السلام عليكم

صباح السعاده على الجميع ومبروك عليكم الأمطار واللي ماجاهم ربي يرزقهم ويبارك لهم فيه

بما إنه تتوفر فيني بعض المقومات القائمه على بناء المشاريع من فراغ وتفضي وقدره إن شاءالله حبيت آخذ أفكاركم في مشاريع خاصه بالجنس النسائي (يعني يكون المشروع بقدرتي وليس خارج إستطاعتي كفتاة)

في الموضوع هذا حابه آخذ اففكاركم في المشاريع اللي تشوفون إنها ناجحه بالنسبه لمجتمعنا كسعوديات مع الأخذ بالإعتبار إن فكرة المشروع لاتقيد فيها

أي فكره تطرأ على بالكم اتمنى ماتترددون في طرحها ربما يكمن الخير في ماإستصغر /

أطلقو العنان لأفكاركم*!)

عليكم السلام ورحمة الله وبركاته
اممم بالنسبه للأفكار اذا عندك الاستطاعه تفتحي محل ممكن مشروع تأجير فساتين زفاف تستورديها من الصين يكلف الفستان عليك 500 وان غلا سعره 900 واجريه 1000 او 1500 وبيعيه 2500 او 3000 يعني خلي اسعارك معقوله وخلي ركن للجزم الخاصه بالفساتين وركن للاكسسوارات وركن للمسكات
او اذا بتشتغلي من البيت ممكن تصممي مسكات للعرايس اذا تحسي انك ممكن تبدعي
او فكره ثانيه سوي توزيعات مواليد او زواجات او هيك شي
او فكره اخرى تغليف الهدايا
او اذا طبخك جيد سوي صنف او صنفين مثل معمول مثلا وبيعي الكيلو ب50 او كب كيك والحبه ب3
او استوردي اكسسوارات جوالات وكفرات

بالتووووفيق

أنا عندي فكرة ..


راح يشترك فيها أكثر من وحدة طبعا ..

راح يكون وحدة عليها رأس المال .

والثانية مثلآ : محاسبة .

والثالثة : فنية .... الخ

يعني كل وحدة بمكانها المناسب .. فهمتي علي

يعني مثلآ نفتح مشغل ,أو استوديو تصوير ووحدة تكون مبدعة بالتصوير تعرفين كل وحدة وإبداعها , ومثلآ زاوية فيه كوفي أو كشك ,وزاوية ثانية : اكسسوارات وكذا شغلة ,وقسم سشوار ,وقسم كذا ..

>> هذا إذا ودك تشتغلين أو يكون المشروع نسائي..

فيه مشاريع كثيرة مثلآ :
صيدلية ,أو مكتبة ..

المكتبة أشوف أنها مربحة ..

وبس عزيزتي ..

الله يوفقك

الله يوفق ويرزق كل مسلم ومسلمه ,,مبدأ المشاركة والتعاون في طلب الرزق الحلال مبدأ حضاري ينبع من تعاليم ديننا الحنيف والله يرزقك إن شاء بالمشروع الناجح ويعوضك خيراً من (الفساتين العارية!!)ماشاء الله أحسنت رغم ان هناك بكثير من الفساتين المستورة والجميلة

باختصار مشغل او حضانة