الاختبار باختصار او بالتفصيل موجود على الصفحة 7 من نفس الموضوع ..



ماجد

الآن جا دور الحديث عن المقابله،،
خير الكلام يبدأ بسم الله الرحمن الرحيم،،

اخواني اخواتي مثل ما تطرقت في الصفحة السابعه من نصايح بالاختبار،، انا شاهدت ولاحظت ان الاغلبيه ما أدو النصايح أو ما اخذو بالنصايح بشكل جاد فعشان كذا تخربطو بالامتحان،، وهذا الشي كان مو من صالحهم،، ولكن اللي كاتبه الله بيصير،،
انا ولله الحمد عديت الامتحان وتم الاتصال امس من قبل البنك وتم تحديد المقابله مع المدير،،

المقابله للي مو متعود على المقابلات راح يكون مرتبك مره لان المقابله في مكان كله موظفين وموظفات عملوا لي المقابله في غرفه من زجاج الموظفين اللي برى على مكاتبهم يشوفوني وفيه موظفات بعد،،
اللي عملوا المقابله ماشاء الله،،
اخلاقهم كثير طيبه،، وناس واضح انهم جادين معاك والله اي واحد بيروح بيبينون له انهم فعلاً جادين معاه ويقولون انت متقدم على وظيفه كذا ..الخ يبدون يسألونك اساله تخص مجال عملك انت،،
انا سويت اللي علي في المقابله و حرصت على الاهم في المقابله الشخصيه اللي هي:
حسن المظهر،
الجديه للمقابله (يعني بين انك جاي جاد تبي عمل في هذا البنك مانت بجاي عشان بس تحصل وظيفه)
الصدق بالاجابه في اي سؤال يعرضونه عليك،
الابتسامه طبعاً شي مطلوب،
الجلسة،
الرد على قدر السؤال فقط،
عدم التردد او اخفاض الصوت ( لان هذا يدل على الرهبه او الخوف) فحاول ان يكون صوتك مسموع عشان يبين انك واثق من نفسك بالاجابه،
ركز كل التركيز على السؤال ودقق لا تقول للمقابل عيد السؤال ما فهمت، الا اذا فعلا تحتاج شرح للسؤال قول شرح اكثر لو تكرمت لا تقول عيد السؤال :>

هذي اهم شي اتمناه من كل اللي اتصلو عليهم يتقيدون فيها لانها مهمه لدرجة،
الاسئله دقيقه واي زله راح يدققون فيها،

يعني لا تلف ولا تدور بالعربي :>
لو لفيت بيحشرونك بكم سؤال وتتورط،، واسالتهم يجيبونها دقيقه،

والحمدلله اجتزت المقابله بنجاح باذن الله،،
اللي يعملون المقابله شخصين،، واحتمال ثلاثه بس انا جوني شخصين،، المفروض ثلاثة لان اللي دخلني على المكتب قال بيجونك ثلاثه مدير الموارد البشريه ومدير التوظيف ومشرف مدري شنو،، ( نسيته)
بس اللي جوني الاثنين مدير الموارد البشريه ومدير التوظيف،،

المعذره لو نسيت شي كان ودكم توصلون له ولكن في انتظار اي استفسارات،،

الله يسلم عزيزي ولا يحرمنا منك ..


اللي بغيت اسأله .. طيب وبعد المقابلة ايش يصير؟ هل تطلع من عندهم وانت عارف خلاص مصيرك؟ ولا يقولون لك روح وان شاء الله نرسل لك ايميل بالعرض حقنا؟ ولا شلون الطريقة؟ سواء في البنك هنا او غالبا في اي شركة أخرى .. انا عندي مقابلة يوم الأربعاء القادم ان شاء الله ومحتاج اعرف هذي الأمور ..

وشيء ثاني .. هل يعطونك معلومات عن مثلا الراتب ونوع الحوافز في المقابلة ويسألونك متى تبغى تبدأ الشغل؟ ولا مجرد تحقيق معك واخرتها تروح وتنتظر ردهم؟

اسألتي طويلة ومعقدة بس احس انها تضم اغلب اسئلة الأعضاء هنا ..




وشكرا بالمناسبة لمناداتك لي مجود على الاقل يعني اسمي او اسم دلع .. .. ما احب اسم خريج تسويق كأسم للنداء ولذلك احرص على كتابة اسمي في آخر كل رد



ماجد

أولا : مبرووووك .............
ثانيا : ماهي الاسئله في المقابله
وما سائلوك اسئله استفزازيه

هلا اخوي ماجد،، الله مير يعافيك وابشر بجاوب على كل اسالتك،،

طيب وبعد المقابلة ايش يصير؟ هل تطلع من عندهم وانت عارف خلاص مصيرك؟ ولا يقولون لك روح وان شاء الله نرسل لك ايميل بالعرض حقنا؟ ولا شلون الطريقة؟ سواء في البنك هنا او غالبا في اي شركة أخرى..؟
بعد المقابلة يقولون انتظر مننا اتصال واحياناً ما يتكلمون يقولون انتهت المقابله ولكن انت لا تحط امل انهم يتصلون عليك مو علشانهم ما راح يتصلون عليك لا ابداً،، اللي اقصده انك لا تتعب نفسك بالتفكير لانه مو اكيد راح يقبلونك لان بعد المقابله يبين مصيرك فعلاً ولكن مو على طول بعد ايام،، بعد اسبوع انت اتصل استفسر وش اللي حصل،، انا بنك العربي عملوا لي مقابله وقالوا انتظر مننا اتصال،، انا ما حطيت امل مع اني محتاج للوظيفه كنت شايل هم قبل المقابله،، ولكن ما اتصلوا علي ابد انا اتصلت عليهم وتابعت معاهم ويوم شافوا اني مهتم صاروا يقولون انت بس انتظر اتصال،، ما اتصلت وفعلا جاني اتصال وتوظفت عندهم،،

(ماعليش ردودي لو كانت طويله لاني ابي افسر لك كل شي عشان تستفيد اكثر بدون ما تحتاج الرجوع لي مره ثانيه)

انا عندي مقابلة يوم الأربعاء القادم ان شاء الله ومحتاج اعرف هذي الأمور ..
ان شاء الله ردي افادك ولو ما افادك اسال شي مافهمته وابشر،،

وشيء ثاني .. هل يعطونك معلومات عن مثلا الراتب ونوع الحوافز في المقابلة
ويسألونك متى تبغى تبدأ الشغل؟ ولا مجرد تحقيق معك واخرتها تروح وتنتظر ردهم؟
شوف هذا على حسب المقابله،، بالعاده هم يسالونك كم تتوقع الراتب،، انت حاول انك ما تبالغ بالراتب ويقولون هذا طماع ولا تجامل وتحط راتب قليل ويستغلونك،، يعني خل الراتب معقول او انك شايفه مناسب لمؤهلك،،، او هم يقولون ترى راتبك كذا يعني يشوفون عنك واحتمال صحيح ولكن الاغلبيه يحبون يشوفون اذا انت ترغب او لا،، بالنسبة لي بالبنك ما سالوني ولكن قالو فيه سؤال او استفسار تبي تسال عنه انا قلت لا،، لان لو ابي استفسر عن الراتب كان طولت السالفه وفتحت لي بيبان وبنفس الوقت انا اعرف كم بيكون راتبي على حسب السلم الوظيفي اللي يمشون عليه نظامهم في البنك،،


ان شاء الله اكون افدتك في الاجابه واي سؤال او نقطه مو مفهومه انا حاظر