السلام عليكم ورحمه الله وبركاته ,

آسف على تنزيل موضوع مكرر واتمنى من الادره تقبل اعتذراي ,

قبل ما ابداء شكراً لكل من رد على موضوعي السابق
هذا رابطه https://www.btalah.com/showthread.php?t=507298

ويعلم الله اني استفدت كثير ,

بما اني طلعت اللي بخاطري بمنتدى ولاشخاص ما اعرفهم فحبيت اني اكمل الموضوع

انا اتخذت قرار

وعزمت عليه وبعون الله ان الامور تتيسر

انا طلعت من البيت بدون حس ولاخبر وقطعت اي وسيله اتصال تخلي احد يعرفني يوصلني
ولي الان 3 أيام ماحد يدري عني ومقرر أني ما ادخل البيت
مره ثانيه الا بزوجه المستقبل انشاء الله


ياكثر المواقف اللي مرت عليه وتجاوزتها وهذا الموقف أجلته بما فيه الكفايه وع قوله المثل ياسبع
ياضبع وانا ذيب وانشالله اني قدها

انا عودت اهلي علي الطيبه ولاكن أحيانا الطيبه ماتجيب نتجيه مرضيه فقررت اني اقسى على نفسي اولا واقسى عليهم بقرراي

ولله الحمد انا الان حصلت وظيفه ثانيه ومستلم الان وظفتين واحده 4 ساعات واحده 9 ساعات براتب شهري 5 الاف ريال كلها شركات طبعا واحده بفندق وواحده مندوب مبيعات وفوقها انشالله اذا سمح لي الوقت بفتح سجل تجاري واشتغل بفيز العمال
هذا حل مؤقت لحد ما اظبط اموري ولعل وعسى ان الله يرزقني بوظيفه معيد بالجامعه ولا اي شي حكومي

وناوي انشالله اضغط على نفسي واجمع لي كم فلس واخطب واتزوج بدون حظور احد من العائله بعتبر نفسي الان مالي اهل لان وبكل صراحه ماحد وقف معي الشده والكل ينام مرتاح وانا اجلس بالايام صاحي بعتبر نفسي مالي غير الله بقطع كل معارفي
وبعامل ابوي معامله رجل معتمد على الله ثم على نفسه واثبت له انه ماهو قادر يمنعني من
اني اكمل نص ديني

اغلب جيلنا الحالي من الشباب تحصلهم اما با استراحات وكل واحد مع بنت ولا اللي وجهه مايأهل طالع دبي وبخشم رياله الله يخلف ع الرجل والبنت اللي ماعنده ذره إيمان ولاعنده حتى غيره <-- شطح برى الموضوع لاتلوموني والله من الفساد اللي أشوفه
انا ماني مطوع ولاني متشدد لاكن استغرب من ناس الزنا واللواط صار عندهم شي تافه مثل
الدخان وغيرها,
انا مستعد أقسم بالله أن لو مامكه بالسعوديه كان أصبحت السعوديه اكثر بلاد العالم فساد
لواط وعندنا وزنا وعندنا ومخدرات وعندنا وحتى الاسحاقيات والمسترجات ما اخترعهم الا احنا
صحيح ان الانسان يخطئ وكلنا خطاؤؤن لاكن اتكلم عن ذنوب عظيمه تهز عرش الرحمن
الله يهديني اولاً ويثبتني على ما انا عليه ويهدي جميع المسلمين وغير المسلمين

انا مقصدي الاول النعيم وبممعنى أصح أعلى جنات الخالق سحبانه جنه عرضها السماوات السبع والارض الرسول اللهم صلي وسلم عليه قال بمعنى الحديث ان طلبت الله فاطلبه الفردوس كان عارف ان عندنا ناس مهووين ولا هم حول الدين وقال الفردوس وهي اذا ماخاب ظنس انها رابع او خامس حنه من جنات الخالق


وناوي اكمل ديني اللي بسويه ماهو ببسيط وفيه عقوق للوالدين ولاكن المقصد منه
خير انفع به نفسي


انا طول عمري وانا بار باهلي وان قصرت معهم افكر كيف اعوضهم ,
بقلكم اشياء بسيطه اجبرتني على هالشي ,
اولها وانتم عارفينها زواج اخواني اللي كل واحد فيهم الان سحب على ابوي اللي هم عايشين
ببيته وانا جالس خدام
الشي الثاني الوالد متزوج 2 وعندي اخوان من عمتي اكبر واحد فيهم اصغر مني بسنه وكلهم
ماخذين ابوي بنك وقت الحاجه عند رجوله وبغير الحاجه مافي الا انا اللي صاير مثل الخادم بدون
بدون راتب

صحيح انه ماهو مقصر معي لاكن مازلت اعامل على اني بزر
اناا من بعد الثانوي ماطب جيبي ريال من أبوي تعودت اعتمد على نفسي واوقات يجي يعطيني
ويجبرني اخذها مثل العيديه وغيرها ع اساس اني طالب باقي وكذا ,
ارجعها بجيبه وهو مايدري واكثر من مره يعتب عليه عشان ها الحركه
وكل هذا عشان أثبت له اني اقدر اعتمد على نفسي ومازلت بنظره ماني قد الزواج,

عندي الف طريقه وطريقه اني اجبر ابوي يزوجني لاكنها حرام ولا أبي زواجي يكون سببه اني
وقعت بحرام

انا ربي خلقني لاسباب اولها عبادته والعباده ماتكتمل بدون الزواج وبأذن الله اني ما ارجع بيتنا
الا وانا شايل عيالي معي

انا ولله الحمد عندي ثقافه جيده بعلم النفس وابي اضيف شي بسيط
أن اي انسان بالحياه سواء رجل او امراءه طفل او مراهق جميع من خلق الله بهذه الدنيا من حيوانات وطيور وووو..إلخ يُعامل بالقسوه والجفاء هذا الشي يسبب مردود نفسي على هذا الشخص ويكون سبب في ان الشخص يكون قاسي وعصبي ومزاجه حاد ومايضحك كثير
بعطيكم مثال بسيط اي واحد أكيد مر عليه يوم تهاوش مع اخوه او اخته او صاحبه
تلاحظ ان الشخص اخلاقه زفت ومعصب ساعه او يوم او اسبوع على حسب تأثير الشخص
او نفس المشكله انا اتحدى اي واحد تصير عليه مشكله لاسمح الله ويضحك بعدها على طول
شي مستحيل لانها بتأثر ع المزاج والنفسيه
وهذي معلومه درستها بكتاب علم النفس والاغلب منكم عارفها ,

انا اللي صار معي موقف ماينسى بيوم وليله البعض عنده عادي لاكن انا حاولت انسى ولاقدرت مثل الطريق اللي تمشي فيه وتحصل قدامك شي يمنعك تمر منه
يا ازيح الشي واكمل الطريق او اجلس بنفس محلي انا جلست اكثر سنه وانا نفس محلي
عشان كذا انا اتخذت قراري ولازم اكمل طريقي ومابيصير لي غير المقدر والمكتوب

اللي بيرد على الموضوع ابغاه يتنجب 3
1- لاتقولي أهلك وحرام وكذا لاني وبا اختصار بريت اهلي اكثر مما تتصور وصرت مثل العبد
2- ولله الحمد صلواتي انا أصحى من نفسي واغلب اخواني نايمين اوقات الصلاه اذا الواحد تعود عليها فتره تصير عنده مثل المنبه وهالشي صاير معي واللي مشكك يجرب وقيام الليل صار عندي بشكل أسبوعي
3- اتمنى ماحد يقولي عقوق الوالدين حرام ولاكن ترى عقوق الأباء بعد حرام ومثل ما للأب حق علي انا لي حق عليه وأبن باز رحمه الله عليه قالها بالحرف الواحد وجوب تزويج الاب المقتدر لابنائه , وان الاب الرافض يأثم أثماً عظييماً هذا كلام أبن باز اللي وصلت مرحله بالدين
انا وانتم نجهلها

هذا قراري وحبيت اشاركم فيه وبأذن الله لاتيسرت أموري كلكم معزومين انا مستحيل أنسى احد نصحني بوقت انامحتاج فيه النصيحه

تحياتي لجميع اعضاء المنتدى الكريم ويعلم الله انكم سبب سخره الله لي لاتخذ قراري
واكمل طريقي

اتمنى ماكون طولت عليكم وياليت إذا ماعليكم أمر دعوه بسيطه ماتكلف منكم ثواني لي
اني اتزوج ووتتيسر أمور زواجي ولو في انفسكم
وحاب اهديكم انشوده بسيطه تستحق منكم المشاهده لعلى وعسى ان تكون جزء بسيط يضاف في حسناتي