يا شباب هذي شروط الاستخبارات
1 - ان يكون سعودي الاصل والمنشأ ويستثنى من شرط المنشأ من نشا مع والده اثناء خدمته للدوله خارج المملكه
2- ان يكون والدا المتقدم سعودي الاصل والمنشأ
3- لم يسبق للمتقدم ان تزوج من غير سعودية
4- ان يكون المتقدم غير مصاب بالصرع او أي امراض نفسيه اخرى
5- ان لا يكون موظفاُ في اي جهه حكومية
6- ان لايقل تقدير المتقدم في المؤهل العلمي والفني عن ( جيــد ) كحد ادنى
7- ان يكون المتقدم من مواليد الفترة مابين 1406 الى 1414
8- ان لايقل الطول عن ( 165 ) سم .
9- اجتياز الكشف الطبي الصادر من الخدمات الطبيه التابعه لرئاسة الاستخبارات العامه ويعتبر قرارها نهائياً
10 - يقتصر القبول على الحاصلين على الشهاده الجامعيه والمتوسطه او الثانويه العامه ومايعادلها
11 - ان يكون حسن السيره والسلوك وغير محكوم عليه بالإدانه في جريمة مخلة بالشرف والامانه مالم يكن قد رد إليـه اعتباره
12 - يقدم المرشح للتعيين إقراراً بعدم إخفائه لخدمة عسكريه سابقة له واذا ثبت خلاف ذلك بعد تعيينه تنهى خدماته على أن لا تحتسب خدمته السابقة خدمة عسكريه ولايستحق عنها أية مكافأة او تعويض .


طيب يا شباب انا
7- ان يكون المتقدم من مواليد الفترة مابين 1406 الى 1414
من مواليد 1415 هل انقبل في الاستخبارات

السؤال ياعمر متى يفتح التسجيل

وبالنسبه لعمرك اتوقع عشرين سنه ينقبل فاللاستخبارات

وعلى حسب علمي لاستخبارات يبون طووول وجسم وشهادة حاسب للمفاضلة فقط

ويبون اقل من 27 سنه لانه الحد الاقصى للمواليد الي هم حاطبنها 1406 الي هو عمره لان 27 سنة

وبالتوفيق للكل

والله الشروط ماتفيدك بشي انا مقدم عليهم ناس نسبتها 94 مانقبلت اكثر الي نقبلت نسبتها 69 و 70 يعني وسطأت

طيب متى التسجيل فيها

تبي العلم الاكيد مو مهم الشروط المهم الواسطه

متى التسجيل ؟

متى يفتح التسجييل اتمنى تفيدنا ياصاحب الموضوع

ياخي تعبنا قسم بالله كل شي لازم واسطه


حتى لو بصير زبال لازم واسطه وش اسوي يازكرت اروج مخدرات .. اخذلي كيلو بـ 12 واطلع فيه 30
المشكله حرام وانا ابي اصرف على اهلي وعيالي ابي رزق حلال .. قسم بالله تعبنا
رزقنا على الله بس بعض العباد شياطين انس يسدون الرزق على المواطن والله تعبنا وجتنا حالات نفسيه بسبب الضيق والعوائق وش نسوي مالنا غيرك يالله الله نشكي ..

ولد عميُ بآلأستخبارات ، بالرياض _ شهآدته بكآلريوس قبلوه رقيب " لأواسطة ولأ هم يحزنون "

طوله 170 وزنه +90 بس مآدققو عليهُ ،

ويآخوي ترآ الشروط الي نآسخهآإ انت قديمه _ يمكن قبل سنتين او 3 ، لأني السنة هاذي والي فاتت مآشفت تقديم للإستخبارات ، وهم يبغون نآس بشخصيآت معينه ،

يعني لو تجيهم طولك 170 وجآيب بالثانوي 100% ، يمكن مآيخذونككُ

مدري على إي اساس يقبلون ، بس الي متآكد منه ، ماعندهم مفاضلة على الشهادة ، اتوقع على شخصيتك

ولد عمي معدله 3.18 " اتوقع " _ لأني سبق وقدمت له بوظيفة ،وخويه معدله +4 وطوله +170 مشاء الله وجسمه جسم عسكري

بس مقبلوه بعد المقابلة الشخصية ، ولآ يدري وش السبب

والله يرزق الجميع