بالتوفيق لكل الي توظفو الله يعطيكم خيرها ويكفيكم شرها

وعقبال الجميع

وش سالفة شركة ريااااااادة يا أخوي واسطة؟؟؟؟

أنا أمس ردوا علي البنك بإيميل عشان أحدد أمتحان وحددت بس ما عندي أي خبرة بطريقة عمل البنوك وأول مرة أقدم على بنك واخترت موارد بشرية أو تقنية معلومات أو شي نسيت وشو بس فيه كلمة إسلامي هههههه اللي يدلكم أني كنت مررررة مو متوقعة ينادوني

المهم اخواني الله يعافيكم ان كان عنكم أي نصايح لا تبخلون علي لأني بصراحة كنت رافضة أشتغل بنك وما تشجعت إلا بعد ما قريت هالموضوع وطقت كبدي من قهر الوظايف الحكومية اللي تروح لكفاءات أقل ويشوتوني عشان ما معي واسطة رازة وجهي بهالمعدل بازة به!!!

أتمنى للجميع التوفيق ولا تنسوني تكفون من النصايح وعندي أسئلة مهمة:
1- هل هناك اختلاط كبير بين موظفين وموظفات البنك؟
2-ما هي الوظيفة التي لا تتضمن تعامل بالمال ولا تسويق؟
3-لو خيروني (وحدة متأملة هههههه) ما هي أنسب وظيفة لمؤهلي وهو ماجستير تربية فنية مع إجادة التصميم بالحاسب ومهارة في التخطيط والتنفيذ (< بشهادة خطية من رئيستي السابقة في وظيفة صيفية)؟

مشكووووووووووووووووووووووووووووووور حبيبي

ياجماعه انا من زمان اسأل عن ((الكول سنتر)) يعني له تقديم غير عن موقع ساب نفسه ياريت احد يرد علي ويشرحلي لاني مو فاهمه فيه شي بليز واذا فيه ياليت يعطيني ايميلهم او يقولي اذا لهم مكان اقدم عليه؟؟؟
وشكرررررررررا

الله يجزاك خير (ياويلي منهم) مررة كفيت ووفيت وعطيتني فكرة شاملة...
أنا هالحين فرحانة وزعلانة بنفس الوقت ، فرحانه لأنه زي ما تمنيت انشالله أحصل على وظيفة تناسب مؤهلى وأنا الحمدللة ممتازة بالتصميم الإعلاني وعندي خبرة فيه

بس زعلانه لأنه اختلاط أعتقد مستحيل باقدر اشتغل في اختلاط لأنه غير أني صعبة أقعد متنقبة طول الوقت أصلا أبي أدرأ المفاسد من الأساس ولا أتعرض لمكان يمكن فيه موقف...

باخليها على الله لحد وقتها وهو اللي انشالله بييسرها ان كان لي فيها خيره وبيبعد عن كل شر

معليش غثيتكم بس عندي سؤالين لو أحد من المقبولين بالبنك يساعدني فيهم:
1-كم المدة بين المقابلة والامتحان؟؟
2-هل هناك بقسم الإعلان أجانب (لبنانيين - مصريين..الخ)؟ لأنه حسب ما أسمع عنهم أنهم دائما يحاولون إعاقة تقدم السعودي ويعملون له مشاكل حتى يثبتون أنه غير جدير!!!