خواتي المعلمات حابة اللي تعرف معلمات يداومون بقرى أنهم ينقلون لي قصص معاناتهم مع الطريق والمسافة
متى يروحون ومتى يرجعون ,, والسيارة وملائمتها.. وايش المصاعب اللي يواجهونها ...
وكل وحدة توجه نداء لوزارة التربية لوضع حلول لهالمعاناة
ياليت اللي تعيش هالمعاناة او تعرف احد عايشها ترد علي قبل يوم السبت اذا تقدر ضروري
أرجو التفاعل مع الموضوع وشاكرة للجميع

عندك انا

موظفة بحصاة قحطان هجرة ادرس فيها اطلع من ثلاث الليل ولا ارجج الا اربع واذا بدري مرة ثلاث ونص
وسيارتنا فان كسر ظهورنا من المطبات بتقولين اسكني انا ولدي باثانوي ومافيها ثانوي وبنتي متوسط ولا فيها واقرب هجرة لها مافيها لا متوسطة تحفيظ ولا ثانوي مقررات مالي الا اتردد الله يعين وبس

متوظفه بهجره تبعد عن مدينتي ٣٥٠
وعن اقرب مدينه ٢٨٠
وساكنه فيها لظروف الطريق الى مدينتي خطر جداً
وساكنه في بيت شعبي قديم ونصف اولادي في مدينتي
مع زوجي والنصف الاخر معي
الهجره الي ساكنه فيها
تفتقد لجميع الخدمات لايوجد بها سوى بقاله صغيره لا مستوصف ولا مركز شرطه ولا غيره

الله يكون بعونكن خواتي وربي يعجل بنقلكن للمكان اللي تتمننه
ابغى اطلب منكن طلب اذا مافيه ازعاج وابغاكن تردن علي اليوم او بكرا بالكثير
ابغاكن تكتبن لي وتوضحن لي معاناتكن أو معاناة اي معلمة من اللي يجاهدون يوميا بالطرق الطويلة وايش المصاعب اللي تواجهكم ,,, متى تطلعون من البيوت ومتى ترجعون,, وهل سيارة النقل ملائمة ,, اجرة السواق مناسبة او مرتفعة والسرعة بالطريق,,, هل فيه بدلات تستلمونها مجزية او لا ,,, وايش تقترحين لو الوزارة تسمعكم لوضع حلول تخفف هالمعاناة ,,, ارجو تاخذن رسالتي بعين الاعتبار وتردن باسرع وقت لان هالموضوع يهمني .. والرد يايكون بالصفحة هذه على الموضوع أو عالخاص مافيه مشكلة
وكان الله في عونكن وربي يحقق لكن ما تتمننه بإذن الله

الله يكون بعونكن خواتي وربي يعجل بنقلكن للمكان اللي تتمننه
ابغى اطلب منكن طلب اذا مافيه ازعاج وابغاكن تردن علي اليوم او بكرا بالكثير
ابغاكن تكتبن لي وتوضحن لي معاناتكن أو معاناة اي معلمة من اللي يجاهدون يوميا بالطرق الطويلة


طول الطريق تخيلي ٣٨٥ كيلو رايح جاي غير الدوران بالرياض


وايش المصاعب اللي تواجهكم ,,,

التعب الارهاق عدم النوم من ٢ او ٣ واحنا بالفان ندور اهمال الزوج والابناء تعب الله ياجرنا

متى تطلعون من البيوت ومتى ترجعون,

انا ثلاث واول وحدة ثنتين ونتبادل انا واياها الركوب اولا لانه صعب
والرجوع ثلاث ونص اربع وهالايام اربع ونص خمس لان المديرة رفضت نطلع قبل نصف ساعة من نهاية الدوام مثلنا مثل اللي ساكنين بالهجرة المجاورة رغم اننا ما لقينا لا سكن ولا مدارس فكيف نسكن مدري يبوننا نطق خيام وندرس عيال الهجر وعيالنا لا

, وهل سيارة النقل ملائمة ,,

لا كم مرة تخرب علينا ونوقف غير السرعة والمطبات اطامر مطامر وغالبا يمر فان الهجرة اللي بعدنا ونركب معهم الله يصبرنا ويكتب اجرنا


اجرة السواق مناسبة او مرتفعة والسرعة بالطريق

٢٠٠٠ داومتي يوم او اسبوع او شهر او عطلة اسبوع تدفعينه
والسرعة يسرع واحنا نبهه خفف السرعة بس لو كنا نايمين يطير فينا طيران الله يحفظنا

,,, هل فيه بدلات تستلمونها مجزية او لا

لا بدل نائي ٤٠٠ ريال رلا شفتها
واللي قبلي ست شهور ما صرفت لهم

,,, وايش تقترحين لو الوزارة تسمعكم لوضع حلول تخفف هالمعاناة

نقل الطالبات للمدرسة ووضع مدارس كبيرة بالهجر المتقاربة افضل اجل هجرتنا ٢٨ بنت واللي جمبنا ١٢ بنت ليه وما بينهم فرق تكون بالهجرة الكبيرة ومجهزة وكذا
والنقل افضل
والبدل النائي
ووضع نقاط مفاضلة لنا لاننا ندرس بمثل هالاماكن



,,, ارجو تاخذن رسالتي بعين الاعتبار وتردن باسرع وقت لان هالموضوع يهمني .. والرد يايكون بالصفحة هذه على الموضوع أو عالخاص مافيه مشكلة
وكان الله في عونكن وربي يحقق لكن ما تتمننه بإذن الله


لو اليوم مو اجازة والجمعة كان مستحيل ارد لظروفي الصعبة بس ربي بيفرجها وانقل بعزته وقدرته

الله يكون بالعون

الله يكون بعونكن ويعجل بنقلكن عاجلا غير آجل

لا اله الا انت سبحانك اني كنت من الظالمين

للأسف توي أشوف موضوعك أختي بارونه مدري خلاص انتهى شرح المعاناة

هلا اختي نجرانية ردك وصل ومشكورة
والله يحقق اللي ببال الجميع