10-05-2013, 03:00 PM
|
 |
عضو سوبر
|
|
تاريخ التسجيل: May 2013
المشاركات: 399
معدل تقييم المستوى: 136077
|
|
اقتباس:
المشاركة الأصلية كتبت بواسطة عبدالمحسن 91
جزاك الله خير اخوي
وان شاء الله نتقابل بالدورة
^_^
|
تعقيب على كلام الاخ
ياجماعه انا قدمت على القطاعات العسكريه كلها واغلبها انقبل قبول مبدئي لكن مرات اروح ومرات تجيني ظروف ومااقدر اروح اللي حاب اوصله واعتبروها نصيحه
استعن بالله ورح لهم وانت مفطر ومروق وشبعان نوم
خلك كاشخ (بثوب وشماغ )باعتدال مو شرط انك تكشخ كأنك حاضر زواج
وخلك واثق من نفسك حسسهم انك اقوى واحد في العالم وارفع صوتك ورتب كلامك بدون فلسفه
المقابله تعتبر جس نبض لك وتعتبر مهمه جداً ( انا جبت العيد بمقابلة المباحث العامة وواضح الرفض منهم قبل أطلع لان اجوبتي مخربطه كنت سهران ومتقروش )
وبخصوص اذا قبلوك وتكملة اوراق وكذا نصيحة لاتأجل اي شي خلص امورك اول بأول واذا الله أرادها لك بتاخذها تأكدو يااخوان اننا مسيرين بالدنيا مو مخيرين ولاتيأسوا
وحاب اقول للي معه ثانوي ويبي الحرس الوطني يروح لهم بالتجنيد بدون واسطه ويقدم ويعطونك رقم بعد سنتين أو أقل يتصلون فيك وعن طريق واحد ثقة بالحرس الوطني يقول ترى عندنا شواغر كثير ويبون مجندين كثير
انا قدمت عام 1431 بالتجنيد وعطوني رقم بعدها بسنتين اتصلوا فيني عام 1433 يقولون توظفت؟ قلت لا . وانا كنت وقتها مداوم مدني بشركه قالو راجعنا بكره الحرس الوطني الساعه 9 بالتجنيد قلت ان شاء الله وجزمت اني اروح بكره بس سبحان الله جاني ظرف وردني قلت يمكن خيره خل غيري اولى فيها , وبعدها اتصلوا مره ثانيه وكنت مستقر بوظيفتي وقلت ان شاء الله اجي , ماحبيت اقول لا ويكنسلون اسمي نهائي قلت خلها يمكن يجي وقت واراجعهم , والحين انتظر اتصال منهم لان الشركات لعبت في نفسيتي ومافيه استقرار ويمكن اراجعهم خلال الشهر الجاي
موفقين يأخوان لاتيأسوا واللي عاطل حالياً انصحه يتوظف مؤقت بشركه لو راتب 2000 لحد ماتضبط اموره بالوظيفه اللي يبيها .
التعديل الأخير تم بواسطة مدني ودمي عسكري ; 10-05-2013 الساعة 03:16 PM
|
العرض العادي
