المعذرة من الاخت كهرمانة،، تعديل معلومة على ردي على الاخت كهرمانه،،

انا خربطت في تقنية المعلومات وفي حماية المعلومات،، انا كنت اقصد راتب الستة الاف في حماية المعلومات مش تقنية المعلومات اللي هو الاي تي،،

الاي بي على حسب البنك،، عموما الراتب من 5 الاف الى 5700 وربما يوصل 6000،، مع بدلات تصرف بشكل سنوي من ثلاثة رواتب الى 11 راتب على حسب مدة الخدمة وحسب الخبرة،،

اكرر اعتذاري،،


وبالتوفيق للجميع،،

مشكور اخي العنزي على الرد .. ما قصرت والله يجزاك خير

العفو،،

والله يوفقك،

تم ولله الحمد اليوم في تمام الساعه 12.30 مساءً توقيع العقد مع الطرف الاول (سـاب)،، وكانوا الاخوان استقبلوني استقبال جيد،، والاخ اللي جلست عنده كان يشرح لي العمل وطريقة العمل وجلسني جنبه على مكتبه كأني زميله،، وطبع ورقة العقد ووقعته ،، فعلاً اثناء توقيع العقد حسيت باهتمام من قبل البنك،، فهذا بحد ذاته اعطاني دافع اكثر اني ابذل قصارى جهدي بحيث ان عملي ما راح يروح هدر،، كلام الموظف لي (شوف يالعنزي الوظيفه هذي وغيرها راح تشتغلون على انظمه جديدة للبنك،، ابذل جهدك وعطنا كل امكانتك صدقني لو تحسبها من هنا لخمس سنوات قدام بالقليل بتاخذ مرتبه ممتازه،، كل سنه راح نعطيك شي مقابل اتعابك،، يعني حقك ما راح يروح،، هالكلام اقوله لك من باب النصيحه والاخوه،، اما اللي بيقعد يجي يداوم يخلص دوامه يمشي نفس الروتين بدون ما يبذل جهد،، ما راح يستفيد الا راتب كل شهر لا اكثر) فعلاً كلام كبير يخلي الواحد مهما كان كسول او غير مبالي بيخليه حريص وانسان مجتهد

اخذت بالسوالف معاه اخذ واعطي ،، ولما خلصت توقيع العقد اعطاني ورقة الفحص قال جيبها متى ما تبي،،
وجلست سولفت معاه شوي،، بعدين مشيت،، حتى لما جيت بمشي،، قام بوجهي وصافحني ومشى معاي لين ما وصلت الباب،،

والحمدلله الامور تيسرت،، وكل هذا بفضل الله وثم دعاءكم ودعاء الاهل والصلاة،،

يلا عقبالكم فرحونا معاكم،،

على فكره الدفعه اللي انا منها رشحو معاي بس 7 ،، واعتقد ان فيه واحد منهم هنا في المنتدى ومتاكد انه بهالموضوع،، نسيت اسمه بس العائله اسمها الحربي،،

بشرني وش صار معاك،،

وانتم يا اخواني اللي جتهم مسجات او اختبروا او عندهم مقابله،، بشرونا وش صار معاكم،،