السلام عليكم ورحمة الله وبركاته
ياشباب انا جاني قبول مبدائي في البحرية بجدة معاي دبلوم حاسب شبكات معتمد (سنتين)
المشكلة تكمن في حالتي:
اسياخ في رجلي اليمنى له اكثر 13 سنة طبعا امشي عادي بدون عرج ولا فيها اي ضرر بس المشكلة اخاف يدققون فمكان العملية وخذ وهات
المشكلة الثاني عندي تأتأة بالكلام بسيطة ومتوطسوة في بعض الحالات يعني اذا كنت معصب ولا نفسيتي زفت اقنع اني اهرج زين
والمشكلة الثالثة زواج رحيمي اليوم وموعدي بكرة يوم الثلاثاء 20/6
يعني حالتي حالة والتفكير مسيطر علي وذبحني والعمر يعد ويمضي والحال يعلم فيه الله

سؤال ثاني وش رتبة اللي معاه دبلوم مدة سنتين
وكم رواتبهم
اعذروني ياشباب والله مالي إلا الله ثم انتم

اخوي مابي احطمك فديتك ,, لكن ابعطيك من الاخير ... عندك واسطه رح اذا ماعندك لاتتعب

البحريه واي قطاع عسكري يدققون في العمليات وسالفه الاسياخ هذي لايمكن قبولها بتاتا البته

والله يوفقك ,, شف لك وظيفه مدنيه بالدبلوم وعسى الله يفرجها عليك و علينا

والله ي الغالي انت روح وجرب حظك
بالنسبة لي انا سويت الكشف الطبي حق مكافحة المخدرات
الاشعة كانت على الصدر فقط
وكشف الجراحة كان على مناطق معينة اسسفل البطن
ويطالع ف القدم من تحت فقط ..

يعني اذا اسياخ ف الساق او الفخذ محد بينتبة لك
التعتعتة حاول تضبط نفسك وقلل في الكلام ..
خذها رحلة وتغير جو .. ومنها تعرف وضعك في التقديمات الجاية
واللة يسر لك الخير يا رب ..

روح وجرب حظك اذا للك فيها رزق بتاخذها