*.. السلام عليكم ورحمة الله وبركاته

كيفكم ؟! متأكد كلنا مافيه مشروع الا فكرنا فيه و سوينا دراسات و نوصل ل الخطوة الاخير قبل التنفيذ ونلغي هالفكرة و نكنسلها

أحد الاسباب التكلفة المادية او المُحطمين اسباب كثيرة ..

انا كان عندي فكرة من زمان من اكثر من سنة و نص ومالقيت أحد يدخل معي .. وكل ماقلت الفكرة ل أحد قال المنافسة صعبة .. واش عندك جديد ب تقدمه .. و الشغلة محتاجه شخص فاضي .. ودراستك أهم .. ومن هالكلام اللي مايخفى عليكم


* يفضل تقرأ وانت معك كاسة شاهي نعناع عشان تروق هههه

فكرتي صراحه مُتجزأه الى جزئين ..
اول حاجه اعمل مؤسسة إنتاج صغيرة .. و تقريبا نقول مُختصه ب الانتاج اليوتيوبي ك بداية وبعدين نقدر نتوسع اذا فهمنا السوق كويس ..
الجزء الثاني اكنسل فكرة المؤسسة مؤقتا .. و ابدأ ب برنامج يوتيوبي هادف .. في أحد المجالات .. و أحاول أكون التوب (الافضل) ..

المتابع ل اليوتيوب .. يعرف انه مافية ف الساحه إلا 3 مؤسسات ..
1) تلفاز 11
2) يوتيرن
3) صاحي

و سياسية كل قناة واضحه .. و تلفاز 11 تعتبر هي الافضل من وجهة نظري .. لانها بظل و جود المنافس القوي ..
صاحي صاحبها خالد الفراج اللي الكل يعرف انه اخو وليد الفراج .. و وليد الفراج الداعم ل القناة ماديا .. ب الاضافة ل الاعلانات من الشركات موبايلي الخ
و لو تلاحظوا صاحي تحاول تشوف اي برنامج جديد و تحاول تضمه ل قناتها .. و تستفيد انها تكبر القناة مع البرنامج الجديد .. و كمان يوتيرن اتبعت نفس السياسة ..

نجي الحين ل العوامل ل نجاح اي برنامج يوتيوبي
1- الفكرة
2- الإنتاج

الفكرة : الحين يجي شخص يقول طيب مافي فكرة إلا و نفذوها و بلا بلا
اقول لك غلطان .. كثير افكار للحين محد نفذها .. وانا شايف الساحة مفتوحة للجميع

الإنتاج : نقدر نقول هذا أهم حاجة ف كل شي .. كثير نلقى برامج يوتيوب تبدأ و تفشل على طول مع انه الفكرة حلوة .. و السبب ؟!
الإنتاج الضعيف .. الصوت مو تمام .. الدقة لك عليها .. الاضاءة لك عليها .. مافية تأثيرات تدعم الفكرة و تشجع المتابع يرجع يتابع الحلقات الجديدة ..
و كثير ناس عندهم فكرة برنامج يوتيوبي لكن يحيرهـ الانتاج و العملية تصبح معقدة كثير ..


* ارجع اتكلم عن تلفاز 11
كيف بدأت ؟
مجموعة شباب كل واحد مُبدع ف مجالة اتجمعوا مع بعض و بداؤو مع بعض ف برنامج لا يكثر ..
حلقة و رى حلقة اشتهروا و طار سوقهم .. بدؤوا برنامج ثاني .. جاهم راعي وداعم .. طبعا اللي كثير مايعرفه .. الراعي مثلا موبايلي .. تدعمك بما يقل ع مليون ريال .. بشرط ان تنزل شعارهم ف بداية مقاطعك بس
هم من هِنا اتطورا و اسسو موقع ل الشركة و مكاتب و حركات .. وجابوا منتجين زيادة و ممثلين وم صورين جديد ..واهم الدنيا فتحت لهم .. و الله يزيدهم

* مين أنا ؟!
انا انسان عندي خبرة ف المونتاج .. وأحد اهدافي ف ال 5 سنوات الجاية أكون شركة إنتاج لها اسمها ف هالبلد .. و انا مؤمن انه مافية فكرة تنجح الا ب المشاركة و خاصه هالنوع من المشاريع ..
وحاب ابدأ مع مجموعة من الاشخاص يكون لهم اهتمام ف مثل هالمواضيع .. سواءا انتاج تصوير اضاءة فوتوشوب ..كلنا مع بعض نقدر نصنع النجاح ل انفسنا .. و نصنع اسمنا

اخيرا ً .. كل هذا فضفضة .. اتمنى تشاركوني فيها ..


سبحانك اللهم و بحمدك استغفرك وأتوب اليك