07-05-2013, 09:38 PM
|
 |
|
|
تاريخ التسجيل: Nov 2011
الدولة: الرياض
المشاركات: 3,527
معدل تقييم المستوى: 1011554
|
|
تفاصيل للاخوان الجدد والي مواعيدهم الاسبوع هذا تبدي
تتوجه لموقعهم وتاخذ معك ملف نفس الملف الي ارسلته للاحتياط لانهم ضايعين وفيه ملفات تضيع عندهم وتاخذ معك 4 صور شمسيه مكشوف الراس , الحضور يكون 7:30 وانت عند الباب يفتحون 8 الا ..*
تدخلون وتجلسون ع كراسي وبيكون فيه اثنين عرفا قحطاني وعمري والرائد المالكي وجندي اول دوسري بيقيس لك الطول المالكي الرائد او العريف القحطاني تقيس الطول والوزن ..*
اذا عديت بيخلونك ترجع تجلس وبيوزعون عليكم دفتر الالتحاق وبيدبسون فيه صوره من الصور الي جبتها وبيعطونكم موعد تسليم الملف حق الالتحاق هذا وبيعطونكم خطاب للتربيه والتعليم للادارة الي تابعه لها شهادتك ..*
اذا جا وقت التسليم تروح لهم بنفس الموعد وبنفس الساعه 7:30 وانت عند البوابه تسلم ملفك لهم وبيخلونك تبصم عندهم بنفس السجون تبصيم للادله الجنائيه وهم يودونها للادله انت مالك شغل فيها عليك تبصم بس وبيعطونك بعدها ورقة صغيره فيها موعدك حق المستشفى حق قوى الامن الرياض ..*
الكشف الطبي
الكشف الطبي بيكون 4 ايام متتاليه ...
بيكون اليوم الاول طول ووزن واشعه صدر وبطن وظهر
وفي هاليوم ماراح تتاخر ولا تجي للمستشفى اول يوم الا الساعه 8:45 لانك ماراح تدخل الا 9 او 9:30 ..*
وبيكون اليوم الثاني سحب دم وقياس ضغط ونبض وتحليل بول وانتم بكرامه
وفي هاليوم تجي بدري الساعه 7 تكون عند البوابه لانه بيناديكم بالمايك ..*
وبيكون اليوم الثالث عيادات انف واذن وحنجره وباطنيه واسنان ونظر وجراحه
وهاليوم هو اسوا يوم بالكشف واطول يوم لان الدكاتره كل واحد يجي بوقت كنهم وزرا ..*
وبيكون اليوم الرابع والي هو اخر يوم تحليل السموم
وهاليوم ماراح تتاخر تعبي العينه وتضرب الباب ..*
ملاحظات /
الكشف الطبي متساهلين فيه جدا من اول يوم الى اخر يوم *
الاسنان الاماميه ممتازه بتمشي حتى لو الداخليه والضروس مو ذاك الزود *
النظر متساعد لابعد درجه الوزن متساهلين فيه لو زايد او ناقص من 7 الى 10 كيلو بتمشي وصارت قدامي *
موقع السجون / طريق خريص قبل مدية تدريب الامن العام
موقع قوى الامن / طرريق صلاح الدين الايوبي
وبالنهايهه الله يوفقكم ويسهل عليكم مراجعاتكم وتخلصون وندخل الدوره ونرتاح من هم العطاله
|
العرض العادي
