طلبات القصيم من مجرب

عاطلين حائل · #1 (**permalink**) 01-05-2013, 01:02 PM

السلام عليكم ورحمة الله وبركاته

يَقُولُ الرَّسُولُ -صلى الله عليه وسلم- : ((لاَ يُؤمِنُ أََحدُكُم حتَّى يُحِبَّ لأَخِيهِ ما يُحِبُّ لِنَفْسِه))،

ولد عمي تخرج قبل شهرين من دورة القصيم واشتريت انا وياه الاغراض

كلمني عن الاغراض المهمه في الدوره

وانا والله حبيت افيدكم مثل ما استفدت انا
كلنا بالاول والاخير اخوان

نجي للمهم الاغراض وانتبه للعدد عشان ماتتوهق

1- شنطه بدون كفرات + قفل للشنطه

تقريبا نفس كذا الشنطه بس انت خذ حجم مناسب عشان الاغراض

2- عشر فنايل داخليه + عشر سراويل داخليه (قطن) اهم شي قطن عشان الراحه

3- سروال اخضر العدد (2) + فانيله بيضاء كم طويل العدد (2) + قبوع ابيض

اهم شيء اهم شيء يقول اذا اشتريت السراويل الاخضر رح لقرب خياط وخل يسوي لك سحاب في المخباء
4-شراب عايله عدد (12) اسود + شراب عائله عدد (12) ابيض

5- بجامة نوم العدد (1)

6-جزمه بيضاء الله يكرمكم العدد (2) عشان احتياط لو انسرقت منك + زنوبه العدد (2)

الجزمه حاول تدور نوعيه ممتازه وغاليه لانك طول وقتك في الميدان

7-شامبو + ليفه+ صابون ديتول+ فازلين صغير + بودره صغيره

8- منشفه كبيره العدد (1) + منشفه صغيره العدد (1)

9- نجي للاهم مزيل العرق لاتشتري بخاخ ولا النوع الثاني
افضل نوع كريم مزيل العرق اسمه (فيبكس ماكس ) افضل شيء هذا

10- بندول العدد (1) + اهم شيء مرهم فولتارين للعضلات

11- امواس للحلاقه واللي يبي يجيب معاه مكينة حلاقه على راحته

هذي الاغراض المطلوبه بالتفصيل عشان ماتتوهق

اما الخيط والابره + الدفاتر والاقلاام ماراح تحتاجونه

هذا اللي عندي وزي ماقلت لكم ابيكم تستفيدون زي ما استفدت انا

والصبر الصبر ياعيال يقول تعرف على اللي فله وسوالف وابعد عن اللي بس جالسين لحالهم

والله يفوقنا وعقبال ما نبارك لبعض بعد التخرج

اخوكم ثامر عوض العنزي دورة القصيم يوم الاحد

طلبات القصيم من مجرب

إستفسارات ونتائج الوظائف العسكرية

السلام عليكم ورحمة الله وبركاته يَقُولُ الرَّسُولُ -صلى الله عليه وسلم- : ((لاَ يُؤمِنُ أََحدُكُم حتَّى يُحِبَّ لأَخِيهِ ما يُحِبُّ لِنَفْسِه))، ولد...

طلبات القصيم من مجرب

تسجيل الدخول

طلبات القصيم من مجرب

إستفسارات ونتائج الوظائف العسكرية

السلام عليكم ورحمة الله وبركاته يَقُولُ الرَّسُولُ -صلى الله عليه وسلم- : ((لاَ يُؤمِنُ أََحدُكُم حتَّى يُحِبَّ لأَخِيهِ ما يُحِبُّ لِنَفْسِه))، ولد...

طلبات القصيم من مجرب