السلام عليكم ورحمة الله وبركاته ..

الحمد الله على كل حال بفضله ومنة منه توظفت بعد بطالة لمدة 9 سنوآت .

الوظيفة حارس امن بمصنع بيبسي بمنطقة جده ..

نظام الدوام 12 ساعة شفتات اما من 7 الصباح الى 7 المغرب
او من 7 المغرب لين 7 الصبآح

و رآتب حول 5 آلآف و لله الحمد و يوم واحد اجازة

نظام الدوام جدآ متعب واذا داومت الصباح الزملاء اللي معي طول وقتهم مشاكل
لانهم اكبر مني وانا الوحيد الشباب وكلهم متزوجين
و دايم على اعصابي و هواش ومشاكل

يسون المشاكل معي ويروحون يشكون للمدير و ينتظرون الزلة مني .
مرة لاني تاخرت عن الدوام لاني كان ولد عمي مسوي حادث ومارجعت البيت الا 4 الفجر
اتصلت عليهم وانا بالطريق ان صار لي ظرف وبتآخر و قالو لي لا تجي خلاص
ورحت وانا ماكنت نايم من قبلها بيوم , و صارت مشكلة وتعوذت من ابليس و كملت دوامي

واذا داومت بالليل مع شباب بعمري و الحمد الله راحة نفسية و مبسوط معهم

والحين مخليني دوام صبآح وطلبت تغير دوامي ورفضوآ


انا قررت اكمل دراستي انتساب واخذ الشهادة الجامعيه .

و قدمت على كذا وظيفة وجاني موافقة على وظيفة مدخل بيانات و مقابلتي بكرة براتب 3 الاف

انا الحين محتار هلى اخطي هالخطوة واروح للمقابلة
او ابقى بالمصنع ..؟؟