نقاش للمقبلين على الزواج

طفولة شايب · #1 (**permalink**) 10-05-2013, 07:01 AM

..السلام عليكم ورحمة الله وبركاته ..

الزواج كونية إن من سنن الله تعالى الكونية أن جعل من كل شيء زوجين اثنين يكمل أحدهما الآخر ويسكن إليه

قال تعالى :

(وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآيَاتٍ لِقَوْمٍ يَتَفَكَّرُونَ ))

وقال صلى الله عليه وسلم :

((يا معشر الشباب من استطاع منكم الباءة))

لكن في وقتنا الحالي اصبح الزواج هاجسا وكابوسا مزعجا للشباب فما ان يتقدم حتى يواجه بسيل من الطلبات التعجيزيه من قبل اهل الفتاة _إلا من رحم ربي _

_ ويبداء في دوامة الدين وتتحول حياته االى

مع ان الزواج مفتاح للخير والغنى

قال تعالى :
((((وَأَنكِحُوا الأَيَامَى مِنْكُمْ وَالصَّالِحِينَ مِنْ عِبَادِكُمْ وَإِمَائِكُمْ إِنْ يَكُونُوا فُقَرَاءَ يُغْنِهِمُ اللَّهُ مِنْ فظله ..))

احببت في هذا الموضوع ان نطرح نقاش عام عن الاقدام على الزواج خاصة من راتبه دون الـ5000
ونحسب التكاليف عامة .ونرحب بالمتزوجين

ليفيدونا حسب خبرتهم

إدارة منشئات · #2 (**permalink**) 10-05-2013, 03:17 PM

وعليكم السلام ورحمـة الله وبركـاته

فعلاَ موضوع يبغاله شدة حيل وإمساك وطولة بال وصبر .. بإذن الله تعالى لي عوده مكلفه

دمت بكل خير.

اماني بنت الماني · #3 (**permalink**) 10-05-2013, 07:22 PM

كل واحد يقدم ع الزواج وان شاء الله خير ..ويشوف العائله الطيبه مو العائله الي يتشرطوا ..هو يتوكل ع الله ويخطب قبلوا به اهلا وسهلا ماقبلوا به وعندهم شروط يشوف غيرها..اما الي يبغى البنت الفلانيه الي مهر ها مايقدر عليه ومصر عليها يقعد لين يشيب :-)

مارتن المطيري · #4 (**permalink**) 11-05-2013, 12:24 AM

مهر بـ / 60 الف ريال ..!
قصر بـ / 20 الف ريال ..!
شقة بـ / 20 الف ريال ..!
أثاث شقة بـ / 25 الف ريال ..!

والله كآن ودي أكمل بس أكتفيت بهذا القدر
م ودي أحطم المقبلين ع الزوآج ..!

السلام عليكم ..!

نسيوني · #5 (**permalink**) 11-05-2013, 12:52 AM

^
ليه 60؟؟ كثيرررر والله 60
احنا عندنا المهر من 20 الى 35 وأغلب الزواجات اللي تمت كانت مهور البنات 30 وانا من ضمنهم

الأباء ذحين إتساهلو في المهور وأمور الزواج من شقه وأثاث ووو....ماعاد يتشرطون زي أول لإن البنات أعمارهم بتصك الثلاثين بدون زواج والشياب فكرو بالعقل يزوج بنته ولاتجلس عنده حتى البنات والله صرت أسمعهم في المجالس يتنازلون عن أشياء كثييررره وتقول أهم شي اتزوج..بعد ماكانو يتشرطون ويقولون نبغى واحد حلو وسيم يجنن عيونه زرقا طويل عريض المنكبين معضل..

أهم شي انتو انووو النيه وربك يقدملكم اللي فيه الخير
الله يوفقكم ويرزقكم الزوجات الصالحات بالتوفيق لكم..

إدارة منشئات · #6 (**permalink**) 11-05-2013, 05:12 AM

بسم الله الرحمن الرحيم

عليه الصلاة وأتم التسليم الى يـوم الدين

ماشاء الله تبارك الله الأعضاء سبقوني بالكلام .. أكيد نية الأنسان بداية لابد تكون للنهاية

ممكن يكون كابوس لفئة من الشباب الراغبين بمواصفات أو أختيار شريك حياتهم بنفسهم،، في هذه الحالة يواجه تعثرات ومتطلبات ّّ مكلفه ّّ تجعله متأخر في عدة أمور .. أو مثل ما ذكرت يكون بدوامة
إلا من رحم ربي

الزواج أكيد أنه مفتاح للخير والغنى والستر يمّد الأنسان بالإستقرار واليسّر والإحساس بالمسؤولية
قال رسولنا عليه أشرف الصلاة وأتم التسليم إذا جاءكم من ترضون دينه وخلقه فزوجوه

بحكم وضع الحال في الأيام هذه .. مبلغ خمسة الآف يا دوب يكفي أعزب سـوآء سيارة،مصروف،لباس ...تتعدد الأشياء.

لي زملاء أكبر مني بالعمر .. الي ربي مكرم ومنعم عليه ولله يزيده .. يضع الوف مألفة لتكاليف الزواج
وفي الي يملك ثلاثه الآف وخمسمائة وثلاثة أطفال ( وسبحان الله أشوف حياته مفروجه معاه ومرتاح بالبساطة) شتّان ما بينهم في المال .. لكن كلهم مرتاحين البال.. حمد لله فضل من ربي

- كلمة بنهاية الكلام -
أترك إختيار شريك حياتك لأهلك ،، لأنه مهما تلف الدنيا نصيبك يوصل لحدك
أش ما أتمنيت في حياتك .. كن على يقين .. يجي اليوم الي تكون البنت المناسبة لك قدام نظر أمك
( أدري بتقول داخل نفسك انا الي بتزوج ماهو أمي ولا اهلي .. لكن هذا نصيب وكل شخص مكتوب له نصيبه يجي لحده بإذن الله )

الله يكتب لكم ولنا الي فيه الخير

خابت هقاوينا · #7 (**permalink**) 11-05-2013, 06:53 AM

انا بقولكم قصتي وانتم احكموا
انا بنت مثل اي بنت كان حلمي الزواج ورجال ككفو واطفال ( هو حلم الشباب والبنات
من قبل لا انخطب كنت اقول مهري باقة ورد ومقابل ( حياه سعيده وحب واحترام وتفاهم هذه القوائم الاربعه كانت هدفي
تقدم لي شخص مطلق مو من العائله بعيد عنا ( بالمهر حطيت المهر المتعارف عليه ٥٠ وبيت لي
يوم كلمته قلت له انه ليس مجبور على احظار المهر وربي اني قلت له باقة ورد تكفيني بس بشرط ابي الحياه سعيده وتفاهم والاحترام والحب .. هل اخطاااااات بهذا الطلب
وقال انه ماراح يبني لي بيت واني بسكن معه بغرفة عند اهله ... قلت موافقه وانا ببداء معك من الصفر
ولا تشيل هم .. وعدني وعود كااااذبه انه بعوضني وانه وانه وانه وانه

انا وقتها وربي ابي ابدا حياه حلوه الفلوس تجي وتروح والبيت وكل شي ( خوذوني قدوه !!!!

وازيدكم من الشعر بيت القاعه كانت ب ٧ الالف وساعدته فيها
والطقاااااقاااات انا الي جبتهم ...

لحد يقول اني هنت نفسي له وساعدته الرجااااال مطلق قبلي واكيد عليه ديوووووون ...
تدروووووووون وش جازاني فيه

اهداني هديه لن انسااااااه ( كانت هديتي هي الطلاق وبدون سبب يذكر اصلاً ما امدانا نعرف بعض عشان يحكم علي
انا وش ذنبي !!!! لما يطلع السبب منه !!!

ماعطني الي بغيته يوم طلبت حياه سعيده واحترام وتفاهم حتى الحب قلت اخر شي ( هل انا مبااااالغه بالطلباااات او انها ماهي من حقي

لا تضحون مثلي تخسرووون ... المهر والبيت حق من الحقوق المرااااءه .. لا تروحن لشقاء بيديكن
تصيرن ضحية مجتمع لا يرحم مجتمع غفور رحيم لرجال وشديد العقاب للبنت
ادري اني قسيت على الرجال بس هم من صنعوا القسوه داخلي

طيور بلا أجنحة · #8 (**permalink**) 11-05-2013, 07:22 AM

والله انا بتذكر لمى كنت بتزوج لكن اتفركش كل شئ

اتذكر اني ماطلبت شئ كنت ما ابي زواج ولا حفل ولا طلبت شئ نهااائي بس هو اهله كانو يبون حفل وغناء ودفع فلووس ومصاريييف وفوق كل هذا طلبو من ابووي يدفع مع انني مابي ذا الكلام كلة

يعني خسرونا

الرد الصريح · #9 (**permalink**) 11-05-2013, 08:25 AM

المهر في المتوسط من30.000 الي 70.000 تقريباً طبعا تختلف من منطقة لاخرى وبين الاقارب أو القبيلة
ولاتنسون الذهب والدبل والهدايا
قصر الأفراح تقريبا من 15.000 الي 25.000 مع الاكل طبعا مع التبذير تصل مبالغ خيالية

وبعض البنات تبي كوشة ب15000 في المتوسط لو تفكر بكوشة بسيطة وتسافر بالمبلغ أفضل لها وتوسع صدرها

الشقة تقريبا من 12000 الي 25000 حسب المنطقة وسبب الشقة البنات مايبون يسكنون مع اهل الزوج

اثاث الشقة (غسالة+طقم مطبخ+فرن+ثلاجة+اواني+أثاث صالة ومجلس+تلفيزيون+ أثاث غرفة نوم )تقريبا20000

الرد الصريح · #10 (**permalink**) 11-05-2013, 09:31 AM

اقتباس:

المشاركة الأصلية كتبت بواسطة اماني بنت الماني

كل واحد يقدم ع الزواج وان شاء الله خير ..ويشوف العائله الطيبه مو العائله الي يتشرطوا ..هو يتوكل ع الله ويخطب قبلوا به اهلا وسهلا ماقبلوا به وعندهم شروط يشوف غيرها..اما الي يبغى البنت الفلانيه الي مهر ها مايقدر عليه ومصر عليها يقعد لين يشيب :-)

بخصوص الشروط في واحد أعرفه يبي يتزوج وحدة من خارج قبيلته ابوه رفض هو عتيبي ويبي يتزوج شمرية أخت زميلة المهم عاند أهله وتزوجها أبوه تبرى منه وحالف على أمه بالطلاق اذا استقبلته أو قابلته وكذالك اخوانه والسالفة والرجال حاول يراضي أبوه أكثر من مره ما رضى وطرده وكذاك الام والرجال الان ابناءة في المرحلة الثانوية الى الان ما حن قلب أبوه

هل الزواج من وحدة خارج القبيلة حرام أو عيب هذا تخلف وجهل
بعض الاباء من جهله يحب المناظر والمصاريف لا وكل شئ على الابن

وبعض الناس من جهله ما يزوج بنته الا من نفس القبيلة وهذا سبب من أسباب العنوسة
ويزوج بنته جاهل يعذب بنته بسبب أنه من القبيلة
قسم بالله أن فيه بنات غير قبليات قمه في الادب والاخلاق والدين
طبعا حق الاب يزوج بنته قبلي ولكن لا يحصر ذالك على نفس قبيلته

اقتباس:

المشاركة الأصلية كتبت بواسطة خابت هقاوينا

انا بقولكم قصتي وانتم احكموا
انا بنت مثل اي بنت كان حلمي الزواج ورجال ككفو واطفال ( هو حلم الشباب والبنات
من قبل لا انخطب كنت اقول مهري باقة ورد ومقابل ( حياه سعيده وحب واحترام وتفاهم هذه القوائم الاربعه كانت هدفي
تقدم لي شخص مطلق مو من العائله بعيد عنا ( بالمهر حطيت المهر المتعارف عليه 50 وبيت لي
يوم كلمته قلت له انه ليس مجبور على احظار المهر وربي اني قلت له باقة ورد تكفيني بس بشرط ابي الحياه سعيده وتفاهم والاحترام والحب .. هل اخطاااااات بهذا الطلب
وقال انه ماراح يبني لي بيت واني بسكن معه بغرفة عند اهله ... قلت موافقه وانا ببداء معك من الصفر
ولا تشيل هم .. وعدني وعود كااااذبه انه بعوضني وانه وانه وانه وانه

انا وقتها وربي ابي ابدا حياه حلوه الفلوس تجي وتروح والبيت وكل شي ( خوذوني قدوه !!!!

وازيدكم من الشعر بيت القاعه كانت ب 7 الالف وساعدته فيها
والطقاااااقاااات انا الي جبتهم ...

لحد يقول اني هنت نفسي له وساعدته الرجااااال مطلق قبلي واكيد عليه ديوووووون ...
تدروووووووون وش جازاني فيه

اهداني هديه لن انسااااااه ( كانت هديتي هي الطلاق وبدون سبب يذكر اصلاً ما امدانا نعرف بعض عشان يحكم علي
انا وش ذنبي !!!! لما يطلع السبب منه !!!

ماعطني الي بغيته يوم طلبت حياه سعيده واحترام وتفاهم حتى الحب قلت اخر شي ( هل انا مبااااالغه بالطلباااات او انها ماهي من حقي

لا تضحون مثلي تخسرووون ... المهر والبيت حق من الحقوق المرااااءه .. لا تروحن لشقاء بيديكن
تصيرن ضحية مجتمع لا يرحم مجتمع غفور رحيم لرجال وشديد العقاب للبنت
ادري اني قسيت على الرجال بس هم من صنعوا القسوه داخلي

أولا الله يكون في عونك والطلاق ليس نهاية الحياة والله يعوض بشخص أفضل منه
وانتى ما سألتي عن سبب الطلاق من زوجته السابقه لانه سبب لمعرفة شخصيته
والصراحة هذا حقير لانه ماقدرك وما قدر مشاعرك
والله أن المجتمع فيه الصالح والطالح وبالعكس اذا الزوجة تساعدت مع زوجها تكبر في عينه
اما النجس والنذل لو تعطينه عيونك ما فكر فيك همه مصلحته
وترى في شباب قمه في الاخلاق ويقدرون الزوجة ولا تاثر صدمتك في شخص على حياتك وتنظرين للمجتمع بنظرة سيئة
انا اعرف واحد قمة في الاخلاق والادب وهدئ سواء بالبيت والشارع تزوج وحدة من جماعته طبعا الرجال وضعه المادي ضعيف
تزوج وحده لزم عليه ابوه ياخذها المهم المهر 70.000 وذهب حول30.000ن وصالة مع الاكل حول30000
وغير الهدايا اللي خواته جابوهم لها طبعن هو ماشافها الا يوم العرس بسبب عوايد قبيلته واصرار ابوه عليها
المهم المراه ثاني يوم اعزموا اهلها واكرموهم وحرضو بنتهم عقب ما راحو اهلها سببت مشكله في البيت واذا نادته امه تقول خلها تولي لا تطيعها المهم اعزموا اهلها في اليوم الخامس او السادس بعد العرس الزبدة ان بعد ما راحو تسوي حركات تمثل انها مجنونة ودوها بيت أهلها وقالت ماتبي ترجع تقولها طلقني قالها عطيني المهر واطلقك بعد فتره قالتلها انت غزم واستحي امشي معك قالت طلقني قال رجعي المهر بعد فتره قالت لها أنت طيب وعلى نياتك وتستهزء عليه والرجال من طيبته متنازل عن الذهب والهدايا اللي جابوهم خواته لا وتدق على امه وتهدد تقول طلقوني وتسب العجوز علما ان الرجال راتبه 4500 احسبي كم سنه جمع فيها المهر

اقتباس:

المشاركة الأصلية كتبت بواسطة طيور بلا أجنحة

والله انا بتذكر لمى كنت بتزوج لكن اتفركش كل شئ

اتذكر اني ماطلبت شئ كنت ما ابي زواج ولا حفل ولا طلبت شئ نهااائي بس هو اهله كانو يبون حفل وغناء ودفع فلووس ومصاريييف وفوق كل هذا طلبو من ابووي يدفع مع انني مابي ذا الكلام كلة

يعني خسرونا

الله يعوضك خير