السلام عليكم ورحمة الله

طابت أوقاتكم بكل خير

أحبتي

في البدايه :

أسأل الله أن يرزقكم من واسع فضله

عندي استفسار

ارجو من لديه أي معلومه يفيدني وله من الدعاء

أنا موضف حكومي بالمرتبه الرابعه ،، وبنفس الوقت طالب
بكلية الشريعه انتظام ،، وأرغب في التقديم ع جدارة للوضائف
التعليميه ،،

الاشكاليه
هل أستطيع التقديم ع التعليم وأنا لازلت ع رأس العمل الحكومي ؟؟
هل يلزمني تقديم استقالتي قبل التعيين بستة أشهر ؟؟

ومن لديه أي معلومات أخرى يفيدني

وأسأل الله أن يرزق الجميع بالرزق الحلال
وأن يجعل كل تأخيراً لكم في خيراً كبيراً


ولكن خالص الشكر والمحبه

صاحب اخوي عسكري ..وقدم العام على الوظائف التعليميه وطلع اسمه وبعد مااجتاز المطابقه والمقابله قدم استقالته من العسكريه

وهو الان مدرس ...يعني اعتقد مافيها اشكاليه ...

وعليكم السلام

هلا اخوي حياك الله

ايه نعم تقدر تقدم ع الوظائف التعليميه بعد ماتتخرج من الجامعه

لانك على المرتبة الرابعه ومستواك التعليمي جامعي لان الجامعي يستحق المرتبه السادسه ومافوق

اما في حال مرتبتك اقل من السادسه او رتبتك اقل من رتبة ضابط <عسكري> فيحق لك التقديم على الوظائف التعليميه او اي وظيفه على المرتبه السادسه ،،،،، هذا الكلام واثق منه ١٠٠٪

الله يكتب لك الخير ....

كما افاد الزملاء ....اتصل على الخدمه المدنيه عشان تتأكد اكثر ....

الله يوفقك

اخوي ، ما ابي احلف بس ما دروااااا عنك موظف ولا لا ،،، توكل ع الله وقدم ... وربي يكتب لك الخير

من جدك؟

لاتستقيل أبدا ..

التقديم على جدارة لمن تكون تخرجت ولو تبي وظيفة تعليمية+ معناه لازم تختبر كفايات معلمين (وهالاختبار ممكن تختبره لو كنت ترم تخرج عادي) تواصل مع قياس بخصوص مواعيد اختباراتهم أو من الموقع أو من حسابهم على تويتر.



ومؤهلك= تربوي؟


لنفرض إنك تخرجت واختبرت كفايات وقدمت على جدارة على حسب نقاطك تجيك وظيفة ( نقاط المفاضلة المعدل والأقدمية) بعدها بكل بساطة تحول خدماتك من القطاع اللي أنت فيه للوزارة التربية والتعليم وقتها لكل حادث حديث.


طبعا ماتنسى لمن تسجل بنظام جدارة تختار خيار (على رأس العمل)
الله يوفقك.