هنيئا لك و أجرك على رب العباد يا بختك
في كل كبد رطبة اجر
الكيتن اللي عندك ( اقصد البسبوسه الصغنونه )
اهم شي في غذاءها الحليب و ع فكره ترى الحليب النيدو ما ينفع للقطط الصغيرة لأنو يضرهم
فأحسن شي لهم حليب النستله المحلى لأنو طعمو قريب من حليب القطه الأم او أستشير طبيب بيطري يكون افضل لصحتها
و تاني شي بالنسبه للتحميم لا تحممها لأنو ع قولك صغيره فما راح تتحمل التحميم
و اكتفي بتنظيفها بمنشفه مبلولة شويه يعني رطبه اذا كنت مضطر
و شي ضروري كمان اذا كانت ما تعرف تقضي حاجتها تساعدوها في التنظيف و في طريقة تنظيف القطط الصغيرة حتى تقدر تقضي حاجتها تلاقيها في النت اكتب و يطلع لك الطريقه و هذا شي ضروري لأنو اذا ما ساعدتوها راح تتجمع الفضلات في جسمها و هذا الشي يؤدي لموتها ، كتير عندهم كيتن و تموت و هم ما ساعدوها و لا يعرفوا انو الشي هذا هو كان السبب في موتها
و شي مهم لازم تدفيها لأنو التدفىة ضرورية للقطط الصغيرة عشان كذا دايم نشوفهم يدخلو تحت أمهم
و بالنسبه لأكل اللحوم اذا عرضت عليها تونه او اي نوع لحم و ما أكلت اعرف أنو لسه بدري عليها يعني بس يلزمها حليب و مويه طبعا شي لازم منه ما تنسى المويه
و خليك معاها حنون و حسسها بالأمان راح تتعود عليك و على اهل البيت ع طول و تحبكم و راح لما تكبر و تبدى تلعب تجيب لكم هدايا ردا للجميل هههه يا حظكم
و ع فكره هي اذا أنثى فإذا كبرت راح تملي البيت عليكم لعب كوره و نطنطه و تحب لعبه الغميمه
و اذا ذكر لما يكبر راح يصيح و يقولكم أبغى أتزوج و عاد اذا ما زوجتوه تحملوا اللي يجيكم ههههههههههههه
امممم كمان ترى اذا عرفت البيت و صارت عودتوها تخرج من البيت ما تخافو عليها لانها راح تفضي اللي برأسها و ترجع من نفسها طبعا وهي كبيره مو دحين لسه صغنونه
أختك خبيره بالقطط و الكيتن ذكور و إناث خخخ 
و اي سؤال حاضرين