السلام عليكم ورحمة الله وبركاتة

اخواني انا قررات افتح بقالة صغيرة

حبيت اعرف الاجرات من لمن استاجر المحل لين ماابدا ؟

مع العلم اني اتفقت مع عامل يماني يستغل معاي وبالنسبة + راتبة

وكم راتب العامل اليماني ؟

ودعواتكم لي بالتوفيق

اخوي والله انك غلطان كل العمال كذابين للاسف البقاله والله تدخلك مبلغ وقدرة لو مكانها كويس ولو بتشغل العامل
بيستغلك وانت تقدر تربح وتستفيد جيبلك عامل هندي واعطه راتب وكل يوم خلك بلمحل شيك عليه ولازم ترصد كل شيء موجود بلبقاله ولا تخلي لهم فرصه بلنصب والاحتيال وصدقني بتلقى خير
اما بنسبه فلاتفكر تخلي احد يقاسمك في حلالك والله لو اليمني مابيطلع من وراك مبالغ ماقالك بنسبه ولا كمان يبغا راتب!!!
هذي مشكلت بعض الشباب يفتح
محل ويقوله العامل نسبه
وياخذ كم الف اخر الشهر ومايدري ان محله يدخل عشرات الالوف
والله يرزقك ياخوك اتمنى لك الخير
والله ولو مابيلك الخير ماقولت لك هل كلام

الله يجزاك خير . ماقصرت

لكن ياخوك انا عليمي بالبقالة مجبور

[align=center]
مساء الخير

اخوي دامك عليمي انتظر لا تستعجل . . . . وثاني شي اذا تعرف لك احد عنده سوبر ماركت حاول تتقرب منه وتفهم الشغل كويس . . . وبعدها اذا فهمت الشغل فلوسك عندك وتقدر تفتح وانت فاهم شغلك ولااحد يشاركك فلوسك

تحياتي لك
[/align]

اخسي الفاضل
احنا في بلد التستر واحسن شي ترابط في البقاله شهرين ثلاثه علشان تعرف الدخل التقريبي للبقاله وبعدها تؤجر البقاله ببضاعتها لليماني شهريا بحيث هو يدفع جميع المصاريف من كهربا وماء وايجار محل وتتفق معه ان ما يشتريه من بضايع يأخذه بأسمه هو علشان لا يورطك في ديون ومثلا البقاله تدخل عشره آلاف صافي تخليله الف وتاخذ تسعه وفي العقد كل سنه او اثنين تزيد اللقيمه 10% يعني بعد سنه تاخذ منه شهريا عشرة الاف وعلا كذا لانه رايح يدخل اكثر مما تتخيل بكثير
وتقبل تحياتي

كلام سليم اخوي حسن

بس هل انت معي في انه اول شي يعرف اساسيات الشغله ياخذ فكره عنها اول شي وبعدين يدخل في المشروع