السلام عليكم

صباح الخير

شباب امس جتني رسالة تم قبولي في الدفاع المدني اداري بمنطقة مكة المكرمة ومراجعتي

يوم الاحد

ومن شروطهم شهادة غوص وانا من تبوك

لو طلعة اخذت من جدة شهادة غوص كم يبلي حتى تطلع الشهادة وكم المبلغ

والسوال ثاني الرخصه لازم لان علي 3000 ؟؟؟ تكفون ضروري الاحد الجاي الموعد

يجي من يفيدك

الف مبروك والله يتمم امورك على خير
اذا قصدك الأحد الجاي ماهو اللي بكره
يمديك تحرك من بكره على الطايف فيه مكان تشتريها منه بـ500 ريال
مدري تتأخر ولا لا (بس الأكيد انك تستلمها في اقل من 5 ايام على ذمة الراوي)انت اسأل بدري وحرك نفسك من الحين كلم معارفك بالطايف او روح ودور لأني نسيت المحل والله اما عن الرخصه فهي لازم وضبط امورك الحين كلها 3000 الآف تسلفها لاتضيع فرصتك
الله يسهل عليك

الله يعطيكم العافيهه

اخوي اسف الله لا يهينك انا لي معارف بالطايف

ومستعد ادفع 1000 بس اخذها

والمشكلة الثانيه انا ماعرف اسبح

انا يالله يالله اتروش ههههههههه

يعني لو رحت عندهم او في الدوره مافيه سباحة ؟؟؟

تكفون انتضر اجابتكم

واحد اعرفه يقول وقت السباحه اول فتره طبعا قال لهم المدرب وهم صافين
هاه تعرفون تغوصون ولا شارين الشهاده ؟
هههه يعني اغلبهم بيجون شارينها ومايعرفون يسبحون
المهم اللي عليك لاتعطل نفسك في الدوره بتمشي امورك لاتقول (ماعرف)

اضيف شغله اعتقد انهم يبيعونها في الحويه شد حيلك

بعدين صح النوم المفروض رايح من قبل متعلم السباحه والغوص
ومطلع الشهاده من الاتحاد السعودي بـ 300 بس اتوقع الحين قفلوا

وعليكم السلام ورحمة الله وبركاته


حبيب قلبي بالأختبار لازم تسبح وغير كذا في اختبار ثاني اللي هو الغوص

يعني حاول تتعلم واستفيد وعلى فككرة السباحة سهله مره بس يبيلها قلب مايخاف ..
وبالنسبة للمدة تبع الشهادة بنفس الوقت والله أعلم لكن مثل ماقلت لك لازم تعرف او تتعلم السباحة والغوص
نصيحة صغيرة : حاول تسبح ولو تغرق بيطلعونك لا تخاف اهم شيء المحاولة

<< الله يستر مايجيب العيد هههههههههههههههههه

والله يوفقك ويوفق الجميع . .

الله يوفقك .. روح طلع شهادة بسرعة
لو إنك تعرف تسبح وتغوص روح احتبر اختبار يعطونك شهادة
وربي يوفقك ان شاء الله ويرزقك الوظيفة
الدفاع المدني مره حلوه

الله يوفقك .

حتى جاني قبول مبدئي بس ماعندي شهادة غوص وسباحه

والمشكله اني مالي فالسباحه مره مره كيف يالربع تنصحوني اتعب نفسي اروح ادبر شهادة سباحه وغوص او اريح نفسي ؟