السلام عليكم ورحمة الله وبركاته
تمت مقابلتي يوم السبت مع المجموعة الاولى ولله الحمد
وبفيدكم ان شاء الله باهم ملاحظاتي:
[align=right]
1- حاول تستأجر في "البطحا" قريبه منهم بالتكسي 15 ريال، معهد الجوازات بالوشم قريب من الاحوال المدنية والدفاع المدني (( وقت جوالك على صلاة الفجر صل وامش لهم ))
2- الدخول الساعة 6 ويمديك تدخل الى الساعة 10 بس لا تهمل الحضور المبكر عشان تخلص قبل الحر.
3- اللي لابسين طقم، يرتاحون من الحر وكمان يصفون سطر لحالهم.
4- خل معاك قلمين احتياط لتعبئة الاستمارة، لا يضيع وقتك تدور قلم.
5- واحد قدامي "واسطته عميد" طوله 166 قالوا للاسف لو نقص 1 سم ما نقدر ندخله، ومسك الباب.
6- شوف السرى كيف يمشي وامسك السرى باحترام اي ملاحظة بيطقونك بالاخير.
7- المستندات المطلوبة:[/align]
أ. صوره مكبرة من بطاقة الاحوال واحضار الاصل للمطابقة.
(( لا تنسى الاصل بالفندق مثلي ))
ب. صورة مصدقة بختم طبق الاصل من الشهادة الثانوية او ما يعادلها واحضار الاصل للمطابقة
(( الصورة لازم تكون مختومة من الثانوية بختم ازرق مو مصور ))
جـ. صورة مصدقة من شهادة حسن السيرة والسلوك مع الاصل للمطابقة.
(( لو ما معاك عادي، قول رحت للثانوية وقالوا انها ملغية، لان كل العسكرية عندهم بلاغ بالغاءها ))
د. صورة مصدق عليها من قبل المؤسسة العامة للتعليم والتدريب المهني لشهادات الدورات التدريبية التي تم تسجيلها مع الاصل للمطابقة.
(( المشهد ما ينفع، وانا راجع للشمال بسبب هالسالفة، لازم الشهادة وصورها مصدقة من المؤسسة العامة للتعليم والتدريب المهني، لها فرع بالرياض روح له لا تضيع وقتك بالديرة ))
هـ. عدد(6) صور شخصية ملونة مكشوف الراس(3*4).
(( صورة مكشوفة الرأس، ويفضل تحلق على رقم 3 أو 2 والخلفية بيضا، ولابس ثوب ابيض ))
و. بالنسبة للطلبة الجامعيين إحضار صورة مصدقة بخاتم طبق الأصل من الشهادة الجامعية وإحضار الأصل للمطابقة.
....
نرجع ونقول وش صار من دخولنا الى خروجنا
حضرت عند الباب الساعة 5 الا ربع، ما دخلنا الا 6 وربع، صفونا طابور، دخلونا لصالة طعام فيها
طوايل وكراسي، يعطونك ورقتين تعبيهم عادي، وجلسنا وصاروا يأشرون علينا بالترتيب، اول شي قياس الوزن والطول
الطول لو نقص نص سانتي، مع الباب، ولو معك واسطة يمكن يمشونك بنص سانتي
لكن لو ناقص سانتي ما تنفعك الواسطة ^_^
بعد ما تجتاز الوزن والطول، يختمون اوراقك ويعطونك ورقتين، تروح الى طاولة جنبهم يرتبون اوراقت بملفك
بحيث يحطون الصور المصدقة بملفك، ويعطونك الاصول بايدك، تروح لطاولة ثانية يتحققون
ويدققون بالاوراق ويدخلونك الكمبيوتر، وترى المظهر مطلوب.
بعدها بتروح للمقابلة الشخصية، يطقطقون عليك، وتراهم حبوبين لا تخاف وتربك نفسك
هم بيتأكدون من شكلك انت احول "عيون" والا الثغ "لسان" وبنفس الوقت من معلوماتك
العامة وان شاء الله بتجتازها.
...
مقابتلتي يوم السبت يوم 1 من شهر 7 ولما قالوا ارجع هات شهادة الحاسب لاني قلت تطلع يوم 8 من شهر 7
قالوا ملفك عندنا روح ومعك الى يوم 11 من شهر 7 اخر حد ^_^ لان النتائج تظهر يوم 12 من شهر 7
واعتقد والله اعلم ان الدورة بتكون في يوم 15 من شهر 7 لان هالتاريخ يوافق يوم السبت.
....
((
لا تيأس، لو موعدك في يوم 4 ورحت لهم في يوم 8 ترى الفرصة قدامك اهم شي كمل اوراقك كاملة ))
دعواتكم ان الله يوفقني، ولكم مثل ما قلتم
محبكم واخوكم
عبدالمحسن الشراري
12-05-2013, 05:30 AM
العرض العادي
