31-03-2007, 12:33 PM
|
عضو جديد
|
|
تاريخ التسجيل: Mar 2007
المشاركات: 4
معدل تقييم المستوى: 0
|
|
اقتباس:
المشاركة الأصلية كتبت بواسطة طالبة كبيرة
اخوي يبون نساء ولا رجال بس انا اقبلت عندهم من سنة واتصلوا علي وقالوا قبول مبدئي بس مافي شاغر لاني كنت مقدمه في الخرج والحين قدمت على الرياض عن طريق موقعهم وقدمت على الادارة ورفضوا وقالوا التقديم في الموقع فقط
|
أعتذر للتأخر في الرد عليكم
بالنسبة للتوظيف هم يبون من الجنسين نساء ورجال، بسبب تعدد الوظائف الشاغرة والتي سوف تكون شاغرة.
اقتباس:
المشاركة الأصلية كتبت بواسطة زينة و نحول
يعطيكم العافيه جميعا
Red Sniper عندي لك سؤال؟
أنا كلموني بخصوص إجراء مقابله لي لتوظيفي بحسب كلام الاخت المتصله بساب تكافل واللي على ماأعتقد إنه خاص ببوليصات التأمين, لكن انت تقول القسم جديد راح يفتحونه وينقلون من موظفين ساب لهذا القسم ويحتاجون موظفين يغطون مكانهم ماعتقد هالكلام صح لان الموظفين القدامى بتكون هالشغله جديده عليهم وبيروحون يجيبون موظفين جدد عشان يتعلموا شغل الموظفين القدامى؟ احسها لفه طويله
سؤالي لك؟؟تقدر تشرح لي مقابلتهم ايش كان مضمونها ومن اللي قابلك يعني فقط رجل او معه إمرأة وهل كان فيه شي يخص اللغه الانجليزيه ومن هالكلام.....الخ
بانتظار الرد...
|
بالنسبة لساب تكافل أنا ماأقول لك الكلام 100% ولكن هذا اللي قال لي اللي عملت معاه المقابلة وهو رئيس قسم بالبنك.
أما بالنسبة لنوعية المقابلة فهي تختلف على حسب القسم اللي راح يعملون معاك المقابلة والأشخاص اللي راح يسوونها.
مثلاً أنا قابلني شخص واحد والمقابلة كانت حوالي ساعة إلا ربع ... بينما زميلي عملو معاه المقابلة ثلاثة أشخاص وكل شخص حوالي ربع ساعة.
طبعاً إذا كانت المقابلة مع قسم غير قسم التوظيف فماتقدرين تتوقعين نوعيتها.
ولكن غالبية المقابلات الإحترافية تكون مثل جلسة السوالف يستشف منها المقابل شخصية الطرف المقابل ومدى إمكانية لشغل المنصب اللي يحتاجون له.
اقتباس:
المشاركة الأصلية كتبت بواسطة ايمي ون
Red Sniper
هلا اخوي اول شي مبروك عليك الوظيفة بس ممكن اعرف وش تخصصك ووظيفتك باي قسم ؟؟
والشي الثاني طيب انا اظن تخصصي مره مناسب انا محاسبة بس لحد الان ماشوف شي
انا مقدمه من 8 يناير واختبرت من 5 فبراير المده طولت كثير يعني حتى نسيت اني اختبرت
ولازالت الاختبارات مستمره .....
سؤالي يدور حول هالموضوع الي اختبرو قبل هل لهم اولويه في الشواغر الي تبي تنزل طبعا اكيد حسب المفاضله في الدفعات السابقة الي اختبرت
او انو الي تمر عليه فتره شهرين او اكثر من اختباره تكون الاولويه للي مختبر جديد
وليش الاختبارات مازلت مستمره على الرغم من انو عدد الي اختبرو كان كبير ولحد الان قليل الي اتوظفو؟
وفي بعد سؤال يدور براسي هل هذا يشبه التكافل الي تابع للجزيرة او في فرق لان على حسب كلام بنك الجزيرة التكافل حقهم منفصل من ناحية التوظيف والاداره فقط اللهم انو الجزيره اهي ماسكته
وتحيتي لك وبالتوفيق لك يازينه وعلى طول من تجين علميني وش يصير معك
|
بالنسبة لتخصصي فهو علوم حاسب آلي من جامعة الملك فهد للبترول والمعادن ... والقسم اللي عملت معاه المقابلة ماله خص بتقنية المعلومات أما زميلي فكان في قسم تقنية المعلومات... وحسب ماعرفت أن القسم اللي عملت معاه المقابلة يحتاجون على الأقل ثلاثة أشخاص على برنامج مدراء المستقبل.
وللمعلومية ... قسم التوظيف مالهم أي علاقة ... قسم التوظيف يسوون لك الإختبار ويحطون النتيجة على السيستم ... ومدراء الأقسام يدخلون على السيستم ويشوفون المؤهلات اللي تناسبهم ويختارونهم للمقابلة ... يعني قسم التوظيف فقط يعملون لك الإختبار ... وبعدين يكملون إجراءات التوظيف ... أما مسألة القبول من عدمه أو إجراء المقابلة من عدمها يعتمد على إختيار الأقسام لتخصصك.
أما بالنسبة لسؤالك عن برنامج الجزيرة تكافل ... على حد علمي أن الجزيرة تكافل ماهو إلا منتج أصدره بنك الجزيرة وهو خدمات إستثمارية.
ولكن بالنسبة لساب تكافل فهي شركة جديدة تحت التأسيس حالياً يملكها ساب بنسبة 35% وHSBC العربية بنفس النسبة وتم طرح البقية للإكتتاب العام ... وهي شركة تأمين مثلها مثل التعاونية ... ويفترض أنها تبدأ نشاطها في هذا الشهر.
أتمنى أني أفدتكم وحاضر على أي استفسار ... وتمنياتي للجميع بالتوفيق.
|
العرض العادي
