12-05-2013, 07:10 PM
|
عضو سوبر
|
|
تاريخ التسجيل: Sep 2011
المشاركات: 345
معدل تقييم المستوى: 308364
|
|
اقتباس:
المشاركة الأصلية كتبت بواسطة آجمل حكآيه
[align=right]
اشفيكم علينا أنتم ؟!!
أي مشكلة صارت قلت ما نعرف نشتغل انت اعرف وين تصيد بعدين احكم
والله العظيم اني تواصلت مع الوالي رمضان اللي فات اذا تتذكرون موضوعه عن الحلوى البحرينية
وكنت اكثر واحد متحمس واعطاني رقمه ما قصر وكلمته ووافق يعطيني دفعة مقدمة وجلست
انتظر واخطط واشوف الاماكن عند الحرم عشان اسوّق الحلوى البحرينية وفي النهاية يقول لي
يوم 20 رمضان ان شاء الله لأن ما تكفي .. شحنت لناس غيرك وكذا .. ضاق صدري لكن انتظرت
ويوم 20 اتصلت فيه ويقول الوضع صعب والعمال رافضين يشتغلوا ومدري كيف قلت جزاك الله خير
جلست اتأمل ومتحمس معه وكنت عازم 100% وفي النهاية ما صار شي
ويجي بعدها بكم شهر يتكلم عن الموضوع ويقول رميت الحلوى في الأرض !!
واتحداه ينكر شي واحد من كلامي .. ويقول الشباب ومالشباب يخوي اذا واحد سرقك
وواحد ما عطاك فلوسك مو معناه تحكم على الشباب كلهم انتم لحقتوا ع الطفرة ورزقكم
الله لكن مو معناه تحقرون غيركم خلاص عشان صارت معكم ملايين صحيح جيلنا فيه التعبانين
لكن حتى جيلكم فيه التعبانين والكسالى بعد ولا كان الشيّاب الحين كلهم معهم ملايين
انا ما اقدح في الوالي بالعكس اشكره على تفاعله معنا لكن لا يقلل من قيمتنا عشان
حالات شاذة .. شكلك تتواصل مع عيال النعمة بعدين تحسبهم عيال البلد كلهم .. لا والله
فيه من عيال البلد اقسم بالله افتخر فيهم اكثر من الجيل الأول لأن الوضع الحين أصعب من أول
ومع هذا مكافحين .. اما جيل أول .. الحين شركات ومؤسسات وعماير .. يعني شغلهم سهل
وانا اعرف واحد يكد بالسيارة ويشتغل حارس امن ويوصل طالبات كل يوم كل يوم كل يوم
اعرفه عز المعرفة .. بلاش تعميم ع الشباب .. والله فينا خير
[/align]
|
حياك الله
لا زلت اذكرك واذكر حماسك حتى وان اخطأت بحقي فأنا اقدر امثالك
ولعلمك حكاية الحلوى وما صاحبها من مشاكل لا زالت ساريه .. اليوم انا بالمحكمه من اجل هذا الموضوع .. لا اريد الاسترسال فيه ولكن الامر كان خارج عن ارادتي وفوق هذا والغريب ان اثق بالكثيرين ولا اجد منهم الا الطناش ..
عزيزي .. عندما تحدثت بهذه النبره فلربما لم تشاهد ما شاهدت
يا اخي اغلب من تواصل معي يتحدث معي بالملايين ومشاريع بالملايين ويريد مني ان انشأها وهو يتولى مسئوليتها .. هل هذا منطق؟
كثيرون اقابلهم في مقهى بعد ان نتفق يقضى اغلب الوقت في الرد على مكالمات غير مهمه او رسائل البلاك بيري
احدهم يا عزيزي وهو رجل كريم لا انتقص منه بل له كل محبه وتقدير تقابلت معه وذكر ان لديه مبلغ بمئات الالوف ولا يدري ماذا يفعل .. اقسم بالله سعيت لاجله وحصلت على مركز كبير له عده فروع بالمملكه لجلب نوع من الملابس والربح بالضعف بعد اتفاقي مع مسئول المشتريات لديهم .. اتصل عليه ما يرد .. وانا جالس مع المسئول .. اتصلت عليه وارسلت رساله لم يرد .. وتعرف هذي الامور لا تأجيل فيها يجب ان تكون قناص ولا راحت عليك .. ارسل لي رساله بعد اسبوع يقول اسف كنت مشغول !!!!!!!!!!!! فاضطريت اخذ البيعه لنفسي رغم اني اثرتها على نفسي له
يا اخي شوف اغلب الموجودين هنا كل منهم لديه راس مال ولا يدري ماذا يفعل .. يعني لا خبره ولا شي ويريد عمال يجلبهم ليفرضوا شروطهم عليه بعذ ذلك
يا عزيزي تواصلت مع بعض اصحاب المطاعم من هذا الموقع واخبرتهم اني متخصص ومستعد للعمل لديكم ببلااااااااااااااش لاكسر شوكه الاجانب الذين يفرضون عليهم شروطهم ولكن بشرط ان تعمل معي .. ماذا وجدت ؟؟؟ طناااااش
شباب تواصلت معهم واخبرتهم ان كهرباء السيارات فيه رزق وفير جدااااااااااااا ومستعد ان اقف معك بمحلك واعلمك المهنه والله لم اسمع بعد ذلك اي اتصال منهم
لماذا لا يعمل الشاب باي مكان ووالله ستفتح له الابواب وسيعرف السوق وماذا يفعل بعد ذلك ..
والله العظيم اشتغلت صبي عند باكستانيين ساموني سوء العذاب باحدى الشركات .. فدرست وتعلمت وتعبت على نفسي حتى اصبحت رئيس عليهم .. هذا الكلام لم اذكره من قبل ..
وعندما اغضب لاني ارى الاجانب ماذا يفعلون والشباب لايدري اين يضع رأسه .. مجمع الدنيا الصغيره لبيع كل شيء بريالين .. هل تعرف ان لديه تقريبا حسب ما اعرف خمسة فروع .. كل فرع يعطيه 10 الاف ريال في الاسبوع .. وصاااااااااااااااحبه باكستاني ... هذا الباكستاني كان عامل صغير في ذلك المحل
مصري اشتغل يركب سيراميك قابلته قبل ايام ولديه محل سيراميك وادوات صحيه ملك له بعد خمس سنوات من التعب
وغيره وغيره كثيررررر
يا عزيزي عندما تسمع مني كلمه تغضبك فأعلم انها كلمه الوالد لابنائه .. لا اقصد من ورائها اهانه او انتقاص منكم .. بل اريد ان تكونوا الافضل وان يسعي الشاب بقوته في شبابه ليرتاح في كبره
وعموما .. اذا كنت لا تزال تريد العمل فحاليا سيصلني كميه كبيره من الملابس الرياضيه وبعدها كميه من الملابس النسائيه ان اردت التسويق فمرحبا بك
وسيصلني مندوب المصنع الهندي باذن الله بعد اسبوع اذا بخاطرك بضاعه تعتقد انها ممكن تمشي فقط اخبرني ليتم تصنيعها والتوزيع مسئوليتك
تحياتي للجميع
التعديل الأخير تم بواسطة الوااالي ; 12-05-2013 الساعة 07:15 PM
|
العرض المتطور
