السلام عليكم ورحمة الله وبركاته



من زمان نفسي افضفض واسئلكم







انا متخرجة من سنة قسم لغة عربية وعلوم اجتماعية تخصص لغة عربية معدلي جيد جدا
وانا محتاجه للوظيفة
وابويه رافض فكرة التقديم لغير مدينتي رفض نهائي ومدينتي هي ينبع واحتياجها وحده فقط ونقاط اخر مرشحه 87 يعني مستحيل اتعين قبل 10 سنوات وخاصة انو كثير يختارونها من ضمن رغباتهم خاصة اهل جدة والمدينة ومعاهم حق لانها الاقرب لهم تقريبا
فنقاطها دائما تكون مرتفعة
المهم فكرت انو ادرس ماجستير دراسات ادبية ادب وبلاغة ونقد في المدينة او جدة لانو ما عندنا في ينبع ماجستير ابدا ولا قسم من الاقسام
وابويه ايضا رفض اني اسافر لا سكن ولادوام ولا عند الاقارب على فكره عندي اقارب كثير في المدينة وجدة كل خالاتي في المدينة وعماني وعماتي بجدة
وخلاص قال لي لا صعبة وسكت واتقهرت طبعا بقلبي
وبعدين لقيت بشروط التقديم لقسم اللغة العربية بموقع طيبة كاتبين يشترط ان لايكون من خريجي كلية المعلمين وانا من كلية اعداد المعلمات فارتحت شوي قولت حتى لو وافق ابويه ما راح يقبلوني ووكلت امري الى الله
لكن تفاجئت بقبول اثنين من صحباتي وهما مثلي اعداد معلمات لكن علوم اجتماعية وحده منهم مقدمة جغرافيا والثانية تاريخ لكن قبول مبدئي باقي الاختبار التحريري الله يوفقهم
فرجعت مره ثانيه افكر في الماجستير
حابة اسئلكم الله يوفقكم
هل يتم قبولي وانا خريجة كلية اعداد معلمات بعد ما انضمت لجامعة طيبة
هل اذا وافق ودرست واتخرجت مضمونة الوظيفة يعني هل في احد درس ما جستير وما اشتغل عادي مو على طول ممكن سنة سنتين بس اشتغلت في الاخر ولا استريح وما اتعب نفسي من البداية
ممكن تساعدوني يا نساء ويا شباب كيف اقنع ابويه بالماجستير او التقديم بجدارة على جميع المناطق محتاجتكم
على فكرة امي ما عندها مانع على الماجستير وخاصة انو يقولون الدوام 4 ايام في الشهر بس جدارة تقول اذا ابوكي راح معاكي عادي
اما ابويه اكيد يبغاني اتثقف واشتغل بس شايفها صعبة ومو مقتنع وخاصة انو ولا وحده من اقاربي لا اهل امي ولا اهل ابوي مقدم على غير منطقتو يعني محد سواها بكون شاذة بعايلتنا ما عدا وحده تقربلي من بعيد اقول شوفها عادي كل الناس كذا يقولي لانها متزوجة عادي
ويقول ما ابغى اترك عملي و اروح معاكي يقول لما اتقاعد قدمي على جدارة واروح معاكي بس هو لسه مطول على التقاعد يبغالو يمكن 8 او 9 سنوات
انا ما قصرت قولت له اقدم ولو جاء خذ اجازة من العمل حتى لو بدون راتب لمده سنه وتعال معايا
وراتبي كلو لك نعيش منو ويعيش امي اخواتي ما ابغى غير قيمة التحضير والاقلام قال عادي سنه تعدي بس ايش يضمنك انهم ينقولونك بعد سنه يمكن تطولين عاد هنا انا سكت
احتاج مشورتكم الله يسعدكم اي احد دخل الموضوع يقول لي وجهة نظرو وبكل صراحة راح اتقبل اي شي انا عارفة اني ضعيفة وما عندي كلمة ولا راي لكن واجب علي وغصب عني اسمع كلامه واطيعه