ياهل الخير قبل ماشتري طلبات الدوره .. قولولي كم راتب الجندي فني

جيناهم اليوم انا والاخ عبدالمحسن واعطونا اوراق العمده والاحوال يوم الاثنين اول دفعه تدخل الدوره والدفعه الثانية يوم السبت الله يوفق الجميع

يا عيال اللحين المعرْف او الشاهد اللي في اوراق العمده عادي اكتب اسم اخوي ولا ؟؟؟

يااخوان بسال اللي ياخذ استماره الالتحاق واوراق العمده والاحوال يعني خلاص تم قبوله بالدوره ولا فيه بعد فرز

^

إيوه خلاص .. سلّم لهم ورقة الأحوال والعمدة وتدخل الدورة ..

ثقباوي .. في العرف العام , عادي تكتب الشاهد أخوك أو ولد عمك مافيها إشكالية ..

عسكري شجاع .. والله ما أعرف بالتحديد .. أنا سمعت إن راتب وكيل رقيب 9400 للجامعيين وأنا مقدّم عليها , أما الجندي اتوقع حدود الـ 6000 وإنت كمان إسأل إن شاء الله تلقى إفادة .. أبسألك وش هي متطلبات الدورة ؟!

السلام عليكم
لا اقول لكم وداعاً، بل الى اللقاء
أبشركم خلصت اوراق العمدة والاحوال والامارة
وان شاء الله دورتي الاربعاء القادم، او السبت
لا تنسوني من خالص دعائكم
أخوكم

اقتباس:

المشاركة الأصلية كتبت بواسطة بنت عتيبه يااخوان بسال اللي ياخذ استماره الالتحاق واوراق العمده والاحوال يعني خلاص تم قبوله بالدوره ولا فيه بعد فرز

اللي اخذ اوراق العمدة يعني اجتاز الفحص الطبي، باختصار "قبول نهائي"

الدورة بتصادف رمضان، غير انها دلع وراحة و85% مكتبية، بتكون مدتها بين 20 الى 25 يوم ان شاء الله

وبالنسبة للي احتياط، لا يتذمرون او يقنطوا من رحمة الله، يمكن حظهم افضل مننا، بقول لكم كيف؟


ممكن نجلس بالدورة شهر، ثم يفصل واحد، او تجبره ظروفه يطلع، او نعومي ويفرك ^_^ أو مشاكس او نفسية

تجي انت يالاحتياط مكانه، نكون جلسنا 30 يوم، وباقي لنا 15 يوم

تكمل معانا 15 يوم، وتطلع معانا

.....

بخصوص اللي ما انقبل او صادفته ظروف، بقولك باختصار:

لا يمنعك الله عن شيء، الا لخير

ولا يحرمك من شيء، الا لخير

ولا يبتليك الله، الا لخير

فلا تحزن

قدمت انا واخوي على الامن العام، وانا اللي قدمت له، وانقبل وانا لا..

سبحان الله، الحين انقبلت بالجوازات من حظي

قال تعالى:

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

عمري 29 سنة، زملائي لهم عيال وعندهم بيوت، الله يوفقهم

لو تشوفني تقول عمره 22 او 25

هذا بفضل الله، ثم الثقة فيه، والصبر

موعدنا الدورة ان شاء الله

وسبحان مغيّر الأحوال، شوفوا تاريخ ردي هذا:

28

واسطتي "الله"

فمان الله

السلام عليكم إخواني اليوم رحت للمعهد سلمت اوراق العمده والأحوال وعطوني كرت دخول الدورة مع أني احتياط وقال اول ٦٠ من الاحتياط راح يدخلون الدورهه وانا ماني من ضمن الستين انا تقريبا رقم ٩٠ والباقين على امل وققال مقدر اوعدك بس ان شاء الله كلكم تدخلون والكشف طريقة ترتيبه على حسب درجتك بالمقابله الشخصيه وحبيت أسئل أليي احتياط يعلمونا وش سوو والأساسي الي ماحضر او صارت له ضر وف يعلمنا طبعا الدوره السبت هذا اسئل الله التوفيق لي ولكم

مسائكم الله بالخير

بكرى عندي كشف طبي
ابغى اسأل متى دورة الجامعين
سمعت ردود انهاا السبت وهل الجنود مع الجامعين

^

أنت الظاهر نفس وضعي دورة الجامعيين وعندي الكشف بكرة الاربعاء 3/8 .. حسب كلام واحد من الجنود قلي الدورة 15/8 .. إحنا موعدنا بكرة في المعهد أتوقع مايسون فحص , فقط بصمات و الفحص سبت وأحد وأثنين حسب كلام واحد من الشباب بس لسه ماني متأكد 100% , ياليت اللي عنده أي معلومات يفيدنا ..

حياك سند

هل فعلا بكرى بس بصمات ونطلع بدري
ولو فيه فحص متى تتوقعو يخلصوناا الساعه كم