07-06-2008, 04:24 PM
|
 |
عضو سوبر
|
|
تاريخ التسجيل: Oct 2007
المشاركات: 428
معدل تقييم المستوى: 35
|
|
|
بدونك وش تسوى حياتي..
أستاذنك بسافر ايام واجيك
وان طالت أيام السفر لا تحاتي
حتى ولو طولت ماني مخليك
ياللي بدونك وش تسوى حياتي
تامر على حاجه بودعك واليك
عسى عوض الايام في المقبلاتي
حتى يدي ماودها تفارق يديك
ساكت وانا أشوف البلا في سكاتي
ماشفتني اذا رحت منك التفت فيك
بلاي والله روحتي والتفاتي
لكن قبل مااروح ودي اوصيك
وأنت الوحيد اللي يقدر وصاتي
لحدٍ سألك وقالك وين مغليك
قله لوازم لاقضاها بياتي
وإن طروا النسيان ماني بناسيك
ياراس مالي فالحياه وغناتي
وإن طروا السلوان ماني بساليك
طيفك معي حتى وانا في صلاتي
قلبي وهو قلبي إذا مر طاريك
لولا ضلوعي كان عزوا مماتي
لو جض صدري كان يمديه ياتيك
ويبات عندك ويهنى بالمباتي
انا وقلبي والغلا ساكنٍ فيك
وانته وقلبك والغلا وسط ذاتي
غلاك مثل الحكم عند المماليك
أكبر طموحي..لا..كل امنياتي
شف في غيابي اي حاجه تسليك
لاني بعدك اسلى مع ذكرياتي
احاول اذكر اي شي يطريك
واقول هو سوى وانا ذي سواتي
كني موادع كل شي حواليك
وكني حسبت حساب حزة وفاتي
احب لأني مقدر انساك وابيك
ولا اقدر اخليك ياللي تحاتي
معنى أحب ومقدر انسى واخليك
يعني بدونك وش تسوى حياتي
للشاعر حمدان المري
|
العرض العادي
