مساءء الخييير..

حابه اسال كيف الولد اذا تخرج من الثانوي يقدم ع كلية التمريض فين يروح وكم النسبه وايش هي الخطوات من البدايه ..الي يعرف ومتاكد خصوصا الي دخل تمريض بجده ..ايش سوى من البدايه لين النهايه..اخوي مايعرف..وجزاكم الله خير مقدما وراح ادعي للي يساعدوني اخر الليل ان شاء الله..

وكمان حابه اعرف ايش اخلي اخوي يقدم غير التمريض لانه هو مو حاب يصير مدرس..حاب حاجه ثانيه ومو عارف ايش يدخل انصحوه بلي تعرفوا..

وكم لازم يجيب نسبة وكم لازم القدرات والتحصيلي عشان يقدر يدخل تمريض ..او غيرها من التخصصات

وهل التمريض دراسته سهله يقدر عليها والا صعبه مره..

ليش مافي رد على سؤال..معقول مافي احد ممرض او ممرضه بالمنتدى

والله يآ أخت اماني مادرست تمريض وهالاشياء
لكن بجاوب على سؤالك الثاني الي هو :

انا انصح اخوك ان يدخل جامعه فيها اقسام هندسه اما هندسة حاسب او مدنية او معمارية او كهربائيه او صناعيه او اي اقسام هندسة اخرى الهندسة وظائفها مضمونه في القطاع الحكومي فوري التوظيف والشركات الكبرى مثل ارامكو وسابك على طول مطلوب عندهم المهندسيين هذا اللي له مستقبل قوي الان ولا يدخل قسم موارد بشرية هذا القسم مرغوب جدا الايام هذي والقسم هذا كثير مايعرفونه هذا افضل الاشياء اللي لها مستقبل اما التمريض وغيرها من التخصصات خلاص تشبع البلد منها وغير كذا اي دبلوم الان ماينفع الايام هذي اقل شي لازم يكون عندك بكالوريوس عشان تتوظف دبلوم ثانوي خلاص ماعاد احد يلتفت لها انا اقلك لازم يكون اخوك يدخل جامعه واي قسم هو يبغاه بس اهم شي بكالوريوس ويفضل الاقسام اللي ذكرتها من هندسه وموارد بشرية .. وشكرا

مشكورين الله يسعدكم..بس اخوي مايحب الهندسه بس هو اصا اخذ تمريض طبعا هو يبغى بكالوريس مو دبلوم..
الي برضو يعرفوا بموضوعي ينصحوني

اهلين اختي ..


طبعا دامه من جده يشد حيله ويجيب نسبه ويدخل جامعة عزوز كلية العلوم الطبيه
ويدرس التخصص اللي يبيه بعد السنه التحضيريه تمريض . اشعه . مختبرات . صحه عامه .

طبعا الدراسه صعبه لانها بالانجليش .. ولافيها تساهل
النسبه اظن من تسعين وفوق ممتاز . والتحصيلي والقدرات اظن من السبعين وفوق او ياخذو ع حسب المقاعد بالتدريجي للنسبه. هذا والله اعلمم .


وبالتوفيق.

معطل جزاك الله خير ان شاء الله يجيب نسبه بس المشكله بالتحصيلي الله يوفقه..طيب ممكن تقولولي ايش اخليه يدخل لو ماانقبل بالتمريض اي التخصصات الي اخليه يفكر فيها ولها مستقبل غير الي قالوه الاخوان والاخوات ابعى اكبر عدد ممكن طبعا غير التخصصات الي مجلها تدريس لانه مايحبه ابد ابد وماله رغبه فيه نهائيا..وان شاء الله الي ردوا علي والي بيردوا ماانساكم من الدعاء والصدقه..