السلام عليكم ورحمة الله وبركاته

صباح / مساء الخير على الجميع

كل عام وانتم بخير والله يتقبل منا ومنكم صالح الاعمال

انا مقدم على وظائف المستشفى واختبرت ونجحت وعملت مقابله والان انتظر معكم ودائم متابع لهذا الموضوع
والان عندي تعقيب على كلام اخوي (الغانم)
فعلا كلام اخونا الغانم صحيح
الشخص اللي قال عليه انه توظف بدون اختبار او مقابله عن طريق الاداره العامه في الرياض مر عليه شخصيا وخلصت اوراقه من الاحوال اللي في العاليه مول والقصه هي
انا موظف في نفس مول العاليه واتصل عليه اخو زوجتي قبل تقريبا 3 اسابيع من الان وقالي تكفى فيه واحد من الشباب يبغى برنت من الاحوال المدنيه ومستعجل لانه مقدم على وظيفه ويبغى يخلص طلباتها بدري كلم الشباب اللي تعرفهم يعطونه البرنت بسرعه قلتله ابشر وفعلا جاء الرجال وطلعت من عملي وقابلته عند بوابة الاحوال اخذت منه الخطاب وقريته واتفاجأت انه طلب برنت من الاحوال مقدم من مستشفى الامير سلطان للقوات المسلحه بالمدينه وعلى طول سئلته قالي ايوه الحمدلله اتوظفت فيها طيب كيف انا اختبرت وسويت مقابله ولسه مانزل شي قالي بالحرف الواحد ( انا جبتها من الرياض لانه ماينفع الا كذا)

انا انصدمت ويشهد الله دعيت له ان ربي يوفقه ومازلت ادعي له وربي شاهد على كلامي
وفعلا خلصت له اوراقه وراح الله يوفقنا وياه دنيا واخره

والله انا اعرف نائب مدير المستشفى واعرف 6 اشخاص موظفين وكمان ممرض وماكلمتهم على موضوعي لأني توكلت على الله ولما عرفوا اني سويت مقابله زعلوا مني لانه يبغون يتوسطون وقلتلهم والله مابغى واسطه واسطتي الله سبحانه وتعالى وان الله كاتبها لي راح اخذها وان ماكتبت ماراح اخذها لو كل المستشفى وافقت على توظيفي او توسطوا لي



في الاخير ياشباب ويابنات احنا مانقول غير الله يوفقنا ويوفق اخوانا واخواتنا اللي توظفوا سواء بواسطه او بدون

توكلوا على الله سبحانه وتعالى ودائم ادعوا الله في كل وقت وفي كل حال
واجعلوا عبارة (لعل في الامر خيره) نصب اعينكم وان شاء الله ترتاحون <<< ايش رايكم بعبارة نصب اعينكم ههههههههههههههههههه

حبيت اودعكم بإبتسامه

فمان الله

ما اقول الا حسبي الله ونعم الوكيل
يكفيكم المماطله بالتصحيح والترشيح كل هذا عشان المتقدم ييأس منهم وينساهم
ولا اذا كان فيه احتياج لهذا العدد من الوظايف المطروحه كان استعجلوا بالاجرائات حتى مايتعطل عمل المستشفى بسبب قلة الكوادر

ي اخوان اللي له احد بالمستشفى يساله وش صار الاسبوعين اللي راحت
صحيح طنشو معاملاتنا واجتماع اللجنه علشان لجنة التفتيش اللي جتهم
واحسنو الظن
والله يوفق الجميع
ويرزقكم ماتتمنون

السلام عليكم
كل سنه وانتم بخير

في اخبار جديده ؟

وانتي بخير وصحه وسلامه انتي وجميع المشاركين معنا في التجمع

ع كلامهم المفترض بعد العيد مباشرة يرسلون لنا رسائل بتحديد موعد المقابلة بالنسبه للوظائف الصحية وامس واليوم اتصل عليهم محد يرد مدري شكل الربع للحين بحفل المعايده ما فضوا لنا :/

^^
شكلو كذآ
نستناهم لين يفضضون لنا الله يعين

مساء الخير ... توي جاي من عند الموار البشرية والتوظيف
وعن كثر الكﻻم اوادم يدبلون التسبد والله يصبرنا عليهم :-\

هل فيه اخبار جديده ياجماعه الواحد تعب من الانتظار والعطاله

كنت أمس عندهم

قال لي اليوم بنسلمها المدير على اساس أمس او اليوم احتمال
و المدير يحدد موعد المقابلات

و المقابلة بتكون مكونه من ست أشخاص من ضمنهم ظباط واحتمال شخص من نفس تخصصك
وبتكون بالعربي حسب كلامه وقال لي خليك مستعد راح يكون فيها استفزاز لأختبار مدى تحملك المقابله عليها أربعين درجة + ستين من الأختبار هي أللي تحدد قبولك

طبعاً تخصص صحي وأربع أشخاص المؤهلين من نفسي تخصصي


قال أول ما يحدد الموعد راح نبدأ نتصل فيكم

حبيت أفيدكم بالتوفيق للجميع :-)

دعواتكم

يعطيك العافيه اخوي حمراوي

الله يكتب اللي فيه الخير للجميع