13-01-2007, 11:35 PM
|
عضو نشيط
|
|
تاريخ التسجيل: Nov 2006
المشاركات: 166
معدل تقييم المستوى: 37
|
|
اقتباس:
اليوم انا اختبرت .. والحمدلله عديت الاختبار..
بقول قصتي يوم دخلت .. طبعاً جيت وانا ذابحني النوم لاني مانمت الا قبل الفجر بشوي ..
اول مادخلت رحت للمنسقين وسلمت عليهم ودردشت معاهم .. واحد منهم نفسه خايسه ماعطيته وجه عطيت ابو ابتسامه.. بعد ما خلصنا قال تعال وهات الورقه اللي معاك بعطيك رقمك ومش عارف ايه .. رحت وقعد يسولف معاي .. واخذت انا كفي من اللي حاطينه .. وجا هو كلمني وقال انت تقرب لواحد ... الخ صرفته قلت ايه بس من بعيد..
سالته عن الاسئله قال سهله جداً بس انت خلك واثق من نفسك .. بعدين طلعت برى القاعه وقعدت اكلم بتلفوني لين ما جا وقت الاختبار .. فدخلت وكلي ابتسامه تشقق ..
الاسئله بسيطه جداً يبيلها تركيز .. فيه نموذجين .. واحد خاص بالاجوبه ,,, والنموذج الثاني خاص بالاسئله .. نموذج الاجوبه فيه اربع خيارات يعني الف باء جيم دال هاء ،، تحصل السؤال في نموذج الاسئله وتحته اربع خيارات مثلا الخيار الاول هو الصحيح تروح لنموذج الاجوبه وتختار حرف الالف،،ألخ
الاسئله مقسمه الى ثلاثة اقسام.. وبكل جزء له نموذجين مختلفين عن النماذج في الفقرات الباقيه،،
القسم الاول / اسئله ذكاء واغلبها عمليات حسابية،، معقده شوي ( للي اول مره يختبر) وبنفس الوقت مدتها نص ساعه مع اربعين سؤال,,
القسم الثاني / اسئلة لفضية ،، عباره عن قطع وتحتها جمل اذا الجمله صحيحه تلون على حرف الألف بقلم الرصاص اللي في نموذج الأجوبة.. اذا الجمله خطا تلون حرف باء واذا الجمله بعيده عن القطعه او مالها علاقه تختار حرف الجيم اللي هو لا اعرف ( لا اعرف يعني اذا شي غير موجود بالقطعه) انتبه وركز زين يعني اذا الجمله خطا مثلا بالقطعه مكتوب عدد الاجهزة في مؤسسة كذا 50 جهاز .. وبالجمله تحت مكتوب 40 سؤال اختار الخيار باء يعني خطأ،، اذا قالك مثلا بعد عشر سنوات راح يكون عندهم 150 جهاز .. خذ لا اعرف او لا اعلم .. لان المعلومه مش موجوده في القطعه عشان تقدر تقول ايه او لا،، مدته 25 دقيقه عباره عن 50 سؤال .. سهل جداً ما انصح قراءه القطعه بعدين تجاوب لان مافيه وقت اقرا الجمله اللي تحت ودورها بالقطعه اذا حصلتها صحيحه او خطأ حلها،،
النموذج الاخير ،، عباره عن اسئلة باللغه الانجليزية،، هو افضل نموذج واسهل عباره عن ثلاثين سؤال تحلهم خلال خمسه واربعين دقيقه،، اول الاسئله عباره عن قواعد بسيط جداً ،، والسؤال الثاني قطعه واختار الكلمه الناقصه من الكلمات الموضوع في الاسفل؛؛ تضع رقم الفراغ قدام الكلمه المناسبه،،
ملاحظة جداً مهمه:
لا تصير بطيء بالاجوبه .. جاوب بسرعه وبدقه لو ماعرفت الجواب لا تطمره اختار اي خيار عشان بسرعه تخلص ولو خلصت بسرعه تقدر ترجع تراجع وتحل الجواب اذا فكرت وشفت الجواب الصحيح اللي كنت متخربط فيه,,
اغلب اخطاء الاخوان اللي حضروا الاختبار شفت انهم اغلبهم يركزون على سؤال واحد ما عرف حله يقعد يفكر.. لا تفكر اذا ماتعرف حل اللي بعده لان فيه اسئله بعدين ممكن تحلها صح وتجاوب ولكن هذا ممكن تطول وتحل غلط ولا تستفيد شي بتروح الاسئله اللي انت بتحلها صح،،
هذي النقطه جداً مهمه واتمنى اخذها بعين الاعتبار،،
بعد الامتحان ،، طلعت برى كملت طريقي رحت لادارة البنك قلت اجس النبض .. وسالت التوظيف هناك عن التقديم وكم عدد يبون .. قال ما راح احدد لك بس نبي اعداد كبيره والمتقدمين اقل من العدد اللي نبيه الى الآن..
والله يوفقكم يارب ونشوفكم من ضمن المقبولين ان شاء الله تعالى,,,
|
الله يجزاك خير على المعلومات القيمة اللي اكيد بنستفيد منها وبنروح الاختبار وحنا مرتاحين شوي
انا اليوم ارسلوا لي اني انقبلت ,, بس ماني عارف وين موقع الاختبار ابي توصيف تكفى لاني من القصيم ..
الله يوفقنا ويااااااااااك .. آمين
|
العرض العادي
