10-06-2008, 01:24 AM
|
|
Guest
|
|
تاريخ التسجيل: Apr 2007
المشاركات: 3,374
معدل تقييم المستوى: 0
|
|
|
هذي وصوفٍ ظاهره ومحسوسـه (الناس اشكال والوان)
الله مـن قلـبٍ تزايـد هجوسـه
له مـدةٍ ماهـوب يـم الوناسـه
يسج وادنى ماطرا لـه يحوسـه
مدري وش اللي بالتفاكير حاسـه
غديت انا ويا الهواجيس حوسـه
كني على حد الزمن في حراسـه
الوضع مزري والحلول معكوسـه
والحلم يكبـر مالقينـا مقاسـه
لو تزرع خياره طلع فيه كوسـه
ماعاد ينفـع جهـد والاسياسـه
من طاح حظه دوم بقعى تدوسـه
تكسيه من رجله ليا حـد راسـه
الوقت يمضي بس تبقى دروسـه
كلن عليه من التجـارب دراسـه
طبع الليالـي والليالـي نكوسـه
لو اقبلت في تاليتهـا انعكاسـه
ماهي من اللوعات دوم محروسه
ماتنومن للغـدر فيهـا انتكاسـه
احدٍ بها يشقى ويجمـع فلوسـه
يخاف من هم الفقـر والفلاسـه
واحدٍ يجي تزهاه ناعـم لبوسـه
مرتاح مايشقى وجـوه وناسـه
معطيته الدنيا على طول بوسـه
ماذاق يومٍ فيـه لحظـة تعاسـه
واحدٍ يجاهد ماسلم من نحوسـه
مع قل توفيقه تصيبـه نحاسـه
يلقى الليالي قدم وجهه عبوسـه
تضغط عليه بكل حقد وشراسـه
ماعنـده الا مايوقـي ضروسـه
واحيان ماعنده من العيش طاسه
كن الخناجر في ظهره مغروسـه
من قل دخله واصلٍ حـد ياسـه
الرزق من عند الولي مانقوسـه
والخلق تتفاوت بطيب ونجاسـه
احدٍ على عرش الكرامه جلوسـه
الطيب عوده والشهامـه لباسـه
واحدٍ خسيس وغارقٍ في نجوسه
تلقى حياتـه كلبوهـا خساسـه
وفيهم طويل الباع مبعد رموسـه
في ساحة الميـدان ياقـو باسـه
واماٍ قصير الباع نفسـه يؤسـه
مستور حال وعايشٍ وسط ناسه
وفيهم عديم الراي حرمه تروسه
مافيه فـود ولاتغـرك حساسـه
واحدٍ غشيم وكل شيـن يحوسـه
الرزق لامن جاه بالرجـل داسـه
واللي اكل عرض المقفين سوسه
يسقيك سم الداب في وسط كاسه
تحت الوفا والنصح يخفي دسوسه
نقال هرج وكـل شغلـه بلاسـه
هذي وصوفٍ ظاهره ومحسوسـه
والفرق واضح مايبي له فراسـه
وسلامتكم
اخوكم
ابو سيف
|
العرض الشجري
