بالنسبه للببدله العسكره انا اخذها او هم يعطوني من عندهم

[align=center]
اتوقع يعطونا البدله بعد 45 يوم ونروح نقيفها ونزبطها علشان انتداب رمضان ..

وبيفيدونا اهل الخبره ..
[/align]

بمكه دفعنا 350 ريال وهم قيفوها لنا ولبسناها اخر اسبوع في 45

لازم تلبسها في 45 عشان حفل يوم الخروج من 45
يعني خل معك فلوس

لالا انت في ال45 بالرياضة
اااااخر ال45 يعطونك بدلة و بسطار و قايش ابيض
و طربوش و شراريب

انصحك لا تلبسها الا بعد شهر 12 يعني بعد الحج
لأن من بعد ال45 لين الحج حر موت و القماش تقول طربال ثقيل جدا جدا
يعني فصل بدلتين يوم تطلع بالإجازه ال10 ايام و البسها لين مهمة الحج
بس خذ قماش مضبوط يتحمل كرف
بعد كذا بيجيك البرد البس اللي عطوك هي

و بالتوفيق
تحياتي

[align=center]
اتوقع التفصيل لازم خطاب من جهة العمل للعسكر ..

وكيف افصل من محلات العسكريه ..؟ اذا مافيه خطاب ..؟

[/align]

لا لا يا حبيبي انا اعطيك العلم بما اني خريج توي
ال45 كلها بالبذله الرياضيه فقط
اخر اسبوع بال 45 يجيكم خياط يفصل لكم البذل وتستلموها قبل التخرج من ال45 ومو ببلاش راح تدفع 250 للبذلتين والله يطلعوها من ظهرك وما تخرج الين تدفعها صارت مع واحد من العيال ما جاب الفلوس قالو ما تطلع الين تسددها غير قطينا من 10 ريال ودفعناها عنه ما يرحمووونك لو انك مطفر تدفع

انا اتكلم عن مكه اخر ال 45 لبسنا البدل العسكريه اللي فصلوها لنا ولبسنا البساطير
ودفعنا لهم حق البدل 350 ريال

بالقصيم ما دفعنا ولا ريال على البدلة العسكرية
ولا جانا خياط ولا شي
اللي صار انهم سلومنا هي بمقاسات مختلفه و حنا نقيفها

خلونا ندفع حق بدلة الرياضة عشان الترتيب كل سرية لون
و شوية دفاتر و اقلام و مزيل عرق و ملمع بسطار الله يكرمكم ب170 ريال !!!
هذا النصب بعينه

فترت الاستجداد ( 45) راح تكون عاطول ببدلة الرياضه واللباس الرياضي ارحم بكثير من الزي العسكري

اما بالنسبه للبدل العسكريه يختلف الوضع من مدينه لاخرى لكني ارى ان مدينة تدريب مكه المكرمه والمدينه المنوره

هم الاكثر تنظيما بين كافة مدن التدريب اما مدينة تدريب القصيم تصرف لك بدله ثقيله جدا جدا لايمكن تحملها وبالتالي كل الطلاب يفصلوون من برى


اتمنا للجميع التوفيق