السلام عليكم ورحمة الله

ياشباب انا ناوي افتح محل برجر مشوي بس مكينة الشوي وين احصلها

وكم قيمتها

ووش رايكم بالمشروع هل هو مجدي في مدينة الريااض

بسراحه مشروع ممتاز لاكن يبيله عماله وشوية ديكور ويمشي باذن الله

الله يوفقك يا رب

من ناحية المكينه ماعرف عنها .. يجي من يفيدك باذن الله

...

من ناحية المشروع ممتاز .. شد حيلك والله يوفقك

مشروعك رائع .. بس يبي لك تكون نشيط وديكور وموقع مناسب ولو تكسب حارتين او ثلاث احمد ربك غير طلبات المحلي .

موفق ي رب

جزاكم الله خير على هالمعنويه

وباقي المكينه هل هي موجوده بالسعوديه او لازم استيرادها

تكفون اللي يعرف لو معلومه بسيطه عنها يسعفنا

الله يوفقك إن شاء الله

مشروع إن شاء الله ممتاز خصوصاً الأكل ما أحد يوقف عنه

بس يبي لك تتميز بنكه خاصة وشغل حلو وبإذن واحد أحد بينجح ويكون عليه إقبال


بخصوص مكينة الشوي

أنا كنت في الرياض بشهر 4 وكنت متجه للبطحاء عشان سوق الجملة حق الجوالات

وبطريقي شفت محل تجهيز مطاعم ومكائن حقت المطاعم

لا تسألني وين بالضبط لأني والله ما أدل شي في الرياض بحكم جياتي لها نادرة

ولكن بوصف لك مقتطفات وإن شاء الله إنك تدله أو تعرف الموقع بحكم أنك من الرياض


المحل شفته قبل لا أوصل محلات الجملة حقت الإتصالات

مريت بكبري وبعد الكبري مريت بمكان تحميل الركاب ( كداده ) سيارات خاصة

المحل حق تجهيز المطاعم قبل الكبري بشوي قبل الإشارة


لا تواخذني على الوصف دجه ولكن أبيك تعذرني بودي أفيدك بأي طريقة


وعسى الله يوفقك إن شاء الله

ماشاء الله تبارك الله الله يفتح عليك ابواب الرزق من كل مكان

الفكره ممتازه بس بشروط لأن محلات البرجر المشوي كثيره في الرياض

يعني لازم تبدأ بداية قويه يعني محل صغير في حاره مايصلح والشي الثاني لازم ديكور وورق جدار يعني يصير لك ستايل لمحلك مميز عن غيرك والشي الثالث نوع في الوجبات وعليك بالعماله الممتازه يعني اخسر على المحل وبتلقى نتيجه بأذن الله والشي الاخير حلالك انت اولى الناس فيه يعني تابع حلالك واجلس في المطعم وشغل عيالك وشغل سعوديين تكفى ترى عيال البلد والله يبون وظايف وبيعجبونك .

المطاعم جعله خير ماتخسر والله يرزقك .

مكينة الشوي الاحترافيه تكون عباره عن مكينه لهها ثلاثة سيور كل منهم يسير بسرعه معينه تحددها انت .. مثلا اذا اردت الخبز ساخن توضع بالسير السريع حتى لا تحترق .. اما اللحم فيوضع بالسير البطيء ليخرج مشوي تماماً ... ميزة هذه المكينه انها مثل الفرن تشوي من الجهتين بالكهرباء وخلال اقل من دقيقه .. وداخلها مروحه تسحب الدخان للخارج .. ولا تسبب حراره في المحل بسبب الفحم او الشوي المكشوف ..
ربما تجد مثل هذه المكينه في محلات تأثيث المطاعم .. او تذهب لمطعم بيزا هت وستجدهم يستخدمو مثلها
او تطلبها من الصين

السلام عليكم ورحمة الله وبركاتة


ممتاز


واصل يابطل !



لاتنس (سلطة الحلوم بالشوية) " ( والسلطة الايطالي )

يكون (همبرجر )مر طبقة واحد ويكون لها سعر خاص

مر طبقة 2 ويكون لها سعر خاص

والنكهات تكون متعددة ( دجاج - لحم - حار - بارد - الخ )



الله يوفقك ويرزقك


بالتوفيق لك !