أتوماتك ...وتكون سياره صغيره

ماتروح تشترى فورد و لا كابرس

خليك على الياباني مثل الهوند أو هونداي أو صني ..

وأطلع في الصباح يوم الخميس والجمعه تلقى الشارع فاضي ..وشغل بسياره قران ولا أناشيد

علشان التوتر يروح منك + أشرب ريد بول

وكلها كم يوم وهذا وجهي أذ ماطلعت سواق محترف بس لا تستعجل وتطلع خطوط سريعه

الين تكون عندك خبره + ثقه + وتركيز عالى هذا أهم ششششئ بسواقه

بتوفيق أن شاءلله

هذي اول مره تسوق فيها
يعني الخوف والارتباك شي عادي
المهم كون واثق بنفسك واطلع بس خليك على مهلك لا تستعجل ابد
وبدايتك خليك المسار الايمن او الوسط لا تقرب الايسر حتى تحس انك تعلمت تمام
السواقة جدا سهلة بس كون واثق بنفسك
الله يوفقك