السلام عليكم

ياجماعه وش رايكم مبلغ 50 الف وش هو المشروع الي ممكن استثمره فيه
بس ابي مشروع مضمون وعوائده شهريه
ولكم كل الشكر .

تبغى مشروع مضمون !!!
فى البدايه لازم تشيلى اسلوب الفكر هذا
لانه دليل على الاتكاليه
ما فى شئ مضمون من غير تعب وجهد
وانا انصحك انك تاخذين دوره فى المكياج وادوات التجميل..وهذى اهم خطوه تسوينها
ثاني شئ تفتحين مشغل وتجيبى عامله معك
وراح تفيدك الدوره اللى اخذتيها كثييييير
منها ارتحتى من جلب عاملتين واكتفيتى بوحده
ثاني شئ ما تقدر العامله هذى تضحك عليك لانك فاهمه فى الشغله

عندي مشروع لك

شهريا يعطيك 5000 ريال

يفضل التواصل معي رجل في هذا الموضوع

وشكرا

الي حاب يعرف المشروع يتصل بي

ولكم تحياتي

الله يوفقـــك يارب

ي هلا فيك ..

ف البداية الرزق على الله اولا واخيرا .. والله يرزق كل محتاج يارب ..

...

قبل كل شي اختي العزيمه والثقه بالله تعالى والتوكل عليه ..

و انجاز اول خطوه .. لان كل م ترددتي تضيع فلوسك وانتي للحين ها ؟ اسوي لا صعبه يمكن ماينجح ( كل شي عند الله مكتوب )

___

بالنسبه لـ 50 الف .. لاتستخدميها كلها ك بداية .. اقسميها نصفين .. نصف 70% و 30%

وتآجري واستثمري بالـ 70% يعني 35 الف ريال ..


طيب يفضل تقولين لنا من أي مدينةة لكي نفهمك بالتفاصيل لكل شي ولأي مشروع من الايجارات وغيره ..

اختنا .. انا سويت مشروع محل خضار وفواكه وتمور .. والارباح الحمد لله الحمد لله

طبعا المشروع كلفني كآمل والكمال لوجه الله تعالى 35 الف بالضبط ..

لمحل فتحتين مساحه يمكن 48 متر مربع .. طول 6 متر وعرض المحل 8 متر تقريبا .. وفيه دورة مياه وانتم بكرامه ..

ايجاره = 22 الف ( دفعت 11 اول 6 شهور )

كلفتني الديكور اللي يصير عليه الخضار ( 3500 )

مكيف عدد 2 فريون ( مستعمل بـ 1100 ريال )

مكتب مستعمل كرسي ( 150 ريال )

( ادوات مكتب حاسبه ميزان تلفون ( 200 ريال )

ثلاجه تبريد مستعمله ( 1000 ريال )

طباعة اللوحة ( 800 ريال ) طبعا اربع متر عرض وطول متر ونص ) فقط طباعه لان انا صممتها

( كماليات اخرى مثل طباعة اعلانات للمحل وغيره كلفتني 250 ريال )

( بضاعة خضار فواكه تمور من سوق الجمله 4000 ريال )

شريت سياره جدا عاديه من نوع ددسن مديل 89 نظيفه طبعا حوض بـ ( 8500 ريال ) عشان اجيب فيها النواقص . لان الايجارات تكلفك ولا تستفيد شي ..

دباب حق توصيل الطلبات بـ 800 ريال

رخصة محل واشياء لم تذكر بالمحل ربما توصل 1000 ريال .


المهم المحل حسبته كلفني 35 الف مع الايجار والبضاعه وسياره خاصه للمحل ..


____________

لقيت سعودي كبير بالسن له 3000 ريال شهري ويزاداد مع زيادة البيع

لقيت سعودي عمره 18 يوصل طلبات بعد العصر الى 11 الليل بـ 800 ريال و ريالين على كل توصيل غير الـ800 طبعا .. الـ800 ثابته والـ ريالين تحفيز له ..

____________


والحمد لله خطوه ناجحه بمبلغ بسيط

واخيرا ماشاء الله تبارك الله ..


*******************


طبعا انتي لاتحطين الـ 50 كامله اذا ماعندك غيرها شي ..


ومثل م قلت لك علميني وين بأي مدينه وانشاء الله مانقصر معاك


وبالتوفيق لك .. واعتذر على طوولةة كلامي ..

الله يرزقك اختي