السلام عليكم وآحلى باك لأحلى منتدى واحلى شباب
طبعا مثل ماهو واضح بالعنوان
قصتي هي ((بعد ما انقبلت بالسجون رحت وانطردت بسبب 1سم والحمد لله على كل حال جلست اقلبها براسي مالقيت حل دخلت على العم قوقل ابحث عن رقم وزارة الداخلية مسوي قادح هع
المهم اخذت الرقم واتصلت عليهم رد علي موظف اخلاقه قافلة قلت السلام عليكم قال هلا سم
قلت ممكن اكلم الامير محمد بن نايف حسبته بيقول دقيقة ويروح يناديه هههههههههه اثاريها صعبة
المهم قالي عطني اسمك وسجلك المدني ورقمك انخرشت وعطيته قالي خلاص بنتصل عليك حنا قلت بيض الله وجهك وقفلت المهم جلست ساعتين انتظر يدقون سحبوا علي اثاريهم يقصدون بعد اسبوع اسبوعين المهم اني رجعت ادق رد علي واحد ثاني قلت له سلام الله لايهينك ابي اكلم الامير قال ليه وش عندك قلت ابيه قال انت مرسل برقية عندك معروض شي قلت لا بس اني ابيه
قال بوش تبيه المهم اني عطيته العلم قالي ابد موضوعك بسيط مايحتاج قلت عطني الله يجزاك خير قال ابد رح اكتب لك معروض واشرح وضعك بختصار وارفق معه شهاداتك وصورة من اثباتك إلخ... المهم قلت وبعدها كيف اسلمها قال رح للبريد وارسلها لوزير الداخلية وراح توصله اكيد المهم رحت العصر اسوي المعروض وطلبت فيه اسثانئي بالسجون ووو إلخ.... وحطيت شهاداتي مع المعروض بملف اخضر وصكيت برقم جوالي ورا الملف ورحت للبريد الممتاز امس العصر اللي هو يوم الثلوث وقلت ابي ارسله لوزير الداخليه قال هو حاليا بجدة بنرسله لجدة عطيت حق البريد النظرة التحجيرية وقلت وش دراك ؟؟ قال يجينا خطاب من الديوان الملكي يحددلنا مواقعهم الحالية قلت ارسله بيض الله وجهك وصكيتهم ب 50 ريال ومشيت
المهم موضوعي هذا ابي افعل به خير للي يبي يجرب ويستفيد ((حب لأخيك المسلم كما تحب لنفسك))

تتوقعوون بيقرآآه طويل العمر
وهل في احد قد جرب وارسل وجاه رد اخاف ينسحب علي؟؟
وكيف اتعقب بريدي ؟؟؟
والسلام عليكم ورحمة الله وبركاته

اولا ونعم بالله انا ادري ان محد بينفعني الا الله وحدة
ولكن انا افعل الاسباب احاول اسوي اي شي مو اقعد بالبيت واقدم واقول ماجاني نصيب اجتهد بطلب رزقك
وبعدين انا والله ماجيته اطرة من جيبه انا جاي ابي حق من حقوقي اللي هي الوظيفة لكن حسبي الله ونعم الوكيل مالك حق الا بواسطة
ومن ناحية الدراسة انا اقول الحمد لله اني تخرجت من الثنوية وبعدين كل شخص وله ظروفه انا ماقدر احمل اهلي عبء دراسة كل شخص وله ظروفة وماودي اتكلم
والله يسعدكم ويفوقنا وياكم ومشكورين عالردود

الله يرزقك بالوظيفة اللي تتمناها

انت اجلس فترة ودق عليهم وشوف

موفق ان شاءالله

لي اخ موظف بوزارة الدفاع انقبل وفصل لضروف وراسلنا وزي الدفاع الامير سلمان عن طريق البريد نفس حركتك يعني
وارسلو للقيادة خطاب اعادة خدمة وبلغونا انه تم الموافقة على اعادته
وهو حاليا يداوم ابشرك بس نقلوه مدينة ثانية
هم يردون لاكن حط كل بيانات وصور البطايق لا تخلي شيء

دامك على 1سم

قريت بالمنتدى عن تمارين اسمها الإطالة روح سجل في نادي وخلهم يركزون لك على تمارين الإطالة

وان شاء الله تزين أمورك

الله يرززززقك اخوووووي

وييسر امررك

بكل صرآآآحة ردودكم تفرح والله احس انكم اخوان لي الله لايحرمني منكم ولبى قلوبكم على هالردود اللي تشرح الصدر مشكووورين جميعا

ادخل على موقع الريد الممتاز تقفي الاثر وكتب الرقم اللي عطوك كذا تعرف وين راحت معاملتك