اللي يبي الوظيفة يسجل لايشترط .. إن شاءالله يترقى أكثر.


الله يوفقكم.

جزاك الله خير

جامعي وسهر على الدراسه ووجع راس وفي الاخير عاطل
((ياتدخل عسكرية وتصير مسير ولست مخير أو تستلم راتب في الشركات ضعيف جدا مايكفيك نص شهر أو تجلس في البيت))
لا وتجيب بكالريوس تبي الضباط يامعدل عالي جدا أو واسطة والواسطة لها الاولويه
المفروض وكيل رقيب للتقنية

بموجب قرار مجلس الوزراء رقم 117، وتاريخ 1410/7/10 هـ، الذي أعلن أن رتبة وكيل رقيب حق قطعي لهم.

كيف البكالريوس ياخذون وكيل رقيب أقل شئ رقيب أو رقيب اول
لا وبعد فتره بيصير خريج التقنية جندي أول والبكالريوس عريف
أتمنى أحد يطرح الموضوع للمسؤولين أو عند داوود الشريان

ا

بخصوص اللي يتشرطون ..

انا كنت شغال في بنك الرياض واستقلت منه لانه ربوي بعد ما استفتيت اربعه شيوخ .. طبعا انا معاي جامعة وتقديري جيد ونخصصي ادارة اعمال .. ولغتي الانجليزيه لاباس فيها غير الدورات اللي معاي ..

عارفين كم عطوني راتب ؟؟؟؟؟
8100 وبعد خصم التامينات صار 7500 ريال + راتبين في رمضان والحج ..
يعني الراتب بالمجمل كامل بعد خصم التامينات 8500 ريال

وش مقابلها طبعا ؟؟؟

دوام من 8:30 الى 5 .. تلفظ علي المدير بسبب انه مرة ماحلقت دقني .. الياقه لازم تقفلها .. مطلوب منك مبيعات ( قروض - بطايق ) ولازم تقنع العميل انه ياخذها .. كل يوم الصباح اجتماع مع المدير ولازم ياشباب تبيعون و و و و و و ... الخ
اضف عليها انه لازم كل يومين في الاسبوع نروح دواير حكوميه نتشحد الموظفين عشان ياخذون بطايق ائتمانيه وعلى سيارتك

غير انه المدير ازعجني لاني جديد كل يوم يقول انت اسمك بالمرسام وسهل نمسحه لازم تجيب مبيعات وتككككرف

غير انه اي غلط يحرمك العلاوة السنويه .. عاد من زين العلاوات .. اقسم بالله على كرفك وتعبك وقرفك علاوتك احيانا 120 ريال واحيانا 180 ريال واحيانا 160 ريال .. والله انه كان فيه موظف معي له خمس سنين راتبه ما زاد الاساسي الا 700 ريال بس

طبعا اللي ذكرته من ناحية الدوام .. غير اني فقدت الراحه النفسيه والقرف بسبب الدوام



ويجيك واحد هنا يقولك انا جاااااااااااااااااامعي واخذ وكيل رقيب .. يارجل والله العظيم جندي منتف في الجيش راتب 4000 ريال ابرك من هذه ..

لما تشتغل بالجوزات انت في المطار .. غير ميزة انك حكومي وامان وظيفي ..
غير انك تعدل سنويا سواء انجزت والا لا .. دوامك استلام 6 ساعات زي اللوز ماعندك لا شغل ولا مشغله الا خفيف وزملائك يغطون عنك احيانا لو عندك ظرف

احمدوا ربكم وقدموا مافيه ازين من الحكومه والله هي اللي تقدرك وتحترمك .. ماهو القطاع الخاص السملق ..

القطاع الخاص باختصار يشترونك بالفلوس ولما تتقاعد يرمونك زي الكلب لا قريب ولا صديق .. بعكس الجوزات تكون علاااااااااااااقات تنفعك وتنفع عيالك واقاربك بالمستقبل ..


على طاري القطاع الخاص .. اذا ماكنت في ارامكوا والا سابك ابعد عنهم ..

وعلى طاري البنك .. مره امي كان عندها موعد بالمستشفى .. وجيت كلمت المدير وقلت له بروح اودي امي .. اكلني وقالي احنا مو قطاع حكومي استاذانات و و و .. هنا قطاع خاص 8 ساعات تقعد بالفرع بعدها ودي اللي تبي .. سحبت عليه وطلعت .. ولما جيت عطاني افاده وارفقت له تقرير امي .. واكل تبن وسكت ..


اسال الله لكم التوفيق .. للامانه انا بنتظر الامنيه .. دعواتكم انقبل فيها .. لو ماجاتني بدور اي دورة وبلتحق فيها .. لو يخرجوني وكيل رقيب .. المهم راحه البال و وظيفه حكوميه ولا زقاقة القطاع الخاص ..

الله يوفق الجميع

خوي (شهيد باذن الله)

أنت تقول جندي منتف ب 4000 طيب مهب مشكله

أذا أنت من الشمال وراتبك 5000 وجاك تعيين بالشرقية هل هذا المبلغ يكفي أجار سكن وفواتير وبنزين واكل ومصاريف زواج الخ أترك الرد لك

وأنت تقول المدير تلفظ عليك مره في العسكرية يمسحون كرامتك وعزة نفسك ((أنسى شئ أسمه كرامه))وأنسى شئ تختارة بكيفك يمشونك على كيفهم

لما تتقاعد من العسكرية بيروح أكثر من 50 الي 70 فالمئة من الراتب اللي هي البدلات

القطاع الخاص أقصد الشركات الجيدة مثل سكيكو سابك ارامكو الاتصالات وغيرها لما تتقاعد تستلم فوق المليون

أما العسكرية حدك 300 الف لا والراتب 4500 أو 5000 وتخيل عندك 4 أولاد وأمهم تجلس على تكسي كما هو حال العساكر يعني رص على نفسك حاول تامن بيت قبل التقاعد أما أذا عندكم خير فل أمها

اخوي الرد الصريح ..

هذا نظام العسكريه على الكل ظابط والا جندي .. ادخل شف اللواء والفريق كم الاساسي حقه وكم البدلات بتلقاها ماهي بعيده عن الفرد كلهم واحد ..

ومساله انه بتعيش بتكسي لا تقاعدت وكذا .. هذه تعتمد عليك .. دامك على راس العمل زبط امورك وكون نفسك .. اما تلعب بالفلوس زي حال شبابنا الحين سفريات وسيارات وثم لا تقاعدت لا بيت ولا سنعت امورك وعايش بالاجار ولعنة الوالدين .. وقتها لاتلوم احد .. وهذه يدك وماسوت

وقالوها الاولين جدي وجدك واسلافهم ( اللي مايلم المرجله وهو شباب , ماراح يلمها والراس شايب )

بعدين انا عيال عمي اغلبهم عسكر وفيه اقارب لي من بعيد ضباط ..
ماقد سمعت الاهانه اللي تتكلمون فيها بالعسكريه ..

حط نفسك مكان الظابط .. عندك عسكري يغيب ومبزوط ومو مهتم بالدوام وش ردت فعلك ؟
اقل شيء بتسويه بتهينه وبتمسح بكرامته الارض ..

اما لو عندك عسكري مواظب ومهتم بدوامه .. اصلا انت بنفسك بتحترمه وتوصي عليه .. لانه ماسوا شيء بالعكس هذا تحطه فوق راسك وتستحي منه ..

تعال للمدنيه الموظفين المدنيين ..
عندك موظف يغيب ويتاخر ومو مهتم بالدوام .. اكيد بتحسم عليه وبتعاقبه ولو بيدك تفصله فصلته من عمله لانه فيه ناس احق منه ..

وقس على ذلك بقيه قطاعات الحكومه ..


اما القطاعات الخاص .. لو تمر عليك ظروف وماتحقق مبيعاتك خلال شهر .. بيغثونك ويفقعون مخك الاداره والمدير .. وهذا من واقع تجربه ..


وبخصوص التعيين انا من المدينه ولو تجي بجيزان بروووح .. لانه اقلها قطاع الحكومه فيه امان وتقدر تزبط امورك مع مديرك والا الظابط وتنسق مع اخوياك اهم شيء مصلحه الدوام ماشيه ..

اما بخصوص السكن لا يكلف الله نفسا الا وسعها .. انا اعرف واحد من اقاربي معلم وتعيين في حايل .. ولانه معرس جديد وراسه براس الحرمه .. استاجر ملحق في عمار 9000 ريال .. وعايش زي اللوز .. ماراح دور شقه في افخم حي بحايل وهايط وتورط .. بالعكس هذا زينه العقل ..


الله يوفقك اخوووي

أولا الضابط عنه بدلات ومميزات أكثر من الافراد
وراتب الملازم أول مربوط بدون بدلات أساسي 7590 بينما الجندي 3220
راتب اللواء الاساسي من غير البدلات اول مربوط 21390 وأخر مربوط 28740 هذا الاساسي اللي يوصل دبل مع البدلات
وتقول مافيه فرق لو تشوف بدلات الضباط تتعجب
ما قلولك عيال عمك على الاهانات لانهم مايبون تطيح هيبتهم في عينك ومافيه شخص يفرح بالاهانه علشان يبشر جماعته
وشوف المقطع وغيره كثير وهذا شئ بسيط والمفاجئات في الدورة