السلام عليكم ورحمة الله وبركاته ..



بسم الله الرحمن الرحيم ..


اللهم صلّ وسلم وبارك على نبينا محمد ..

سلمكم الله جاني اتصال قبل خمسة أشهر تقريبآ من مدرسة أهلية ,وقالوا : نبغيك تصيرين بديلة لمعلمة لمدة شهر فقط .. ونشوف بعد ماترجع في حال توفر شاغر نقولك ..

توكلت على الله ,وقبلت ولله الحمد والشكر ..

بدأ الدوام وبديت معهم , جيت أول يوم أوقع شيء ماوقعوني إثبات أني بديلة ولا شيء ؟!

كملت تقريبآ ثلاث أسابيع ونص ثم رحت قلت : ماعندي إثبات أني معكم وكذا قالوا : خلاص جيبي أوراقك وتعالي لنا ..

قلت : طيب المهم وقعت أني بديلة ,وكملت شهر ونص لاحظوا شهر ونص ,وهم اتفاقهم شهههر فقط .!!!

المهم كلما جيت ادخل اكلم المديرة صرفووني !!! على ايش شوفة النفس هذي !

قبل ترجع المعلمة اللي أنا ماسكة مكانها قالوا : أنت رائعة ,وبنثبتك ومدري ايش ! راح ننقلك للقسم الإبتدائي ونوقع عقد رسمي مو بديلة بنناديك .. انبسسطت

جتني رسالة على الجوال لقد تم إدخالك في التأمينات الاجتماعية بأجر بمبلغ 5000 تبع شركة .....

طبعآ يوم كنت بديلة ما كنت داخلة بالموارد كنت أقبض 3500 فقط

حولوني ع الإبتدائي انتظرت ينادون محد نادى كملت أسبوع ثم رحت لهم قلت : وين التوقيع قلتوا بوقع عقد رسمي وكذا ..

قالت لي : أي صح خلاص تعالي نهاية الدوام المديرة مشغولة .

رحت انشغلت بالحصص مامداني اجيهم ..

جاء اليوم الثاني دخلت قلت : المديرة فاضية ,,قالوا : خلاص روحي بنناديك أعطوني تصريفات

وعلى هالحال أسبوع ثاني لا تعالي الساعة تسعة لا المديرة طلعت تآخذ جولة

لماجيتهم آخر شيء قلت وش وضعي الحين ابي أعرررف؟؟؟

قالت بكل بروود : أي وضع ؟

قلت : أنا الحين مو بديلة ولارسمية ؟! ايش اللي ايش وضعه ؟؟!! ما كأني معهم من كم أسبوع ومرمطة

قالت : آها بشوف المديرة ..

جت قالت : المديرة تبغاك .
دخلت سلمت ,ومن هالكلام .
قالت : معليش يا استاذة عشان نكون صريحين وواضحين معك مانبيك الا شهر وعلى السنة الجاية نشوف إذا فيه احتياج ..
؟؟؟؟؟؟؟؟؟؟؟؟؟؟؟؟؟؟؟؟

سكتت طلعت جيتهم اليوم الثاني سحبت أوراقي وطلعت ..

حسبي الله ونعم الوكيل ..

ماعندهم أسلوب ولا ذووووق نهائي ولا الراتب اللي أخذته 3100

ليته 3500 مع أن المفروض يجيني 5000 لأنهم دخلوني موارد واتفقوا معي ,وازيدكم من الشعر بيت قالوا : رجعي لنا 1510

لييييه طيب؟؟؟


أنا عارفة ليه يقولون شهر فيه معلمة بتولد بالابتدائي يبوني امسك مكانه ويسكتوني يقولون رسمية ..

لو من الأول ماعشموني بالتثبيت كان كملت شهر لكن مرمطة طابت نفسي ..

(وماتوفيقي إلا بالله عليه توكلت وإليه أنيب )

اذا باقي اسمك في التامينات

روحي اشتكيهم في مكتب العمل

قولي لهم

1- ما اعطوني عقد
2- سجلوني بالتامينات ب5000
وما استلمت الا 3100

وينه مكتب العمل ؟؟

الله يسعدك ..

بسم الله الرحمن الرحيم


أختي المسئله واضحه كرابعة النهار


مع الأسف أنتي تعرضتي لعملية نصب وأحتيال من قبل المدرسه الأهليه

وكانت عملية النصب ,,, أنهم قامو بأدراج أسمك بتأمينات ومكتب العمل كسعوديه

وبتالي قامو بأنجاز كافة المعاملات الخاصه بهم من تجديد وغيره وبالوقت هذا كانو يصرفونك بكره بتوقعي

المديره مشغوله هاذي لعبه قديمه


المهم المطلوب منكي الأن

1- تروحين أنتي ولا ولي أمرك لتأمينات الأجتماعيه وتطلبين برنت يعطونك على طول بس يطلبون الأثبات

الي هو دفتر العائله ,,, وراح يطلع بالبرنت فترة أشتراكك والراتب الي كانو مسجلينك به

وطول فترة أشتراكك بتأمينات يحقلك الراتب الي مسجل ومعتمد بتأمينات غصب عنهم

يعني أنتي مسجلينك بتأمينات براتب 5000 وكنتي تستلمي 3500 يعني الفرق لك بعد خصم 9% الي هو أشتراك

التأمينات وتتقدمي بشكوى وتشرحون لهم الي حصل

ومع العلم أنه المفروض يكون راتبك ك5600 حسب الأمر الملكي


2- وعلى طول تروحي لمكتب الموارد البشريه وهذه نقطه مهمه مهمه جدأ جدأ وتشرحي لهم الي حصل

عشان الموارد البشريه لو دعموك مره ثانيه خلاص مايدعموك مدى الحياه وأن شاءالله مايضرك فترة شهر

لأن النظام لازم تستلمي دعم ثلاث شهور ولو تركتي الشغل مايعاد دعمك مدى الحياه


3- تروحي للمدرسه وتطلبين منهم أخلاء طرف وهذا شي مهم ماأحد يقدر يوظفك يعني مدرسه أهليه ثانيه الا تجيبي أخلاء

طرف من المدرسه الأولى ,,, ويحقلك دامهم سجلوك بتأمينات حتى لو كنتي بديله

وتحاولين تاخذين منهم مشهد أو شهادة خبره أنك عملتي لديهم كبديله ولا النظام أقل من ثلاث شهور مايحقله شهادة خبره

لاكن بديله ممكن وبصالحك

وتقولو نزولو أسمي من التأمينات الأجتماعيه الحين

وأدخلي على طول للمديره هاذي ويقدرون عن طريق النت ورقم الباسوور الخاص بهم

4- لو مانفع معاهم على طول معروض على مكتب العمل الي تابع لمنطقتك وتشرحون فيه كل شي

ويعطونك موعد وخطاب تسلمينه لهم

طبعاً التأمينات الأجتماعيه ومكتب العمل وصندوق الموارد البشريه لي تابعين لمنطقتك

ولايهمك ترى المسئله بسيطه لايهمك كثر كتابتي بس حبيت أفصلك لأن لا حضت أنك جديده شوي عالنظام

كل يوم يروحون ناس كل يوم ويشتكون منشأة مدارس شركات هو مرجع القطاع الخاص


أي استفسار أنا حاضر

(كنت أدور بقسمي العزيز ولقيت لك مشاركه ماشاءالله عندك خبره )


نسخه من مشاركتك



طبعآ مالهم حق يدخلون باسمك على أي أساس !!! مو خلاص طلعت ..

مايحتاج تسأل أنت تعرف حقوقك ..
الشيء الثاني اللي بمكتب العمل اشتكيه للمسئول هناك قل لهم وش صار بينكم .

خل يعطونه لفت نظر ..

أنت ماعليك عشانك تآخذ وتعطي معهم وعرفوا أنك مو عارف وش لك فيحاولون يلعبون بذيلهم ..

المهم ادخل وأنت حازم رح نزل اسمك من مكتب العمل ؛ إذا مارضى قابل مديره وفهمه السالفة ,ولاتعصب خلك ريلاكس عشان مايصير ضدك أحد بكل هدوء خذ حقك ..

المهم فواتيرك لاتعطيها المدير خلها معك في حال استدعوك الشرطة عشان السيارة وريهم إثباتاتك ..

ودايم لما توقع عقد مع شركة خذ نسخة منه ..

عشان مايطالبونك بشيء ماوقعت عليه ,واعمل نفس الاتفاق لما يطلبون زيادة لاتسوووووي هالزيادة ..

والرزق على الله وأنا أختك ماشاءالله على صبرك الله يحفظك ويرزقك ,ويغنيك بفضله عمن سواه ,ويفتح عليك ..

أعانك الله ..

الله يعينك والله حقك لا تسكتين عليه هذؤلا مفكرين انهم اذكيآء وبعد مفكرين ان المواطن او المواطنه

اكثرهم ناس غلابه مايطالبون بحقهم الخطوات ذكرها اخوي العزيز :


اول شي اخلاء طرف وبعدها لمكتب التآمينات برنت وبعدها تتوجهين لمكتب العمل ارفعي شكوي

ياليت لو كان معك ميسر الراتب الى عطوك اياه اول اذ ع حسابك تجيبين كشف حساب كدليل ع المبلغ

الى وصلك منهم علشان تقوين حجتك .


اتمني تبشرينا : وكنت اتمني تقولين اسم المدرسه علشان يحذرون البنات منها


والله محتاجين التشهير علشان يتآدبون الى مايخافون من الله