السسلام عليكم


إخباركم حبإيبي



إخواني إنا متوظف قبل فتره ب وظيفه حكوميه ؤخذيت لي قرض 130 ألف وإنا إملك 40 ألف


مجموع المبلغ اللي معي الآن 170 ألف ريال


صراحهه فكرت إول شيء إشتري سياره بس قلت سيارتي زينه وشوله التبذير !

وقلت بعدها خلني إتزوج وبيني بينكم قلت بدري على الزواج بحكم عمري 21 عاام

ننتظر سنه وملحق على الزواج

ف قررت إني إدخل فيها وإستثمرها ، فكرت ب الأسهم بس بيني وبينكم خائف !


وحبيت إستشيركم وإخذ إرائكم ؤإقتراحاتكم

إبحث عن مشروع خلال سسنه يرجع لي رأس مالي كامل " 170 ألف " وعليهم إرباح مجزيه

هل هالشيء ممكن ؟ إنا إدري هالشيء ممكن ب الأسهم لأكن ما إظمن سوق الأسهم الغدار " راح يكون الأسهم إخر الاحتمالات "


إيش رأيككم ي إخوان هل من مشروع يرجع لي رأس مالي وعليه إرباح مجزيه خلال سنه !

مع بيع المشروع طبعا لو كان قابل للبيع ! يهمني بعد سنه يرجع لي رأس مالي وعليه إرباح زينه


صراحه تدور ب رأسي إفكار مثل محل إجهزه إلكترونيه وكهربائيه ب الأقساط بس مشروع إحسه يبي له فتره زمنيه طويله والضمانات تخوف !

فكرت إشتري سيارات يعني إشتري سياره ب 30 ؤإبيعها ب 32 وهكذا !

وفكرت ب إشياء كثير بس ما حصلت شيء يرجع لي رأس مالي وعليه إرباح بعد سنه


هل من مغيث محتاج إفكاركم ؤإقتراحاتكم وتجاربكم


وإسئل الله العظيم التوفيق لي ولكم وشكرا للجميع


والخاص مفتوح للجميع وكذالك العام


والله ولي التوفيق

السلام عليكم ..

اولا واخيرا اهنيك ع تفكيرك ي اخوي .. ماشاء الله عليك قرض وتبي تستفيد منه ..

طيب ي اخوي // انا بقولك كذا مشروع وبعطيك بعد التكلفه والارباح بإذن الله تقريبيا يعني اذا فرقت 2000 او 4000 ..

اول مشروع : محل خضار فواكه تمور // فتحتين مثلا يكلفك كامل مع الايجار 30 الف .. الارباح بإذن الله والرزق على الله 15000 شهريا .. طبعا يعتمد على الله ثم على الموقع يكون خالي من محلات الخضار ويكون الشارع حي ..

ثاني مشروع : بوفيه مشابهه لتسالي وجبات سريعه مثلا كودو بطاطس لحم تورتيلا برجر وهكذا ... فتحه واحده مساحه متوسطه عدد 2 مشغلين البوفيه مثلا توصيل ويساعد خويه ..
يعتمد على الله ثم المكان // المشروع يكلفك 30 الف .. الارباح بإذن الله والرزق على الله 15 الف مقاربه ..

المشروع الثالث : كشك عرائسي نفس القهوه اللي بالشارع ولكن تسميه عرائسي فقط ..

هذا المشروع ي اخوي مشروب اسمه عرائسي فيه مكسرات دبس ***ب فيمتو يمني مانجا شي جددددددددا رائع ..

هالمشروع بالذات صدقني ارباحك اليومه بإذن الله 1500 ريال بـ30 يوم = 45 الف ريال ..

عدد المشغلين فيها طبعا يمني افضل لانه يتقنهاا مو حي الله لازم ناس اشتغلو هالشي لان عامل عن عامل يختلف // عدد 3 فقط
المشروع يكلفك اذا تبيه شي جذآب : 100 الف مع جمييييع الادوات ( واذا تبي التفاصيل راسلني )

طبعا يعتمد على الله ثم الموقع ..

والله يرزقك يارب ::

ملاحظة / لاتبذر فلوسك حاول تعتمد على الله ثم على شي معين وابدأ فيه لان لو فكرت وطولت طارت فلوسك ..

رزقك الله يارب

الله يوفقك ويرزقك من حيث لاتحتسب

الله يرزقك ويزيدك خير

اهم شئ حافظ على المبلغ اللي معك والفرص بتجيك لاتستعجل

حاول ماتصرف شئ من المبلغ حتى ربك يفتح لك باب رزق

عندي مشروع إذا تبي تشاركني حياك الله

شوف وانا اخوك بنصحك باشياء وباذن الله يكبر مشروعك

1- صلي الفجر جماعة
2- صلة الرحم
3- الاستغفار
4- الصدقة
5- لاتستثمر مالك كلة استثمر 40%
6- في البداية واجة التحديات وتجاوزها وحاول ماتهرب منها وارسم مسارك
7-اختر مشروعك وتخيلة وارسم ادق تفاصيلة
8- طبقة على ارض الواقع
9- كل يوم يمر عليك احتسبة هبة من الله واثراء لتجربتك وتقوية لخبرتك
10- ارضى باي شي تربحة (ترى ياشباب مو لازم من اول يوم تجارة بيصير عندك فلوس وملايين )

الله يوفقك وغيرك بمثل عمرك يقول اطيرها سفريات ووناسة

[align=center]
السلام عليكم

اول شيء ماشاءالله تبارك الله الله يبعدك عن عين الحاسده

فكر في مشروع راس تريلا لانه مشروع ما يربطك شيء مثلا :
انه ما يحتاج فتحة محل وانت عارف موظف حكومي ممنوع يفتح محل .
بس راس تريلا مع سواق يمديك تاجرة للشركات و للموسسات الكبيرة بملغ لا يقل عن عشرة الاف ريال شهري بس لازم يكون عندك خلفية عنه بس لو فكرة في المشروع صدقني راح ترجع مبلغ و زيادة بس يبيله صبر و ولا تخسر فلوسك ..
وعلى فكره في منتدى راح يفديك اكثر اسمه حراج السيارات و منتدى حراج السيارات
و الله يوفقكك و يرزقكك وين ما رحت

وان افدتك و يفدونك الشباب
[/align]

ماقصروا الاخواان
ونصيحه لا تضع كل ما تملك في مشروع

الافضل البحث عن مشاريع صغيرة كمحل الخضروات والفواكه

اراضي وخاصه المخططات الجديده واذا ما حصلت بأسعار مناسبه خلاص اتركها
والموضوع الثاني لو تفتح محل خدمي لقصور الافراح
يعني تجيب عمال يصبون القهوه والشاي وصبابات ايضا وهذي يحتاجها كل المتزوجين
والليله من 3000 الى 3500 ريال
وطبعا لازم يكون عندك عزبة العرس كامله من فناجيل وبريقات وحطب وكذا
عشان تريح العريس
وانت الان مقبل على موسم العروس
بس المشكله الان بالعماله ولا ادري يمديك تجيب او لا ولا ترا المشروع ممتاز

السلام عليكم

لك رساله على الخاص