10-06-2008, 03:04 PM
|
عضو مميز
|
|
تاريخ التسجيل: Apr 2007
المشاركات: 818
معدل تقييم المستوى: 38
|
|
اقتباس:
المشاركة الأصلية كتبت بواسطة c00c00100
اخي برفسور بنثقل عليك بالاسئله لكن انت كريم وحنا نستاهل
سمعت اول مربوط 11 الف !!!!! مدري صحيح او لا؟
هل فيه اختبار تحريري ضمن الاختبارات التي تسبق القبول النهائي ؟
لك خالص احترامي
|
عندك ثلاث قطاعات عسكريه رئيسيه ...
1- الحرس الوطني .. وتتبع له كلية الملك خالد العسكريه .. و خريجينها ضباط و يتعينون في احدى قطاعات الحرس الوطني .... تقبل طلاب الثانوي و الجامعيين .. و اقدر افيدك عنها كثير ...
2- وزارة الدفاع و الطيران ... و يتبع لها .. كلية الملك عبدالعزيز الحربيه .. و كلية الملك فيصل الجويه ... هذي الظاهر كلها بالرياض .. الكليه البحريه بالشرقيه تقريباً ... كلية الدفاع الجوي بجده ... و كلها تخرج ضباط من حملة الثانويه العامه ...
3- الامن العام ... وتبع له كلية الملك فهد الامنيه ....طبعاً خريجينها ضباط و يعينون في احد القطاعات التاليه ... الشرطه .. المرور ... المباحث ... الجوازات ... الدفاع المدني .. مركز المعلومات الوطني ... و غيره ... تخرج ضباط جامعيين فقط ... اما طلاب الثانويه توقف قبولهم فيها من خمس سنين تقريباً ...
طبعاً كل الكليات اللي ذكرتها تخرج ضباط ... و الضابط يبدأ من رتبة ملازم (نجمه وحده) .. ثم ملازم اول (نجمتين) ... ثم نقيب (ثلاث نجمات) .. ثم رائد (تاج) .. ثم مقدم ( تاج و نجمه) ... ثم عقيد (تاج و نجمتين) ... ثم عميد (تاج و ثلاث نجمات) ... ثم لواء (تاج و مقص) .. ثم فريق (تاج ومقص و نجمه ) ... ثم فريق اول ..
علشان تترقى من ملازم الى ملازم اول تحتاج سنتين
من ملازم اول الى نقيب تحتاج اربع سنوات
من نقيب الى رائد تحتاج 6 سنوات و هذي معروفه بمقبرة الضباط
من رائد الى مقدم تحتاج اربع سنوات
من مقدم الى عقيد كذلك اربع سنوات
من عقيد الى عميد هذي لازم منحه يعني فيها شغل واسطات تقريباً
من عميد الى لواء صعبه و تحتاج وسايط
من لواء الى فريق اصعب كذلك
بالنسبه للطلاب خريجين الثانويه دراستهم بالكليات العسكريه مدتها ثلاث سنوات و بعدها يتخرج ضابط برتبة ملازم ..
اما بالنسبه للطلاب الجامعيين دورتهم فقط مدتها 9 الى 10 شهور و بعدها يتخرج ضابط برتبة ملازم او ملازم اول حسب الشهاده اللي معاه ...
مثلاً الاطباء يتخرجون برتبة ملازم اول بأقدمية ثلاث سنوات لان الدوره تحسب اقدميه سنه تقريباً
المهندسين و الصيادله و العلوم الطبيه كلهم ملازم اول بأقدمية سنه اللي هي الدوره ...
التخصصات اللي دراستها اربع سنوات كلهم ملازم بأقدمية سنتين يعني ثلاث شهور و يستحق ملازم اول ....
هذا بالنسبه للحرس الوطني .. اما القطاعات الثانيه فيه اختلاف في انظمتهم ...
بالنسبه للابتعاثات ... الضباط الجامعيين لهم فرص افضل بكثير من طلاب الثانويه ... و كذلك طلاب الثانويه لهم فرص ابتعاث ودراسة اي تخصص يرغبون فيه .. و البعثه تكون على حساب الكليه المتخرج منها او القطاع المتخرج منه .... يعني ماله دخل ابد ببعثات التعليم العالي ...
و ممنوع يشتغل الضابط شغله ثانيه و ممنوع يفتح محلات باسمه ... وممنوع عليه حاجات كثير ....
اما رواتب الضباط فتبدأ من 6000 تقريباً و هذا راتب اساسي فقط يعني بدون البدلات ... يعني ممكن يوصل الى8000 ريال او 9000 .... حسب المكان اللي يتعين فيه ....
اما الأختبار نعم بوجد في الأمنية والحرس اما الحربية اختبار شفوي وهو اختبار
معلومات مثال مبسط ماذا يقصد بمجموعة أوبك وكم عدد اعضاءها
بالتوفيق لك
|
سؤال ؟
العرض العادي
