السلام عليكم ورحمة الله وبركاته

اخواني بارك الله فيكم ..

ناوي بإذن الله اشتري تريله بهالاسبوعين واجيب لها سواق وأبي استفسر منكم وأعرف اذا أقدر أأجرها
على شركات بعقود سنويه , واذا هالشي ممكن كيف اقدر اوصل للشركات ذي واتوصل معهم , واذا فيه احد منكم اخواني يقدر يساعدني ويوصلني لشركات تستأجرها مني بعطيه عمولته ..
ياليت تنصحوني بهالمشروع يا أهل الخبره بالمعدات وتأجيرها ..

الرجاء الرد ضروري جداً وجزاكم الله الجنه

الله يرزقك ياخوي .. قلاب ولا تريله مثل السطحا الكبيره ؟

فيه شركات كثيره اخوي لو تروح لهم يستاجرون وخاصه ف ينبع البحر ..

بس مدري انت من اي مدينه

وعموما ً الشركات واجد والله يرزقكك

موفق خير

انتبه لشغلات قبل تشتري التريله ، ويستحسن تشوف لك وآحد خبير في التريلات واذا تبيها سطحه ابرك بس نوع التيدر مهم جدا ...



هذا الكلام من وآحد خبره في التريلات .. ،
الله يوفقك ويرزقك ..

نصيحة لك من أخو اذا ماعندك احد فاهم وعارف بأمور المعدات ويقدر يشغلك ويشوف امورك لاقدر الله اذا صارت اعطال نصيحة ابتعد عنها وخاصة ان حتدخل بدين ولازم تسدد كل شهر

السلام عليكم
اذا كانت التريلة اللي بتاخذها فلفو والتيدر سطحة
انا بـ ستاجرها منك وبكم راح تاجرها

السلام عليكم اخوي

يالطيب انا اشتغلت بالمصلحه هذي أول والحين عندي تريلا قلاب

الحمد لله على كل حال ما الله قسم بها نصيب عانيت منها من حسابتها

تلقى شغل واجد لكن شركات المقاولات و مقاولين الباطن و الاجانب اللي محتلين السوق

الكل يبي يلحس من اي شغله تسويها يقاسمك البعض بالنص ما تباركت

والحمد لله كلها خيره من رب العالمين .. والحين لي مقبلغ بشركه من شهر رمضان الماضي

بـ خمسين الف الى الحين وانا معاهم بكره و اليوم و الاسبوع الجاي و وزاره الماليه و شركه الوطنيه

هذي اعذارهم و خلها على ربك والحين ناوي أبيعها بصندوقها مكلفني 70 الف و الراس 100 الف

ماخذت منها لا حق ولا باطل الله كاتب و مقدر هذا بالنسبه للقلابات يعني العب بعيد عنها ولاتفكر فيها

بخصوص السطحه انا اعرف لي جماعه على طبعا اجانب على كفاله أخوي

معاهم تريلات ملكهم شغالين بـ مصانع بالخرج ينقلون بضائع الله اعلم ايش حموله المصنع

لكن الحمد لله الجماعه بخير من رب العالمين و كلموني اذا ياخذون سيارتي واحولها سطحه

وتشتغل معاهم ماطلبو مني شي قالو نشغلها معنا اذا تبي اكلمهم اجيب لك رقم مصنع

رقم واحد منهم تقابله بالرياض يفزعلك يدخلك معاهم ابشر بعزك .. و هم رجال شرواك و شروى من يسمع

مابي منك الا ماتنسى اخوانك المسلمين ..

حبيبي اذا هي تريلة قلاب راسلني بالخاص ومالك الا اللي يرضيك