بسم الله الرحمن الرحيم

عندي سؤال يا اخوان ويا اخوات

بالنسبة لتوقيع عقد الوظيفة
وش أهم الشروط اللي مفروض تكون أو ما تكون فيه ؟
وهل من حق الموظف طلب نسخة منه ؟

وهل فيه لا ئحة رسمية لحقوق الموظف السعودي في القطاع الخاص ؟
ارجو تزويدي بها وشكرا

//

عندي سؤال محيرني مرة
انا على وشك توقيع العقد بإذنه تعالى
وللان ما تكلمنا في الراتب لأنه لسى مقابلة اخيرة يتوضح فيها كل شيء
بس ودي اعرف كم يحق لي اطلب راتب من وجهة نظركم
انا عندي ماجستير وخبرة ثلاثة شهور
انا سمعت من احدى الموظفات تقول انه رواتبهم مو مرة .. بس وش اسوي لا حافز ينزل لي و طفشت من جلسة البيت
من وجهة نظركم من الحد الأدنى اللي اطلبه ؟ وهل اتفاوض معاهم في حال ما اعجبني الراتب ؟

شكرا
احتاج نصايحكم ودعائكم

المفروض والمتعارف عليه انه اول شي بعد المقابلة وقبولك يعطوكي العرض الوضيفي الي مسجل فيه الراتب بالتفصيل وساعات الدوام ومقر الدوام واذا فيه بونص والاجازة ووو الخ
اذا ناسبك لعرض وقبلتي توقعينه او ترفضينه حسب رغبتك وممكن لو رفضتيه يعدلونه
او يقولون لك هذا الي عندنا واخر خطوة اهو توقيع العقد وتباشرين الدوام
وبالنسبة لحقوق الموضف السعودي تقدرين تطلعين عليها باحد اقسام المنتدى
ناسي شو اسمه وبالتوفيق لك

^
^
الله يجزاك خير

ما تكلمو في الراتب ولا في المسمى الوظيفي
بس انا كنت محتارة في جزئية الراتب ما ودي انظلم : (

وان شاء الله باخذ نسخة من العقد

حسب نوع الشركة والافضل انك تشوفي موظفين بنفس الشركة من نفس شهادتك وخبرتك وتسأليهم كم متوسط رواتبهم اذا قدرتي

^
^
صعبة جدا
مستحيل اقابل ناس اول مرة اشوفهم واسألهم عن رواتبهم
المشكلة حاولت اعرف من موظف الموارد البشرية يقول ما اقدر اعلم ! كانه سر من اسرار الدولة !
ما ادري ليش كل هذا التكتم على الرواتب

المفروض يعطوك عرض وظيفي فيه الراتب والمميزات وكل شيء قبل توقيع العقد وقتها تقدرين تفاوضين في الراتب
ومن حقك اصلا تسألين كم الراتب وعن المميزات
بس لمن يتوقع العقد خلاص ما معك الا هو

^
^
جزاك الله خير

[align=center]



كل التوفيق يارب... وربي يكتب لك كل مافيه خير...

بالنسبة لتساؤلاتك.. :


وش أهم الشروط اللي مفروض تكون أو ما تكون فيه ؟


عادة يكون موضح في العقد تاريخ بداية العقد ونهايته... مدة العقد... جميع الحقوق المالية (الراتب - البدلات - التأمينات - البونص - الزيادة -المكافات - خارج الدوام ... الخ)

ويكون موضح بالعقد ايضا الاجازات (اعتيادية - مرضية - اضطرارية) وآليتها..

آلية العقوبات والجزاءات والحسومات .
من الممكن ان يتضمن العقد بعض الالتزامات المترتبة على شغل الوظيفة... مثلا الالتزام بـ يونيفورم (زي موحد) معين للدوام .... وقت الدوام... اذا كان على فترتين او فترة وحدة...

او اذا كان بنظام الشفتات ، وايضا يكون موضح بالمقابل الاجراءات في حالة المخالفة .

اذا كانت الشركة راح تتكفل بدورات تدريبية قبل بدء العمل فلابد ان توثق في العقد مدة هذه الدورات وان الشركة تتحمل كافة تكاليفها وتحتسب ضمن مدة العمل .

اذا الشركة راح توفر لك مواصلات للعمل لابد يتضمنها العقد ويوضحها .

قدر الامكان حاولي ان الفترة التجريبية في العقد لا تتجاوز الثلاثة شهور .


نصيحة اخيرة : حاولي تتجنبي اي شروط جزائية في العقد او غرامات مالية عند تركك للعمل لأي سبب كان

وانك ماتتحملي اي مصاريف خاصة بالعمل بعد تركه كمواصلات أو زيّ أو تكلفة دورات .. الخ .



طبعا العقد يحتوي على بنود كثيرة جدا ولا يمكن سردها بالتفصيل هنا ... لكن اعتقد اني كتبت لك اهم البنود اللي بمثابة الخطوط العريضة في العقود .

وهل من حق الموظف طلب نسخة منه ؟

نص نظام العمل يلزم الطرفين (الموظف والشركة) بأخذ نسخة من العقد موقع من الطرفين ومختوم ايضاً .



وهل فيه لا ئحة رسمية لحقوق الموظف السعودي في القطاع الخاص ؟
ارجو تزويدي بها وشكرا


نعم .. يوجد نظام العمل في القطاع الخاص وصادر من المرجعية الرسمية (وزارة العمل )

النظام كاملا على الرابط التالي :

http://portal.mol.gov.sa/ar/Pages/OrganizeWork.aspx?m=3



بالنسبة لسؤالك الاخير :


يحق لك تطلبي الراتب اللي تشوفيه انتي مناسب لك..

ويحق للجهة وضع الراتب اللي تراه مناسب..


ويمكن التفاوض في موضوع الراتب وتقريب وجهات النظر والوصول لحل وسط... لكن عادة الشركات ماتتفاوض كثير في موضوع الراتب ويكون اللي في العقد هو العرض النهائي المقدم .

والله يعينك تتنظري الين يعلنون عن راتبهم لك وتقدري وقتها تقبليه او ترفضيه من غير مايجبرك احد على شئ .


كل التوفيق يارب ... واتمنى اني قدرت افيدك واعينك بعد الله ...
[/align]

^
^
الله يجزاك خير أخوي
استفدت من ردك كثير .. مشكووور